દીકરો ક્રિકેટનો સ્ટાર ખેલાડી બન્યો, પરંતુ પિતા તો આજે પણ… જૂઓ વીડિયો
- ભારતીય ક્રિકેટ ટીમના ખેલાડી રિંકુ સિંહના પિતાનો એક વીડિયો આ દિવસોમાં સોશિયલ મીડિયા પર ઘણો જોવા મળી રહ્યો છે. વીડિયોમાં રિંકુ સિંહના પિતા ગેસ સિલિન્ડરની ડિલિવરી કરતા જોવા મળે છે
HD ન્યૂઝ ડેસ્ક, 29 જાન્યુઆરી: આજના સમયમાં ભાગ્યે જ કોઈ ક્રિકેટ પ્રેમી હશે જે રિંકુ સિંહનું નામ જાણતા ન હોય. આજકાલ લોકો રિંકુ સિંહને ભારતીય ક્રિકેટ ટીમના ફિનિશર તરીકે જોઈ રહ્યા છે. રિંકુ સિંહ પણ એક એવો ખેલાડી છે જેને જ્યારે પણ તક મળી છે ત્યારે તેણે પોતાનું સર્વશ્રેષ્ઠ પ્રદર્શન કરીને લોકોનો વિશ્વાસ જીત્યો છે. ત્યારે આ દિવસોમાં ક્રિકેટર રિંકુ સિંહના પિતાનો એક વીડિયો સોશિયલ મીડિયા પર વાયરલ થઈ રહ્યો છે, જેને જોયા પછી તમને ખબર પડશે કે જમીનથી જોડાયેલા હોવું કોને કહેવાય.
Rinku singh father 🙏❤️🥺 pic.twitter.com/MChRJPErpY
— ज़िन्दगी गुलज़ार है ! (@Gulzar__sahab) January 27, 2024
વીડિયોમાં શું જોવા મળ્યું?
જો કે સોશિયલ મીડિયા પર દરરોજ ઘણા વીડિયો વાયરલ થતા હોય છે, પરંતુ કેટલાક વીડિયો એવા હોય છે જે તમારા દિલને સ્પર્શી જાય છે. આ દિવસોમાં વાયરલ થઈ રહેલો આ વીડિયો પણ કંઈક આવો છે. વીડિયોમાં તમે જોઈ શકો છો કે એક વ્યક્તિ ગાડીમાંથી અનેક સ્થળે-સ્થળે જઈને ગેસ સિલિન્ડરની ડિલીવરી કરી રહ્યો છે. આ વ્યક્તિ બીજું કોઈ નહીં પરંતુ ભારતીય ક્રિકેટ ટીમના ખેલાડી રિંકુ સિંહના પિતા છે. આજે રિંકુ સિંહ ભારતીય ક્રિકેટ ટીમનો મોટો ખેલાડી બની ગયો છે પરંતુ તેના પિતાએ તેનું કામ નથી છોડ્યું. આ વિડિયો જોયા પછી તમને ‘જમીનથી જોડાયેલા હોવું’નો સાચો અર્થ સમજાશે.
આ વીડિયો સોશિયલ મીડિયા પ્લેટફોર્મ X (અગાઉના ટ્વિટર) પર @Gulzar__sahab નામના એકાઉન્ટમાંથી શેર કરવામાં આવ્યો છે. સમાચાર લખાય છે ત્યાં સુધી આ વીડિયોને 17 હજારથી વધુ લોકો જોઈ ચૂક્યા છે. વીડિયો જોયા બાદ લોકો ભાવુક થઈ ગયા અને ઈમોજી શેર કરીને તેમના વખાણ કરી રહ્યા છે.
આ પણ વાંચો: હીરોએ રજૂ કર્યું મલ્ટી પર્પઝ થ્રી વ્હીલર, 3 મિનિટમાં થ્રી વ્હીલરમાંથી થઈ જાય છે 2 વ્હીલર, જૂઓ વીડિયો
