ઉડાન ભરતાંની સાથે જ વિમાનનો દરવાજો તૂટ્યો, ઈમરજન્સી લેન્ડિંગ, જૂઓ વીડિયો
- અલાસ્કા એરલાઈન્સે ઉડાન ભર્યાના થોડી જ મિનિટોમાં તેનો દરવાજો હવામાં ઉડી ગયો, વિમાનમાં 171 મુસાફરો સવાર હતા, ત્યાર બાદ તેનું ઈમરજન્સી લેન્ડિંગ કરવામાં આવ્યું
પોર્ટલેન્ડ, 06 જાન્યુઆરી: અલાસ્કા એરલાઇન્સના બોઇંગ 737-9 મેક્સ વિમાને આજે ઉડાન ભરતાંની સાથે જ કટોકટીનો સામનો કરવો પડ્યો હતો. વિમાને ઉડાન ભર્યાની થોડી જ મિનિટોમાં તેનો દરવાજો હવામાં ઉડી ગયો હતો. મુસાફરો દ્વારા લેવામાં આવેલા વિડિયોમાં દર્શાવવામાં આવ્યું છે કે કેન્દ્ર-કેબિનનો એક્ઝિટ ડોર વિમાનથી સંપૂર્ણપણે અલગ થઈ ગયો હતો.
જૂઓ અહીં વીડિયો
BREAKING: Alaska Airlines plane makes emergency landing in Portland, Oregon after window blows out in mid-air.
Several items, including phones, were sucked out of the plane when it suddenly depressurized. Everyone is safe. pic.twitter.com/BtOB1RU3tn
— BNO News (@BNONews) January 6, 2024
અલાસ્કા એરલાઈન્સે ટ્વિટર પર એક પોસ્ટમાં જણાવ્યું હતું કે, “પોર્ટલેન્ડથી ઓન્ટારિયો, CA (કેલિફોર્નિયા) જવા માટે વિમાને ઉડાન ભરી હતી ત્યારે થોડા સમય બાદ વિમાનના દરવાજો ઉડી જવાની ઘટના બની હતી. આ વિમાનમાં 171 મુસાફરો અને 6 ક્રૂ સભ્યો સવાર હતા. જેઓને પોર્ટલેન્ડ ઈન્ટરનેશનલ એરપોર્ટ પર સુરક્ષિત રીતે ઉતારવામાં આવ્યા હતા. અમે શું થયું તેની તપાસ કરી રહ્યા છીએ, તેની જાણ થતાં જ તમારી સાથે વિગતો શેર કરીશું.”
AS1282 from Portland to Ontario, CA experienced an incident this evening soon after departure. The aircraft landed safely back at Portland International Airport with 171 guests and 6 crew members. We are investigating what happened and will share more as it becomes available.
— Alaska Airlines (@AlaskaAir) January 6, 2024
જે વિમાનનો દરવાજો ઉડાન ભરતાંની થોડી જ મિનિટોમાં ઉડી ગયો તે વિમાનને 1 ઓક્ટોબર, 2023ના રોજ અલાસ્કા એરલાઈન્સને આપવામાં આવ્યું હતું. ત્યાર બાદ તે 11 નવેમ્બર, 2023થી કોમર્શિયલ સર્વિસમાં તેણે પ્રવેશ કર્યો હતો. Flightradar24 એ જણાવ્યું કે ત્યારથી તેણે અત્યાર સુધી માત્ર 145 વખત ઉડાન ભર્યું છે.
આ પણ વાંચો: ન્યુઝીલેન્ડના સાંસદે પારંપરિક નૃત્ય કરીને ભાષણ આપતાં સંસદ હચમચી ગયું, જુઓ વિડીયો
