બાબા બાગેશ્વર ધીરેન્દ્ર શાસ્ત્રીને હત્યાની ધમકી આપનારની બિહારમાંથી ધરપકડ

• બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીને લોરેન્સ બિશ્નોઈ ગેંગના નામે એક વ્યક્તિ દ્વારા ઈમેલ પર ધમકી આપવામાં આવી હતી
• 10 લાખ રૂપિયાની ખંડણી પણ માંગવામાં આવી હતી
• સતત દરોડા પાડ્યા બાદ પોલીસે બિહારના પટનાથી આરોપીની ધરપકડ કરી હતી

છતરપુર, 10 ડિસેમ્બર: લોરેન્સ બિશ્નોઈ ગેંગના નામ પર એક વ્યક્તિએ બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીની હત્યા કરવાની ધમકી આપી હતી અને 10 લાખ રૂપિયાની ખંજણી માંગી હતી. આ આરોપીની છતરપુર પોલીસે પટનાથી ધરપકડ કરી છે. અહેવાલો અનુસાર, 19 ઓક્ટોબર 2023ના રોજ બાગેશ્વર ધામના ઓફિશિયલ ઈમેલ આઈડી પર એક ઈમેલ આવ્યો હતો. આ ઈમેલમાં એક અજાણ્યા વ્યક્તિએ પોતાની ઓળખ લોરેન્સ બિશ્નોય ગેંગના સભ્ય તરીકે આપીને રૂપિયા 10 લાખની ખંડણી માંગી હતી. જો તેઓ ખંડણી નહી આપે તો બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીની હત્યા કરવાની ધમકી આપી હતી. આ માટે તેણે એક દિવસનો સમય આપ્યો હતો.

10 લાખ રૂપિયાની ખંડણી માંગવામાં આવી હતી

ધમકીભર્યા ઈમેલમાં આરોપીએ બાગેશ્વર બાબા ધીરેન્દ્ર કૃષ્ણ શાસ્ત્રીને પોતાનો જીવ બચાવવા માટે 10 લાખ રૂપિયાની માંગણી કરી હતી. આ પછી બીજા દિવસે બમીઠા પોલીસ સ્ટેશનમાં આ ધમકીની માહિતી આપવામાં આવી હતી. મામલાની સંવેદનશીલતાને જોતા બમીઠા પોલીસ સ્ટેશનમાં આઈપીસીની કલમ 387, 507 હેઠળ અજાણ્યા આરોપી વિરુદ્ધ તાત્કાલિક કેસ નોંધવામાં આવ્યો હતો.

બપોર સુધીના સમાચાર જૂઓ ફટાફટ HD Newsના ટૉપ-10 માં

રાજ્ય સ્તર અને રાષ્ટ્રીય એજન્સીઓની મદદ લીધી

જ્યારે આ બાબત છતરપુરના પોલીસ અધિક્ષકના ધ્યાન પર આવી, ત્યારે તમામ વરિષ્ઠ અધિકારીઓને તાત્કાલિક જાણ કરવામાં આવી હતી અને ઘટનાની ગંભીરતાને ધ્યાનમાં રાખીને એસડીઓપી ખજુરાહોના નેતૃત્વમાં બમીઠા પોલીસ સ્ટેશનના ઈન્ચાર્જ અને સબ ઈન્સ્પેક્ટર સંજય પાંડેમ અને છતરપુર સાઈબર સેલના ઈન્ચાર્જ સબ ઈન્સ્પેક્ટર સિદ્ધાર્થ શર્માની વિશેષ તપાસ ટીમ બનાવવામાં આવી હતી. ગુનાની પ્રકૃતિને ધ્યાનમાં રાખીને રાજ્ય કક્ષાની અને રાષ્ટ્રીય એજન્સીઓ દ્વારા આરોપીની શોધખોળ શરૂ કરવામાં આવી હતી.

છતરપુર પોલીસે પહેલીવાર ઇન્ટરપોલની મદદ લીધી

બાગેશ્વર ધામમાંથી ધમકીભર્યા ઈમેલનો કોઈ જવાબ ન મળતાં 22મી ઓક્ટોબરના રોજ આરોપીએ ફરી ધમકીભર્યો ઈમેલ મોકલીને સમય સમાપ્ત થયો હોવાની ધમકી આપી હતી. આ પછી છતરપુરના પોલીસ અધિક્ષકે સાયબર સેલ દ્વારા પ્રાદેશિક નોડલ એજન્સીનો સંપર્ક કર્યો અને ત્યારબાદ છતરપુર પોલીસના ઈતિહાસમાં પહેલીવાર ઈન્ટરપોલની મદદથી સ્વિટ્ઝર્લેન્ડની એજન્સીઓ પાસેથી માહિતી મેળવવામાં આવી. ઈન્ટરનેટ અને અન્ય પુરાવાઓને જોડીને, આરોપી બિહારના નાલંદા જિલ્લાના શંકરડીહ ગામનો રહેવાસી હોવાનું જાણવા મળ્યું હતું. તેનું તાજેતરનું નિવાસસ્થાન પટનાનું કાંકરબાગ છે. આરોપીને શોધવા માટે પોલીસ ટીમ મોકલવામાં આવી હતી અને આરોપીને કસ્ટડીમાં લેવામાં આવ્યો હતો. ઘટનામાં વપરાયેલ મોબાઈલ ફોન પણ મળી આવ્યા હતા. આરોપીની અટકાયત કરીને પૂછપરછ કરવામાં આવી રહી છે.

આ પણ વાંચો, રેલવે: રાજકોટ ડિવિઝનમાંથી પસાર થતી કેટલી ટ્રેન રદ થશે, કેટલી ડાયવર્ટ જાણો