પૂરમાં ડૂબી રહ્યો હતો માલિક, કૂતરાએ જીવ બચાવીને બતાવ્યો વફાદારીનો ચહેરો, જૂઓ વીડિયો
- પૂરમાં ડૂબતા એક વ્યક્તિને કૂતરાએ બચાવ્યો, જેનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં કૂતરો માણસને પૂરના પાણીમાંથી બહાર કાઢીને કિનારે લાવતો જોવા મળે છે
HD ન્યૂઝ ડેસ્ક, 05 ઓગસ્ટ: સોશિયલ મીડિયા પર સ્ક્રોલ કરતી વખતે, ઘણી વખત આપણને એવા વીડિયો જોવા મળે છે જે આપણને સ્તબ્ધ કરી દે છે. પ્રાણીઓ દ્વારા જીવ બચાવવાના સમાચાર આપણે ઘણી વાર સાંભળ્યા હશે. પરંતુ આજે આ ઘટનાનો વીડિયો પણ પ્રકાશમાં આવ્યો છે. જ્યાં એક કૂતરો તેના માલિકનો જીવ બચાવતો જોવા મળે છે. વીડિયોમાં જોવા મળી રહ્યું છે કે પૂરની સ્થિતિમાં એક કૂતરો તેના માલિકનો જીવ બચાવતો જોવા મળી રહ્યો છે.
જીવ બચાવીને કૂતરાએ કર્યો કમાલ
વાયરલ થઈ રહેલા આ વીડિયોમાં એક કાર પૂર જેવી સ્થિતિમાં ડૂબતી જોવા મળી રહી છે. એક વ્યક્તિ તેની કારનો કાચ તોડવાનો પ્રયાસ કરી રહ્યો છે. વીડિયો જોઈને લાગે છે કે તેઓ કોઈનો જીવ બચાવવાનો પ્રયાસ કરી રહ્યા છે. નજીકમાં, એક કૂતરો તેના ડૂબતા માલિકની ટી-શર્ટ ખેંચવાનો પ્રયાસ કરી રહ્યો છે. કૂતરાના માલિક બેભાન હોય તેવું લાગી રહ્યું છે, તેમ છતાં પણ કૂતરો આખરે તેના માલિકને પાણીમાંથી બહાર કાઢે છે.
અહીં જૂઓ વાયરલ વીડિયો:
View this post on Instagram
વીડિયો જોઈ લોકો બોલ્યા…
આ વીડિયોને ઈન્સ્ટાગ્રામ પર @b_r_choudhary87 નામના એકાઉન્ટથી શેર કરવામાં આવ્યો છે. આ સમાચાર લખાય છે ત્યાં સુધી આ વીડિયોને 4 લાખથી વધુ લોકોએ તેને જોયો હતો અને હજારો લોકોએ તેને લાઈક કર્યો હતો. વીડિયો જોયા બાદ ઘણા લોકોએ તેના પર કમેન્ટ પણ કરી છે. કોમેન્ટ કરતી વખતે એક યુઝરે લખ્યું- ભાઈ, માણસો કરતા પ્રાણીઓ સારા છે. બીજાએ લખ્યું- પ્રાણીઓને સમજો, તેમને મહત્વ આપો, ફક્ત વીડિયો જ ના બનાવતા રહો.
આ પણ વાંચો: બેંગલુરુના રસ્તા પર મોર્નિંગ વોક કરતી મહિલાની છેડતી, CCTV થયા વાયરલ
