લોકસભા ચૂંટણી પહેલા ભાજપ દ્વારા ‘ધ નમો મર્ચેન્ડાઈઝ’ કેમ્પેઈન શરૂ કરવામાં આવ્યું
- ‘ધ નમો મર્ચેન્ડાઈઝ’ કેમ્પેઇન અંતર્ગત ટી-શર્ટ, મગ, કેપ અને બેજ જેવી વિવિધ વસ્તુઓનો સમાવેશ
નવી દિલ્હી, 19 માર્ચ: લોકસભા ચૂંટણીને હવે માત્ર 1 મહિનો જ બાકી છે. ભાજપે ચૂંટણી પ્રચારમાં પોતાની તમામ તાકાત લગાવી દીધી છે. ચૂંટણી પહેલા, ભારતીય જનતા પાર્ટીએ તેનું સત્તાવાર અભિયાન 2024 (BJP Election Campaign 2024) ‘ધ નમો મર્ચેન્ડાઇઝ’ (#NaMoMerchandise) શરૂ કર્યું છે, જેમાં એવી ઘણી વસ્તુઓ છે જેના પર મોદી સરકારને સમર્થન આપતા સ્લોગન લખેલા છે. આ સામગ્રી ફક્ત NaMo એપ્લિકેશન અથવા નરેન્દ્ર મોદી એપ્લિકેશન પર ઉપલબ્ધ છે. લોકસભાની ચૂંટણી પહેલા શરૂ કરવામાં આવેલી બીજેપીની આ ઝુંબેશના સૌથી વધુ મુખ્ય વિષય (Loksabha Elections 2024) “મોદીનો પરિવાર” દર્શાવવામાં આવ્યો છે, જે કરોડો ભારતીયોમાં વાયરલ બની ગયો છે.
‘ધ નમો મર્ચેન્ડાઈઝ’ અભિયાન હેઠળ ટી-શર્ટ, કોફી મગ, કેપ ઉપલબ્ધ
ભાજપના ‘ધ નમો મર્ચેન્ડાઈઝ’ અભિયાન હેઠળ ટી-શર્ટ, કોફી મગ, કેપ જેવી વસ્તુઓ જાહેર કરવામાં આવી છે, જેની ખાસ વાત એ છે કે આવા મર્ચેન્ડાઈઝમાં “અબ કી બાર 400ને પાર” અને “ફિર એક બાર મોદી સરકાર,” “મોદી કી ગેરંટી” અને “મોદી હૈ તો મુમકીન હૈ” જેવા લોકપ્રિય સૂત્રો દર્શાવવામાં આવ્યા છે.
IBJPના પ્રચારમાં વડાપ્રધાન નરેન્દ્ર મોદી દ્વારા છેલ્લા એક દાયકામાં પૂરા કરવામાં આવેલા ઘણા વચનોના ટ્રેક રેકોર્ડ અને પાર્ટી અને તેના સમર્થકોના વિશ્વાસ પર ભાર મૂકવામાં આવ્યો છે. ફીચર્ડ મર્ચેન્ડાઇઝમાંની એક સૌથી અગ્રણી થીમ “મોદી કા પરિવાર” છે, જે લાખો ભારતીયોમાં વાયરલ બની ગયું છે જેઓ વડાપ્રધાન મોદીને તેમના પરિવાર તરીકે માને છે. બીજેપી દ્વારા શરૂ કરાયેલી આ સત્તાવાર ઝુંબેશના ભાગ રૂપે સામાનની વિશાળ શ્રેણી ઉપલબ્ધ છે, જેમાં ટી-શર્ટ, મગ, કેપ્સ, બેજ, સ્ટેશનરી, સ્ટીકરો, ફ્રિજ મેગ્નેટ અને વધુનો સમાવેશ થાય છે.
18 એપ્રિલથી દેશભરમાં લોકસભાની ચૂંટણીનું આયોજન
18 એપ્રિલથી દેશભરમાં લોકસભાની ચૂંટણી યોજાવાની છે. ચૂંટણી પંચ દ્વારા તારીખોની જાહેરાત થતાની સાથે જ ભાજપે પોતાનો ચૂંટણી પ્રચાર પૂરજોશમાં શરૂ કરી દીધો છે. પ્રધાનમંત્રી મોદીએ તાજેતરમાં કેરળ, તમિલનાડુ અને તેલંગાણામાં પ્રચાર કર્યો હતો. બીજેપીના 370 અને NDAના 400ના સ્લોગન પર પાર્ટી સંપૂર્ણપણે ફોકસ કરી રહી છે. તેના ચૂંટણી પ્રચારના ભાગરૂપે, ભાજપે હવે પીએમ મોદીના સ્લોગન સાથેની વસ્તુઓ લોન્ચ કરી છે, જે નમો એપ પર ઉપલબ્ધ છે.
આ પણ જુઓ: લોકસભા ચૂંટણી માટે ગુજરાતમાં ખાસ કાર્યપાલક મેજિસ્ટ્રેટ નિમાયા
