ઘરે આવેલી ભાણીની મામાએ જ કરી હત્યા, મૃતદેહને સળગાવી દીધો, આ રીતે થયો ખુલાસો

• પોલીસનું કહેવું છે કે યુવતીને એક યુવક સાથે પ્રેમ સંબંધ હતો. પરિવારના સભ્યોએ ઘણી ના પાડી પરંતુ યુવતી એકની બેના થઈ. જેના કારણે મામાએ તેનું ગળું દબાવી હત્યા કરી

મેરઠ, 6 ફેબ્રુઆરી: ઉત્તર પ્રદેશના મેરઠમાં ભાણીના પ્રેમસંબંધથી નારાજ મામાએ તેની હત્યા કરી નાખી. આ પછી, ગુનો છુપાવવા માટે બાળકીના મૃતદેહને છાણાના ઢગલામાં રાખીને તેને સળગાવી દેવામાં આવ્યો. પૂછપરછ દરમિયાન મામાએ પોતાનો ગુનો કબૂલ્યો. પોલીસે જણાવ્યું કે આરોપીની ધરપકડ કરવામાં આવી છે.

શું છે સમગ્ર ઘટના?

મામલો મેરઠ જિલ્લાના ભવાનપુર પોલીસ સ્ટેશન વિસ્તારના ચિલોરા ગામનો છે. પોલીસ અધિક્ષક કમલેશ બહાદુરે જણાવ્યું કે, સોમવારે સવારે ચિલોરાના ગામના વડા મનીષ કુમારે ગામની નજીક ઔરંગાબાદ તરફ જતા રસ્તા પર રસ્તાના કિનારે એક અજાણી છોકરીનો અડધો બળેલો મૃતદેહ મળી આવ્યો હતો. તેમણે કહ્યું કે બાદમાં જિલ્લાના મુંડાલી પોલીસ સ્ટેશન વિસ્તારના મૌખાસના રહેવાસી પ્રમોદ કુમારે મૃતદેહની ઓળખ તેમની 21 વર્ષની પુત્રી તિશાના તરીકે કરી હતી.

તપાસ કરતા થયો ખુલાસો

જ્યારે પોલીસે ઘટનાની તપાસ કરી તો તેમને જાણવા મળ્યું કે યુવતી તેના મામાના ઘરે ગઈ હતી. પોલીસે મામાને કસ્ટડીમાં લઈ પૂછપરછ કરતાં સમગ્ર મામલો પ્રકાશમાં આવ્યો હતો. કમલેશ બહાદુરે કહ્યું, “તપાસ અને પુરાવાના આધારે જાણવા મળ્યું કે છોકરીની હત્યા તેના મામા સોનુ (35) દ્વારા કરવામાં આવી હતી, જે ચિલોરા ગામના રહેવાસી છે. તેમણે તૃષાને અન્ય છોકરા સાથે પ્રેમ સંબંધ હોવાની શંકાના આધારે તેની હત્યા કરી હતી અને પુરાવાનો નાશ કરવા માટે મૃતદેહને સળગાવવાનો પ્રયાસ કર્યો હતો. તેમણે કહ્યું હતું કે યુવતીના મામા સોનુની ધરપકડ કરવામાં આવી છે.

પિતા જ દિકરીને મામાને ઘરે મુકી ગયા હતા

મેરઠના એસએસપી રોહિત સિંહે જણાવ્યું કે, યુવતી મુંડાલી પોલીસ સ્ટેશન વિસ્તારની રહેવાસી હતી. તેના પિતા તેને એક દિવસ પહેલા જ તેના મામા પાસે મુકી ગયા હતા. પોલીસે મામાની પૂછપરછ કરતાં સમગ્ર મામલો પ્રકાશમાં આવ્યો હતો કે યુવતી થોડા દિવસો પહેલા સવારે એક યુવક સાથે ગઈ હતી અને સાંજે પરત આવી હતી. આ પછી યુવતીની માતાને પણ તેના પ્રેમ સંબંધની ખબર પડી. જ્યારે મામાએ આ બાબતે યુવતીને સમજાવવાનો પ્રયાસ કર્યો તો તે માની ન હતી.

વાત ન માનવા પર મામાએ કરી ભાણેજની હત્યા

એસએસપીએ વધુમાં જણાવ્યું કે જ્યારે છોકરી સહમત ન થઈ ત્યારે તેના મામાએ તેનું ગળું દબાવીને હત્યા કરી નાખી અને તેની ઓળખ છુપાવવા માટે ઘરથી 400-500 મીટરના અંતરે પેટ્રોલ નાખીને તેને સળગાવવાનો પ્રયાસ કરવામાં આવ્યો હતો. પોલીસે મૃતકના મામાની ધરપકડ કરી છે અને તેના માતા-પિતાની ભૂમિકાની પણ તપાસ કરવામાં આવી રહી છે.

આ પણ વાંચો: મોબાઈલમાં પોર્ન જોઈને સગીર બહેન પર આચર્યું દુષ્કર્મ, પછી ગળું દબાવીને કરી હત્યા