ગુજરાતમાં 31 ડિસેમ્બરને લઈને પોલીસ એક્શનમાં, ચેકપોસ્ટ પર સધન ચેકિંગ શરૂ
- દારૂ સહિતના કેફી પદાર્થોની ગુજરાતમાં ઘુસણખોરી
- સંવેદનશીલ ચેકપોસ્ટ પર સઘન ચેકિંગની કામગીરી
- ચેકપોસ્ટ પર 24 કલાક રાઉન્ડ ક્લોક પોલીસનું ચેકિંગ
ગુજરાતની બોર્ડર પર આવેલી ચેકપોસ્ટ પર સધન ચેકિંગ કરવામાં આવી રહ્યું છે. જેમાં 31 ડિસેમ્બરને લઈને પોલીસ એક્શનમાં આવી છે. ત્યારે બોર્ડર પરના જિલ્લામાંથી ઘણી વખત દારૂ સહિતના કેફી પદાર્થોની ગુજરાતમાં ઘુસણખોરી ઝડપાઈ છે.
સંવેદનશીલ ચેકપોસ્ટ પર સઘન ચેકિંગની કામગીરી
બનાસકાંઠા, અમરેલી સહિતના જિલ્લામાં પોલીસ એક્શનમાં આવીને સંવેદનશીલ ચેકપોસ્ટ પર સઘન ચેકિંગની કામગીરી હાથ ધરવામાં આવી છે. હવે 31 ડિસેમ્બરને થોડા જ દિવસો બાકી છે, તેવામાં બનાસકાંઠા પોલીસ એલર્ટ મોડમાં આવી છે. પોલીસ દ્વારા અમીરગઢ ચેકપોસ્ટ પર સઘન ચેકિંગની કામગીરી હાથ ધરવામાં આવી છે.
ચેકપોસ્ટ પર 24 કલાક રાઉન્ડ ક્લોક પોલીસનું ચેકિંગ
મળતી માહિતી મુજબ, અમીરગઢ ચેકપોસ્ટ પર 24 કલાક રાઉન્ડ ક્લોક પોલીસનું ચેકિંગ શરૂ છે. જેમાં રાજસ્થાનમાંથી આવતા વાહનોનું ચેકિંગ કરવામાં આવી રહ્યું છે. આ દરમિયાન આશરે 90 જેટલા શખસો નશાની હાલતમાં જોવા મળ્યા હતા. જ્યારે લાખો રૂપિયાના નશીલા પદાર્થો ઝડપાયા હોવાનું જાણવા મળ્યું છે.
60 જેટલી ચેકપોસ્ટ પર વાહનોનું કડક ચેકિંગ
મળતી માહિતી મુજબ, અમરેલી જિલ્લામાં પણ 31 ડિસેમ્બર પહેલા સઘન ચેકિંગની કામગીરી હાથ ધરવામાં આવી છે. જેમાં જિલ્લાની ઉના, સોમનાથ હાઈવે રોડ પરની ખાંભા, રાજુલા, નાગેશ્રી, દીવ, સહિતના 60 જેટલી ચેકપોસ્ટ પર વાહનોનું કડક ચેકિંગ કરવામાં આવી રહ્યું છે.
આ પણ વાંચો: અમદાવાદ: સસ્તામાં USA ડોલર લેવાની લાલચમાં યુવકે રૂ.1 લાખ ગુમાવ્યા
