Bigg Boss 16 આજથી શરૂ, આ 16ના સ્પર્ધકોની સાથે હોસ્ટ સલમાન પણ ભાગ લેશે

ટીવીનો સૌથી ચર્ચિત શો ‘બિગ બોસ સિઝન 16′ આજે એટલે કે 1 ઓક્ટોબરથી શરૂ થવા જઈ રહ્યો છે. બિગ બોસની આ સીઝનનું ભવ્ય પ્રીમિયર બે ભાગમાં ટેલિકાસ્ટ કરવામાં આવ્યુ છે. બિગ બોસ 16ના ઘણા પ્રોમો રિલીઝ થયા છે જેમાં શોના હોસ્ટ સલમાન ખાન ફિલ્મી અવતારમાં જોવા મળ્યો હતો. બિગ બોસની આ નવી સીઝનને લઈને સોશિયલ મીડિયા પર જબરદસ્ત બઝ ચાલી રહી છે. આ શોને લઈને દર્શકોમાં ઘણી ઉત્તેજના છે કારણ કે આ વખતે ‘બિગ બોસ ખુદ ખેલેગા’ની થીમ વારંવાર સાંભળવા મળી રહી છે. સાથે જ શોના નિયમોમાં પણ ફેરફાર કરવામાં આવ્યા છે. નોંધનીય છે કે તમે સલમાન ખાનનો આ સુપરહિટ રિયાલિટી શો ક્યારે અને ક્યાં જોઈ શકો છો.

કલર્સ અને Voot એપ પર લાઈવ જોઈ શકાશે.

સલમાન ખાન લગભગ 12 સીઝનથી સતત બિગ બોસ હોસ્ટ કરી રહ્યો છે. બિગ બોસ સિઝન 16 આજથી શરૂ થશે. દર્શકો આ શો કલર્સ ચેનલ પર રાત્રે 9.30 કલાકે જોઈ શકશે. જે લોકો આ શો ટીવી પર જોઈ શકતા નથી તેઓ Voot એપ દ્વારા લાઈવ મોબાઈલ પર પણ જોઈ શકો છો. ચાહકો બિગ બોસનો શો ગમે ત્યાં, ગમે ત્યારે ટીવી વગર પણ જોઈ શકે છે. આ માટે દર્શકોએ Voot સબસ્ક્રિપ્શન લેવું પડશે. અહીં ચાહકો 24 કલાક લાઈવ બિગ-બોસનો આનંદ માણી શકે છે. ચાહકો Voot પર આગામી એપિસોડની ઝલક પણ મેળવી શકશે.

બિગ બોસના તમામ નિયમો બદલાઈ ગયા છે

નોંધનીય છે કે બિગ બોસ સીઝન 16માં શોની થીમ અને ફોર્મેટ પણ નવું હશે. સલમાને પોતાના પહેલા પ્રોમોમાં કહ્યું હતું કે, આ વખતે બિગ બોસના ઘરમાં તમે ગ્રેવિટીથી લઇને રાત-દિવસ બદલી શકો છો. હવે જોવાનું એ રહે છે કે શોના સ્પર્ધકો બિગ બોસના ઘરમાં કેવી રીતે રહેશે. આ વખતે ટીવીના મોટા સ્ટાર્સ આ શોનો ભાગ બનવાના છે.

આ છે બિગ બોસ 16ના સ્પર્ધકો

અહેવાલો અનુસાર, ટીના દત્તા, શાલીન ભનોટ, ગૌતમ વિજ સિંહ, સુમ્બુલ તૌકીર ખાન, શિવ ઠાકરે, શિવિન નારંગ, માન્યા સિંહ, સૌંદર્ય શર્મા અને નિમ્રિત કૌર આહલુવાલિયાના નામ બિગ બોસ 16 કન્ફર્મ થયેલા સ્પર્ધકોમાં સામેલ છે. ખતરોં કે ખિલાડીની બે સ્પર્ધકો કનિકા માન અને જન્નત ઝુબૈરના નામ અંગે પણ અટકળો ચાલી રહી છે.

આ પણ વાંચો: ‘The Kapil Sharma Show’ કમબેક, જાણો-આ વખતે શું છે નવું ?