નકલી સાધુઓના વેશમાં ફરી રહેલા બદમાશોને ગ્રામવાસીઓએ ફટકારીને પોલીસને સોંપ્યાઃ જાણો ઘટનાક્રમ

• ઉત્તર પ્રદેશની રાજધાની લખનઉમાં સાધુનો વેશ ધારણ કરીને લૂંટ – છેતરપિંડીનો પ્રયાસ કરવાનો મામલો બન્યો 

લખનઉ, 10 ઓગસ્ટ: ઉત્તર પ્રદેશની રાજધાની લખનઉમાં સાધુનો વેશ ધારણ કરીને લૂંટ અને છેતરપિંડીનો પ્રયાસ કરવાનો મામલો બહાર આવ્યો છે. જ્યારે ગ્રામજનોને છેતરપિંડી થતી હોવાની આશંકા પડી, ત્યારે સાધુનો ઢોંગ કરી રહેલા બદમશોને લાતો અને મુક્કાઓ વડે નિર્દયતાથી માર મારવામાં આવ્યો હતો. આ ઘટનાનો વીડિયો હાલ સોશિયલ મીડિયા પર વાયરલ થઈ રહ્યો છે. પોલીસે આરોપી યુવકોને કસ્ટડીમાં લઈ તપાસ શરૂ કરી છે.

Warning: Disturbing video, violence

Four men dressed as Sadhus were beaten by locals of a village in Gosainganj area in UP’s Lucknow. As per police, the four men were identified as Amit, Akash, Sagar and Akshaya – residents of Meerut. They apparently took valuables from a man… pic.twitter.com/YuPk6RSCXR

— Piyush Rai (@Benarasiyaa) August 10, 2024

આ તમામ યુવાનો સાધુનો વેશ ધારણ કરીને ગામમાં ફરતા હતા. પહેલા તો ગામલોકોને લાગ્યું કે, તેઓ સાધુ છે, પરંતુ જ્યારે ગ્રામજનોએ તેમની પૂછપરછ કરી તો તેઓ સાચા જવાબો આપી શક્યા નહીં. રોષે ભરાયેલા ગ્રામજનોએ તેમના પર છેતરપિંડીનો આરોપ લગાવ્યો અને તેમને ચપ્પલ-ચપ્પલ વડે માર માર્યો.

અડધો ડઝન યુવકો સાધુના વેશમાં ફરતા હતા

DCP સાઉથ તેજ સ્વરૂપ સિંહે પણ આ ઘટના અંગે નિવેદન જાહેર કર્યું છે. તેમણે જણાવ્યું હતું કે, લખનઉના ગોસાઈગંજ પોલીસ સ્ટેશન વિસ્તારના સરાઈયા મહુરા ગામમાં સાધુના વેશમાં ફરતા અડધો ડઝન યુવાનોને બંધક બનાવીને માર મારવામાં આવ્યો છે. ગામલોકોને સૌપ્રથમ ખબર પડી કે આરોપીઓ સપેરાઓ છે, પરંતુ તેઓ સાધુના વેશમાં લોકોને છેતરતા હતા. સાધુના વેશમાં ફરતા તમામ આરોપીઓ હિન્દુ છે. આ તમામ મેરઠના રહેવાસી છે. આ તમામ શનિવારે સવારે લગભગ 9 વાગ્યે  સાધુના વેશમાં ઝડપાઈ ગયા હતા.

તમામ બદમાશોની પણ ઓળખ થઈ ગઈ છે. જે મુજબ એકનું નામ અક્ષય, બીજાનું નામ રાકેશ, ત્રીજાનું નામ અમિત અને એકનું નામ સાગર છે. આરોપ છે કે, આ તમામ સંતોનો વેશ ધારણ કરી ગુનાઓ આચરતા હતા.

લાતો અને ચપ્પલ વડે માર માર્યો

ગામમાં છેતરપિંડી થઈ રહી હોવાની આશંકાથી, રોષે ભરાયેલા ગ્રામજનોએ બધાને સખત માર માર્યો હતો. ગુસ્સે ભરાયેલા લોકોએ ભગવા કપડા પહેરેલા યુવકોને ચપ્પલ વડે લાતો, મુક્કા માર્યા હતા. સાધુના કપડા પહેરેલા તમામ યુવકો હાથ જોડીને ગ્રામજનોની માફી માગતા પણ જોવા મળે છે. ભગવા પહેરેલા યુવકોને રોષે ભરાયેલા ગ્રામજનોથી બચાવીને પોલીસ સ્ટેશન લઈ જવામાં આવ્યા હતા.

આ નકલી સાધુઓ ગ્રામજનોના પ્રશ્નોના યોગ્ય જવાબ આપી શક્યા નહોતા

ગ્રામજનોએ જણાવ્યું કે, આ તમામ યુવકો ભગવા કપડા પહેરીને ગામમાં ફરતા હતા. જ્યારે તેમની પૂછપરછ કરવામાં આવી ત્યારે તે કોઈ પણ સવાલનો યોગ્ય જવાબ આપી શક્યા નહીં. આ પછી ગ્રામજનોને શંકા ગઈ કે, તેઓ છેતરપિંડી કરવાના ઈરાદે ગામમાં આવ્યા છે. રોષે ભરાયેલા ગ્રામજનોએ તેમને માર માર્યો હતો. બાદમાં પોલીસ તેમને પોતાની સાથે લઈ ગઈ હતી.

આ પણ જૂઓ: કોલકાતાની હોસ્પિટલમાં મહિલા ડૉક્ટરની દુષ્કર્મ બાદ હત્યા, મેડિકલ સ્ટાફ રસ્તા પર; 1ની ધરપકડ