ન્યુઝીલેન્ડ ક્રિકેટ (NZC) અને પ્લેયર્સ યુનિયન વચ્ચે ઐતિહાસિક પાંચ વર્ષની ડીલ પછી વિશ્વ ક્રિકેટમાં પ્રથમ વખત દેશના પુરૂષ અને મહિલા ક્રિકેટરોને તમામ ફોર્મેટ અને સ્પર્ધાઓમાં સમાન મેચ ફી મળશે. આ નિર્ણયનું મહિલા ક્રિકેટ ટીમની કેપ્ટન સોફી ડિવાઈન અને પુરૂષ ટીમના કેપ્ટન કેન વિલિયમસને સ્વાગત કર્યું છે. NZC (ન્યૂઝીલેન્ડ ક્રિકેટ)ના ચીફ એક્ઝિક્યુટિવ ડેવિડ વ્હાઇટે એક નિવેદનમાં જણાવ્યું હતું કે, “હું આવા મહત્વપૂર્ણ કરાર સુધી પહોંચવામાં તેમની ભૂમિકા બદલ ખેલાડીઓ અને મુખ્ય સંગઠનોનો આભાર અને અભિનંદન આપવા માંગુ છું.”
Standing together ????#CricketNation #Cricket pic.twitter.com/j7TJoOqA9e
— BLACKCAPS (@BLACKCAPS) July 5, 2022
હવે મહિલા અને પુરૂષ ખેલાડીઓને સમાન પૈસા મળશે
ન્યૂઝીલેન્ડ ક્રિકેટના ચીફ એક્ઝિક્યુટિવ ડેવિડ વ્હાઇટે કહ્યું કે, અમારી રમતના ઇતિહાસમાં આ સૌથી મહત્વપૂર્ણ નિર્ણય છે. તેણે કહ્યું કે ક્રિકેટને બહેતર બનાવવા માટે આપણે બધાએ સાથે મળીને આ નિર્ણય લીધો છે. વાસ્તવમાં, અમે ઈચ્છીએ છીએ કે મહિલા ક્રિકેટ બદલાય અને આવનારા સમય સાથે વધુ સારું બને. આ અંગે અમે આ નિર્ણય લીધો છે. તે જ સમયે, ન્યુઝીલેન્ડની મહિલા ખેલાડી સોફી ડેવિને કહ્યું કે હવે આંતરરાષ્ટ્રીય અને સ્થાનિક ખેલાડીઓને સમાન પૈસા મળશે, આ ખૂબ જ સારો નિર્ણય છે.
ન્યુઝીલેન્ડ ક્રિકેટનો ઐતિહાસિક નિર્ણય
વાસ્તવમાં, ન્યુઝીલેન્ડ ક્રિકેટ પ્લેયર્સ એસોસિયેશન અને ન્યુઝીલેન્ડ ક્રિકેટના આ નિર્ણયને ખૂબ જ મહત્વપૂર્ણ માનવામાં આવી રહ્યો છે, કારણ કે અત્યાર સુધી મહિલા અને પુરૂષ ખેલાડીઓને સમાન પૈસા નથી મળતા. મહિલા અને પુરૂષ ક્રિકેટરોને સમાન પૈસા મળવા જોઈએ, ઘણા સમયથી આ બાબતની માંગ હતી, ત્યારે હવે ન્યૂઝીલેન્ડ ક્રિકેટે આ મોટો નિર્ણય લીધો છે.
