અમેરિકન સંસદમાં રજૂ થયું H-1B અને L-1 વિઝા બિલ, વિદેશી કામદારોને થશે આ ફાયદો

• ઇમિગ્રેશન સિસ્ટમમાં છેતરપિંડી અને દુરુપયોગને ઘટાડશે
• વિદેશી કામદારોની ભરતીમાં વધુ પારદર્શિતા લવાશે
• અમેરિકન અને ઇમિગ્રન્ટ કામદારોની છટણી વચ્ચે મોટું બિલ રજૂ

યુએસ સેનેટના બહુમતી વ્હિપ ડિક ડર્બિન અને સેનેટ ન્યાયતંત્ર સમિતિના સભ્ય ચક ગ્રાસ્લીએ H-1B અને L-1 વિઝા કાર્યક્રમોમાં રહેલી છટકબારીઓને દૂર કરવા માટે દ્વિપક્ષીય બિલ રજૂ કર્યું હતું. H-1B અને L-1 વિઝા રિફોર્મ એક્ટ ઇમિગ્રેશન સિસ્ટમમાં છેતરપિંડી અને દુરુપયોગને ઘટાડશે અને અમેરિકન કામદારો અને વિઝા ધારકોને રક્ષણ પૂરું પાડશે તેમ યુએસ સેનેટ કમિટિ ઓન જ્યુડિશિયરીએ એક નિવેદનમાં જણાવ્યું હતું. સમિતિએ કહ્યું કે વિદેશી કામદારોની ભરતીમાં વધુ પારદર્શિતાની જરૂર પડશે.

વિદેશી કામદારોને અપાઈ છે ઓછું વેતન

આ બિલ એવા સમયે આવ્યું છે જ્યારે ટેક્નોલોજી ઉદ્યોગે તાજેતરમાં હજારો અમેરિકન અને ઇમિગ્રન્ટ કામદારોની છટણી કરી છે. આમ છતાં, હજારો નવા H-1B વિઝા ફાઇલ કરવાની સિઝન ચાલી રહી છે. ડરબિને જણાવ્યું હતું કે વર્ષોથી, આઉટસોર્સિંગ કંપનીઓ અમેરિકન કામદારોને વિસ્થાપિત કરવા અને તેમના સ્થાને વિદેશી કામદારો માટે કાયદાકીય છટકબારીઓનો ઉપયોગ કરે છે. વિદેશી કામદારોને ઓછું વેતન આપવામાં આવે છે.

નવો કાયદો કામદારોને રક્ષણ આપશે

તેમણે કહ્યું કે આ ક્રિયાઓ તમામ કામદારોને નુકસાન પહોંચાડે છે અને આપણા દેશને વિશ્વની સૌથી હોટ ટેલેન્ટ માટે ઓછો આકર્ષક બનાવે છે. અમારો કાયદો આ કામદારોને રક્ષણ આપશે અને તેમની સાથેના ગેરવર્તણૂકનો અંત લાવશે. H-1B અને L-1 વિઝા કાર્યક્રમો અમેરિકાના ઉચ્ચ-કુશળ કાર્યબળમાં અંતરને દૂર કરવા માટે બનાવવામાં આવ્યા હતા, તેને બંધ કરવા માટે નહીં, એમ તેમણે જણાવ્યું હતું. કમનસીબે કેટલીક કંપનીઓએ અમેરિકન કામદારોને સસ્તા કામદારો સાથે બદલવા માટે આ કાર્યક્રમોનો ઉપયોગ કર્યો છે, જે આખરે અમેરિકન કામદારો અને વિદેશી કામદારોને સમાન રીતે નુકસાન પહોંચાડે છે.

સૌપ્રથમ 2007માં કાયદો રજૂ કર્યો હતો

વધુમાં તેમણે કહ્યું હતું કે, અમારું બિલ અમેરિકન કામદારોને પ્રાથમિકતા આપે છે અને ખાતરી કરે છે કે વિઝા પ્રોગ્રામ તમામ કામદારો માટે ન્યાયીપણાને પ્રોત્સાહન આપે છે. ન્યાયતંત્ર પરની યુએસ સેનેટ સમિતિએ એક નિવેદનમાં જણાવ્યું હતું કે ડરબિન અને ગ્રાસલીએ સૌપ્રથમ 2007માં કાયદો રજૂ કર્યો હતો અને તેઓ લાંબા સમયથી H-1B અને L-1 વિઝા સુધારાના હિમાયતી રહ્યા છે.