અમદાવાદઃ વિશ્વ ગુજરાતી સમાજ યુવા સંગઠન દ્વારા ગુજરાતીઓનો પરિવારોત્સવ ઉજવાયો

અમદાવાદ 26 જુલાઈ 2024 :  વિશ્વ ગુજરાતી સમાજ – યુવા સંગઠન, અમદાવાદ દ્વારા પ્રખ્યાત મોટીવેશનલ સ્પીકર મનીષભાઈ વઘાસીયાના વક્તા સ્થાનેથી ગુજરાતીઓનો પરિવારોત્સવ કાર્યક્રમનું આયોજન કરવામાં આવ્યું હતું.

રાજ્યકક્ષા મંત્રી જગદીશ વિશ્વકર્માએ હાજરી આપી

વિશ્વ ગુજરાતી સમાજના પ્રમુખ સી.કે પટેલની ઉપસ્થિતિમાં થયેલ આયોજનમાં મુખ્ય મહેમાન તરીકે રાજ્ય કક્ષાના મંત્રી જગદીશ વિશ્વકર્માએ હાજરી આપી હતી તેમજ વિશેષ અતિથિ તરીકે મણિનગરના ધારાસભ્ય અમૂલભાઈ ભટ્ટ, રાષ્ટ્રીય સ્વંયસેવક સંઘ ગુજરાત પ્રાંત કાર્યવાહ શૈલેષભાઈ પટેલ, હસમુખભાઈ, અ.મ્યુ કોર્પોરેશન શાસક પક્ષના નેતા ગૌરાંગભાઈ પ્રજાપતિ, અ.મ્યુ કોર્પોરેશન રેવન્યુ કમીટીના ચેરમેન અનિરુદ્ધસિંહ ઝાલા, ઊંઝા એ.પી.એમ.સી ચેરમેન દિનેશભાઈ પટેલ તેમજ સ્થાનિક કાઉન્સિલરો અને અન્ય મહેમાનઓએ હાજરી આપી હતી.

“સમગ્ર વિશ્વ મારો પરિવાર” નું સૂત્ર સાર્થક કરતું સંગઠન

આ આયોજન દ્વારા પરસ્પર લાગણીઓ, પરિવાર ભાવના, સામાજિક સમરસતાનો ભાવ જગાડી પરિવારથી શરૂ કરીને ગામ, સમાજ, રાજ્ય, રાષ્ટ્ર અને સમગ્ર વિશ્વ મારો પરિવાર છે અર્થાત વસુધૈવ કુટુંબકમનો સંદેશો પૂરો પાડવામાં આવ્યો હતો. વિશ્વ ગુજરાતી સમાજ – યુવા સંગઠનના પ્રદેશ કન્વીનર આકાશ પટેલ દ્વારા ગુજરાતીપણાના ગૌરવ પર તેમજ વિશ્વ ગુજરાતી સમાજની એપ્લિકેશનના માધ્યમથી ગુજરાતી સાહિત્ય અને સંસ્કૃતિના પ્રચાર પ્રસાર , ગુજરાતી વિસામો,તમામ ક્ષેત્રે વિશ્વભરમાંથી ગુજરાતીઓને કનેક્ટ કરવાનું આયોજન રજૂ કરવામાં આવ્યું હતું. ઉપરાંત આ આયોજનમાં અલગ અલગ સમાજના અગ્રણીઓનું સન્માન કરી સામાજિક સમરસતાનો સંદેશ પણ પૂરો પાડવામાં આવ્યો

આ પણ વાંચો :  અમદાવાદઃ SUV 300 કારમાં દેશી પિસ્તોલ અને બે કારતુસ સાથે ત્રણની ધરપકડ