ઓગસ્ટ મહિનામાં સૂર્યનું મહાગોચર, સોનાની જેમ ચમકશે આ રાશિની કિસ્મત

• સૂર્યનું સિંહ રાશિમાં મહાગોચર ખૂબ જ મહત્ત્વનું માનવામાં આવે છે. સૂર્ય ગોચરથી કેટલીક રાશિના જાતકોનો ભાગ્યોદય થશે. જાણો સૂર્ય ગોચરથી કઈ રાશિની કિસ્મત ચમકશે?

HD ન્યુઝઃ જ્યોતિષ શાસ્ત્રમાં સૂર્યને ગ્રહોનો રાજા કહેવાય છે. ઊર્જા અને આત્માના કારક સૂર્યના રાશિ પરિવર્તનની દેશ-દુનિયા સાથે 12 રાશિઓ પર પણ પ્રભાવ પડે છે. ઓગસ્ટમાં સૂર્ય સ્વરાશિ સિંહમાં એક વર્ષ બાદ પ્રવેશ કરશે. સૂર્યનું સિંહ રાશિમાં મહાગોચર ખૂબ જ મહત્ત્વનું માનવામાં આવે છે. સૂર્ય ગોચરથી કેટલીક રાશિના જાતકોનો ભાગ્યોદય થશે. જાણો જ્યોતિષ ગણતરી અનુસાર સૂર્ય ગોચરથી કઈ રાશિની કિસ્મત ચમકશે?

સૂર્ય સિંહ રાશિમાં ક્યારે ગોચર કરશે?

સૂર્ય 16 ઓગસ્ટે સાંજે 7.53 વાગ્યે કર્ક રાશિમાંથી નીકળીને સિંહ રાશિમાં પ્રવેશ કરશે. આ રાશિમાં સૂર્ય 15 સપ્ટેમ્બર સુધી ગોચર કરશે. 16 સપ્ટેમ્બરે સાંજે 7.52 વાગ્યે સૂર્ય સિંહ રાશિમાંથી નીકળીને કન્યા રાશિમાં પ્રવેશ કરશે.

સૂર્ય ઓગસ્ટમાં નક્ષત્ર પરિવર્તન કર્યારે કરશે?

સૂર્ય 30 ઓગસ્ટના રોજ પૂર્વાફાલ્ગુની નક્ષત્ર અને 13 સપ્ટેમ્બરે ઉત્તરાફાલ્ગુની નક્ષત્રમાં પ્રવેશ કરશે.

સૂર્યના સિંહ રાશિમાં આવવાથી કઈ રાશિઓને લાભ થશે?

મેષ રાશિ (અ.લ.ઈ.)

મેષ રાશિ પર મંગળદેવનું આધિપત્ય છે. મેષ રાશિમાં સૂર્ય ઉચ્ચનો માનવામાં આવે છે. સૂર્યના સિંહ રાશિમાં જવાથી મેષ રાશિના જાતકોને કરિયરમાં સકારાત્મક પરિણામ મળશે. ધર્મ-કર્મમાં મન લાગશે. પરિવાર સાથે સારો સમય વીતી શકશે. વેપારીઓને નફો થશે. આવકના નવા સ્ત્રોત બનશે. આર્થિક સ્થિતિ સારી રહેશે.

કર્ક રાશિ (ડ.હ.)

કર્ક રાશિના લોકોને સૂર્ય ગોચરનો સંપૂર્ણ લાભ મળશે. કર્ક રાશિના ધન ભાવમાં સૂર્ય પ્રવેશ કરશે. આવા સંજોગોમાં સૂર્ય ગોચરથી ધન લાભના યોગ બનશે. રોકાણનું સારું રિટર્ન મળશે. તમારા અટકેલા કામ પૂરા થશે. રોજગારમાં બરકત આવશે. 15 સપ્ટેમ્બર સુધી કેટલાક જાતકોને નોકરીમાં પ્રમોશન મળી શકે છે.

સિંહ રાશિ (મ.ટ.)

સિંહ રાશિના સ્વામી સૂર્ય છે. આવા સંજોગોમાં સૂર્ય ગોચર સિંહ રાશિના લોકો માટે કોઈ વરદાનથી ઉતરતું નથી. સૂર્યનું ગોચર તમારા કરિયર ભાવમાં થઈ રહ્યું છે. તેથી તમને કારકિર્દીમાં નવી ઉપલબ્ધિઓ મળી શકે છે. નોકરિયાત લોકોને પ્રમોશનના ચાન્સ છે. ધનલાભના યોગ બનશે.

તુલા રાશિ (ર.ત.)

સૂર્ય ગોચર તુલા રાશિના લોકો માટે પણ લાભકારી રહેશે. તુલા રાશિના જાતકોને સૂર્ય ગોચરની અવધિમાં આવકમાં વધારો થઈ શકે છે. આવકની નવી તકો ઉપલબ્ધ થશે. 16 ઓગસ્ટથી 15 સપ્ટેમ્બર સુધીનો સમય તુલા રાશિ માટે અનુકૂળ રહેવાનો છે. આ સમયગાળામાં તમે જે કામમાં હાથ નાંખશો તેમાં સફળતા મળશે.

આ પણ વાંચોઃ 2025 સુધી આ 3 રાશિઓ પર ગુરૂ કૃપા, 10 મહિનાની અંદર તમામ તકલીફો દૂર