10 ભાષાઓનું જ્ઞાન ધરાવતા 19 વર્ષીય યુવાનને રાજ્યપાલ આચાર્ય દેવવ્રતએ આપ્યા અભિનંદન

• 19 વર્ષીય યુવાન રાજમાન નકુમ 10 ભાષાઓનું જ્ઞાન ધરાવે છે
• યુવાને ભાષાઓનું અતિ દુર્લભ એવું આ જ્ઞાન વિકસિત કરીને માતા-પિતા,ગુજરાતનું ગૌરવ વધાર્યું
• રાજમાન નકુમ મૂળ રાજકોટના રહેવાસી અને હાલ આણંદની જી.સેટ. કોલેજમાં ત્રીજા વર્ષમાં અભ્યાસ કરે છે

રાજ્યપાલ આચાર્ય દેવવ્રતએ ગુજરાતી, હિન્દી, અંગ્રેજી અને સંસ્કૃત ભાષાઓ ઉપરાંત વિશ્વની અન્ય છ ભાષાઓનું પ્રમાણિત જ્ઞાન ધરાવતા 19 વર્ષીય યુવાન રાજમાન નકુમને અભિનંદન આપ્યા હતા. રાજ્યપાલ  આચાર્ય દેવવ્રતએ રાજમાન નકુમને ભાષાઓનું અતિ દુર્લભ એવું આ જ્ઞાન વિકસિત કરીને માતા-પિતા, ગુજરાત પ્રદેશ અને ભારતનું ગૌરવ વધારવા શુભકામનાઓ પાઠવી હતી.

19 વર્ષીય યુવાન રાજમાન નકુમ વિવિધ ભાષાઓનનું જ્ઞાન ધરાવે છે

મૂળ રાજકોટના વતની અને અત્યારે આણંદની જી.સેટ. કોલેજમાં ત્રીજા વર્ષમાં અભ્યાસ કરતા  રાજમાન કપિલ નકુમ ભારતીય ભાષાઓ ઉપરાંત ફ્રેન્ચ, જર્મન, સ્પેનિશ, ઈટાલીયન, પોર્ટુગીઝ અને રશિયન ભાષા બોલી, લખી અને વાંચી શકે છે. તમામ ભાષાઓનો અભ્યાસ કરીને તેમણે વિધિવત પ્રમાણપત્રો મેળવ્યા છે.

રાજ્યપાલ  આચાર્ય દેવવ્રતએ આપ્યા  આશીર્વાદ

ગુજરાતના નાની વયમાં10  ભાષાઓ જાણતા  રાજમાન નકુમની આ સિદ્ધિ અન્ય યુવાનો માટે પ્રેરણાદાયી છે.  રાજમાન નકુમે રાજ્યપાલ  આચાર્ય દેવવ્રતના આશીર્વાદ મેળવ્યા હતા.
આ પણ વાંચો : અમદાવાદની આનંદ નિકેતન સ્કૂલ વિવાદમાં આવી, ધો.5ના વિદ્યાર્થીઓને ડ્રગ્સ-ન્યૂડીટી કન્ટેન્ટની ફિલ્મ બતાવાઈ