‘એક દેશ, એક ચૂંટણી’ પર 8 જાન્યુઆરીએ મળશે JPCની પ્રથમ બેઠક
નવી દિલ્હી, 24 ડિસેમ્બર : ‘એક દેશ, એક ચૂંટણી’ પર બનેલી સંયુક્ત સંસદીય સમિતિ (JPC)ની પ્રથમ બેઠક 8 જાન્યુઆરીએ યોજાશે. JPCના અધ્યક્ષ પીપી ચૌધરીએ આ બેઠક બોલાવી છે. ગયા અઠવાડિયે જ સંસદે ‘વન નેશન, વન ઇલેક્શન’ પર પેનલ બનાવવાનો પ્રસ્તાવ પસાર કર્યો હતો. રાજ્યોમાંથી મહત્તમ પ્રતિનિધિત્વ સુનિશ્ચિત કરવા JPCમાં 39 સભ્યો હશે. આ સંયુક્ત સંસદીય સમિતિ (JPC)ની અધ્યક્ષતા પૂર્વ કાયદા મંત્રી પીપી ચૌધરી કરશે. જેપીસીમાં લોકસભાના 27 અને રાજ્યસભાના 12 સભ્યો હશે.
The meeting of the Joint Parliamentary Committee (JPC) on ‘One Nation One Election’ is to take place on 8th January 2025. pic.twitter.com/zSA0fEeHEg
— ANI (@ANI) December 24, 2024
લોકસભાના આ 27 સભ્યો JPCમાં છે
લોકસભાના જે 27 સભ્યોને JPCમાં સામેલ કરવામાં આવ્યા છે તેમાં પીપી ચૌધરીનું નામ સૌથી પહેલું છે. બીજા નંબરે સીએમ રમેશ, ત્રીજા નંબરે બાંસુરી સ્વરાજ, ચોથા નંબર પર પરષોત્તમભાઈ રૂપાલા અને પાંચમા નંબરે અનુરાગ સિંહ ઠાકુરનું નામ છે. વિષ્ણુ દયાલ રામની સાથે ભર્ત્રીહરિ મહતાબ, સંબિત પાત્રા, અનિલ બલુની, વિષ્ણુ દત્ત શર્મા, બૈજયંત પાંડા, સંજય જયસ્વાલ, પ્રિયંકા ગાંધી, મનીષ તિવારી, સુખદેવ ભગત પણ JPCમાં હશે.
ધર્મેન્દ્ર યાદવ, છોટાલાલ, કલ્યાણ બેનર્જી, ટીએમ સેલ્વગણપતિનો પણ JPCમાં સમાવેશ કરવામાં આવ્યો છે. જીએમ હરીશ બાલયોગી, અનિલ યશવંત દેસાઈ, સુપ્રિયા સુલે, શ્રીકાંત એકનાથ શિંદે, શાંભવી, કે રાધાકૃષ્ણન, ચંદન ચૌહાણ અને બી વલ્લભનેની પણ વન નેશન, વન ઈલેક્શન સંબંધિત બંધારણ સુધારા વિધેયકની ચકાસણી કરવા માટે રચાયેલ JPCના સભ્યો હશે.
રાજ્યસભામાંથી ઘનશ્યામ તિવારી સહિત આ 12 નામ
બપોરે 12 વાગ્યે રાજ્યસભાની કાર્યવાહી શરૂ થતાંની સાથે જ કાયદા પ્રધાન અર્જુન રામ મેઘવાલે એક રાષ્ટ્ર, એક ચૂંટણીને લઈને JPCમાં ઉપલા ગૃહમાંથી 12 સભ્યોના નામનો પ્રસ્તાવ રજૂ કર્યો હતો. કાયદા મંત્રીએ JPCમાં રાજ્યસભામાંથી ઘનશ્યામ તિવારી, ભુવનેશ્વર કલિતા, કે લક્ષ્મણ, કવિતા પાટીદાર, સંજય કુમાર ઝા, રણદીપ સુરજેવાલા, મુકુલ વાસનિક, સાકેત ગોખલે, પી વિલ્સન, સંજય સિંહ, માનસ રંજન મંગરાજ અને વી વિજય સાઈ રેડ્ડીના નામનો પ્રસ્તાવ મૂક્યો. રાખ્યું જેને ઉપલા ગૃહે મંજૂરી આપી હતી.
JPC તેનો રિપોર્ટ ક્યારે આપશે?
કાયદા પ્રધાન અર્જુન રામ મેઘવાલ દ્વારા લોકસભામાં મૂકવામાં આવેલા આ પ્રસ્તાવમાં એ પણ સ્પષ્ટ છે કે જેપીસી સંસદમાં પોતાનો રિપોર્ટ ક્યારે રજૂ કરશે. તેમાં કહેવામાં આવ્યું છે કે JPC આગામી સત્રના છેલ્લા સપ્તાહના પહેલા દિવસે ગૃહમાં તેનો અહેવાલ રજૂ કરશે. જેપીસીમાં રાજ્યસભાના 12 સભ્યો પણ સામેલ થશે. તેમના નામ હજુ જાહેર કરવામાં આવ્યા નથી.
આ પણ વાંચો :- બાંગ્લાદેશને ભારત સાથે વેપાર કરવામાં રસ નથી, જાણો કયા દેશ સાથે વેપાર વધાર્યો?
