એન્જિન મૂળ રેલવે ટ્રેક ચૂક્યું અને પહોંચ્યું ખેતરમાંઃ જૂઓ વીડિયો
બિહાર, 15 સપ્ટેમ્બર : ગયાથી ટ્રેન દુર્ઘટનાના સમાચાર સામે આવ્યા છે. શુક્રવારે, ગયા-કિઉલ રેલ્વે ટ્રેક પર, એક રેલ્વે એન્જિન પાટા પરથી ઉતરી ગયું અને વજીરગંજ સ્ટેશન અને કોલ્હાના હોલ્ટ વચ્ચે રઘુનાથપુર ગામ નજીક એક ખેતરમાં પડ્યું. અકસ્માતનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે ટ્રેનનું એન્જિન પાટા પર દોડી રહ્યું હતું ત્યારે અચાનક એન્જિન બેકાબૂ થઈને ખેતરોમાં ઉતરી ગયું હતું. લૂપ લાઇનની આગળ ઝડપી ગતિને કારણે એન્જિન રેલ્વેના પાટા પરથી ઉતરીને ખેતરોમાં પહોંચી ગયું હતું.
देखें वीडियो, बिहार में पटरी से उतरकर खेत में चलने लगा ट्रेन का इंजन, मचा हड़कंप…#BiharNews #RailwayNews #TrainEngine #GayaNews #Wazirganj pic.twitter.com/NEKMmOzgVD
— Live Cities (@Live_Cities) September 15, 2024
પાટા પરથી ઉતરેલું એન્જિન
ઘટના સમયે નજીકમાં ફરતા ગ્રામજનોએ જણાવ્યું કે, લોકો પાયલટ એન્જિન સાથે લૂપ લાઇનથી ગયા જંક્શન તરફ જઈ રહ્યો હતો. ત્યારે અચાનક એન્જીન કાબુ બહાર ગયું હતું. ગામની નજીક રોડ પર રહેતા લોકોએ તેનો વીડિયો પોતાના મોબાઈલમાં કેદ કર્યો હતો. જે હવે સોશિયલ મીડિયા પર ઝડપથી વાયરલ થઈ રહ્યો છે. સદનસીબે રેલ્વે એન્જીનમાં બોગી કે માલગાડીનો ડબ્બો ન હતો અન્યથા મોટી દુર્ઘટના થઈ શકી હોત. રેલ્વે એન્જિન પાટા પરથી ઉતરીને ખેતરોમાં જતું જોઈને ગ્રામજનોના ટોળા ઘટનાસ્થળે એકઠા થઈ ગયા હતા.
ટ્રેન ડ્રાઈવર એકદમ સુરક્ષિત
ઘટના બાદ લોકો પાયલોટ સંપૂર્ણપણે સુરક્ષિત હોવાનું બહાર આવ્યું છે. ઘટનાની માહિતી મળતા જ રેલવે પોલીસ ઘટના સ્થળે પહોંચી ગઈ હતી. બીજી તરફ રેલ્વેની રાહત અને બચાવ ટીમ પણ દુર્ઘટનાને લઈને ઘટનાસ્થળે પહોંચી ગઈ હતી. જે બાદ અધિકારીઓ અને કર્મચારીઓએ ટ્રેનના એન્જિનને પાછું રેલવે ટ્રેક પર લાવવાનું શરૂ કર્યું હતું. આ ઘટનામાં રેલવે ટ્રેક અને રેલવે એન્જિનને આંશિક નુકસાન થયું હતું. આ ઘટના કેવી રીતે બની તે હજુ સ્પષ્ટ થયું નથી. રેલવેના કોઈપણ અધિકારી આ અંગે કંઈ પણ કહેવાનું ટાળી રહ્યા છે.
આ પણ વાંચો :ફ્રાન્સથી ‘ઈંગ્લિશ ચેનલ’ પાર કરવાનો પ્રયાસ કરતી વખતે બોટ દરિયામાં ડૂબી, 8 લોકોના મૃત્યુ
