SBI એ સોંપેલો ઈલેક્ટોરલ બોન્ડનો ડેટા ચૂંટણી પંચે સત્તાવાર વેબસાઈટ ઉપર જાહેર કર્યો
- સુપ્રીમ કોર્ટના આક્રમક વલણ બાદ ડેટા સોંપવામાં આવ્યો
- ડેટામાં રૂ.1 હજારથી રૂ.1 કરોડ સુધીના દાનની માહિતી
- ચૂંટણી દાન કોને મળ્યું અને કોણે આપ્યું? તેની વિગતો અપાઈ
નવી દિલ્હી, 14 માર્ચ : સુપ્રીમ કોર્ટની આક્રમકતા બાદ સ્ટેટ બેંક ઓફ ઈન્ડિયા (SBI)એ ચૂંટણી પંચને ઈલેક્ટોરલ બોન્ડનો ડેટા સોંપ્યો હતો. હવે ચૂંટણી પંચે પોતાની વેબસાઈટ પર SBI તરફથી ઈલેક્ટોરલ બોન્ડ સાથે જોડાયેલી માહિતી અપલોડ કરી છે. સુપ્રીમ કોર્ટની બંધારણીય બેંચ આવતીકાલે ઈલેક્ટોરલ બોન્ડ કેસની સુનાવણી કરશે. ભારતના ચૂંટણી પંચે સુપ્રીમ કોર્ટમાં અરજી દાખલ કરી છે. અરજીમાં એસસી દ્વારા 11 માર્ચે આપેલા આદેશમાં સુધારો કરવાની માંગ કરવામાં આવી છે. અરજી 11 માર્ચના આદેશના ઓપરેટિવ ભાગમાં કેટલીક સ્પષ્ટતાઓ/સુધારાઓ માંગે છે. જો કે, કયા સુધારાની માંગણી કરવામાં આવી છે તે હજુ જાણવા મળ્યું નથી.
રૂ.1 હજારથી રૂ.1 કરોડ સુધીના દાનની માહિતી
અરજીમાં 12 એપ્રિલ, 2019 અને નવેમ્બર 02, 2023ના આદેશો અનુસાર ચૂંટણી પંચ દ્વારા સીલબંધ પરબિડીયાઓમાં/બોક્સમાં SC સમક્ષ રજૂ કરાયેલા દસ્તાવેજો/ડેટા/માહિતી પ્રકાશિત કરવા માટે પણ નિર્દેશ માંગવામાં આવ્યો છે. ચૂંટણી પંચ દ્વારા તેની વેબસાઈટ પર શેર કરવામાં આવેલા ડેટામાં 12 એપ્રિલ, 2019થી 1,000 રૂપિયાથી લઈને 1 કરોડ રૂપિયા સુધીના ઈલેક્ટોરલ બોન્ડની ખરીદી વિશે માહિતી આપવામાં આવી છે (આ બોન્ડ હવે સમાપ્ત થઈ ગયા છે). તે કંપનીઓ અને વ્યક્તિઓ દ્વારા કરવામાં આવેલી ખરીદી દર્શાવે છે. ચૂંટણી બોન્ડની માહિતી સાર્વજનિક બનાવવાના સુપ્રીમ કોર્ટના આદેશનું પાલન કરીને, SBIએ મંગળવારે સાંજે હવે સમાપ્ત થયેલા ચૂંટણી બોન્ડ્સ ખરીદનાર સંસ્થાઓ અને રાજકીય પક્ષોની વિગતો સબમિટ કરી હતી જેણે તેમને પ્રાપ્ત કર્યા હતા.
ચૂંટણી દાન કોને મળ્યું અને કોણે આપ્યું?
ચૂંટણી પંચ દ્વારા શેર કરાયેલા ડેટામાં જાણવા મળ્યું છે કે ચૂંટણી બોન્ડ દ્વારા ચૂંટણી દાન મેળવનારાઓમાં ભાજપ, કોંગ્રેસ, AIADMK, BRS, શિવસેના, TDP, YSR કોંગ્રેસ અને અન્ય રાજકીય પક્ષોનો સમાવેશ થાય છે. રાજકીય પક્ષોને દાન આપનારાઓની યાદીમાં ગ્રાસિમ ઇન્ડસ્ટ્રીઝ, મેઘા એન્જિનિયરિંગ, પિરામલ એન્ટરપ્રાઈઝ, ટોરેન્ટ પાવર, ભારતી એરટેલ, ડીએલએફ કોમર્શિયલ ડેવલપર્સ, વેદાંત લિમિટેડ, એપોલો ટાયર્સ, લક્ષ્મી મિત્તલ, એડલવાઈસ, પીવીઆર, કેવેન્ટર, સુલા વાઈન, વેલસ્પન, સન. ફાર્મા અને અન્યનો સમાવેશ થાય છે.
સુપ્રીમ કોર્ટે આ નિર્દેશો આપ્યા હતા
ઉલ્લેખનીય છે કે, SBIએ સુપ્રીમ કોર્ટને ઈલેક્ટોરલ બોન્ડ સંબંધિત માહિતી શેર કરવાની સમયમર્યાદા 30 જૂન સુધી લંબાવવાની અપીલ કરી હતી, પરંતુ કોર્ટે SBIની માંગને ફગાવી દીધી હતી અને તેને 12 માર્ચ સુધીમાં ચૂંટણી પંચ સાથે તમામ વિગતો શેર કરવા કહ્યું હતું. અગાઉ, સુપ્રીમ કોર્ટે ઈલેક્ટોરલ બોન્ડ સ્કીમને ‘ગેરબંધારણીય’ ગણાવીને રદ કરી દીધી હતી. તેમજ SBIને 6 માર્ચ સુધીમાં ચૂંટણી પંચને તમામ વિગતો સબમિટ કરવા માટે કહેવામાં આવ્યું હતું. તેના પર SBIએ 30 જૂન સુધીનો સમય માંગ્યો હતો. સુપ્રીમ કોર્ટની પાંચ જજોની બેંચે SBIની માંગને ફગાવી દીધી છે અને 12 માર્ચ સુધીમાં ચૂંટણી પંચને તમામ વિગતો આપવાનો આદેશ આપ્યો છે. તેમજ ચૂંટણી પંચને આ તમામ વિગતો 15 માર્ચે સાંજે 5 વાગ્યા સુધીમાં વેબસાઈટ પર અપલોડ કરવા માટે કહેવામાં આવ્યું છે.
