ઇયર બડ્સમાં લાગેલો મેલ તમારા કાનમાં પહોંચાડે છે લાખો બેક્ટેરિયાઃ આ રીતે કરો સાફ

• ઇયરબડ્સના સતત ઉપયોગથી કાનમાં વેક્સ, ધુળ જેવી ગંદકી જમા થઇ જાય છે
• ઇયરબડ્સ સાફ ન થાય તો ઇન્ફેક્શનનો ખતરો પણ રહે છે
• ઇયરબડ્સને સારી રીતે ક્લીન કર્યા બાદ જ યુઝ કરવા જોઇએ

ઇયરફોનમાં લાગેલા ઇયરબડ્સને કોઇ પરિચયની જરૂર નથી. આજના સમયમાં લોકો કલાકો સુધી પોતાના કાનમાં ઇયરબડ્સ લગાવીને ફરતા હોય છે. આ બડ્સ ઇયરફોનને કાનમાં સારી રીતે ફિટ થવામાં મદદ કરે છે. સાથે આ કારણે લાંબા સમય સુધી ઇયરફોન યુઝ કરતા કાનમાં દુખાવો પણ થતો નથી. ઇયરબડ્સનું મહત્ત્વ તો લગભગ તમામ લોકો જાણે છે, પરંતુ હવે તેની સફાઇની રીત જાણવી પણ એટલુ જ જરૂરી છે.

ઇયરબડ્સના સતત ઉપયોગથી કાનમાં વેક્સ, ધુળ જેવી ગંદકી જમા થઇ જાય છે અને તે સાફ ન થાય તો ઇન્ફેક્શનનો ખતરો પણ રહે છે. આ એક ગંભીર બાબત છે. તેને સારી રીતે ક્લીન કર્યા બાદ જ યુઝ કરવા જોઇએ. આ ટિપ્સથી તમે ઇયરબડ્સને સાફ કરી શકો છો.

કેટલી વાર સાફ કરવા જોઇએ ઇયરબડ્સ

જો તમે રોજેરોજ ઇયરબડ્સની સફાઇ કરતા હો તો વેક્સ કે તેમાં જામેલી ડસ્ટના કારણે તેને કમસે કમ અઠવાડિયામાં એકવાર સાફ કરવા જોઇએ. ગરમીની સીઝનમાં જો તમને પરસેવો થતો હોય તો અઠવાડિયામાં બે વખત તેની સફાઇ કરવી જોઇએ.

કેવી રીતે કરશો ઇયરબડ્સની સફાઇ

એક નાના બાઉલમાં પા ચમચી ડિશવોશ લિક્વિડ લઇને અડધો કપ ગરમ પાણી એડ કરો. ઇયર બડ્સમાંથી ફોમ કે સિલિકોન હટાવી દો અને તેને તૈયાર કરેલા મિશ્રણમાં નાંખીને 30 મિનિટ રહેવા દો. હવે સિલિકોન કેપને મિશ્રણમાંથી કાઢીને સુકવી દો. તેમાં ફસાયેલી અન્ય ગંદકી દુર કરવા માટે રૂનો ઉપયોગ કરો. હવે તેને ગરમ પાણીથી ધોઇ લો. હવામાં સુકવા માટે લિન્ટ ફ્રિ કાપડમાં છોડી દો. પછી તેને ધીમે ધીમે બ્રશ કરવા માટે એક નરમ , સુકા ટુથબ્રશનો ઉપયોગ કરો અને વેક્સ તેમજ ગંદકી સાફ કરો.

આ પણ વાંચોઃ ગુજરાતમાં પનીર, ખાદ્ય મસાલા બાદ તેલમાં મીલાવટનું કૌભાંડ