ચારમાંથી ત્રણ રાજ્યોમાં કોંગ્રેસની હાર નિશ્ચિત, જાણો ક્યા છે મહત્ત્વનાં કારણો ?

• પાંચ રાજ્યોમાં ચૂંટણી યોજાયા બાદ ચાર રાજ્યના પરિણામો લગભગ સ્પષ્ટ
• 2024ની સામાન્ય ચૂંટણી પહેલા ભાજપ માટે આ જીત ખૂબ મહત્ત્વની

નવી દિલ્હી, 3 ડિસેમ્બર : પાંચ રાજ્યોમાં ચૂંટણી યોજાયા બાદ ચાર રાજ્યના પરિણામો લગભગ સ્પષ્ટ છે. કોંગ્રેસને 4માંથી 3 રાજ્યોમાં કારમી હારનો સામનો કરવો પડી રહ્યો છે. 2024ની સામાન્ય ચૂંટણી પહેલા ભારતીય જનતા પાર્ટી (BJP) માટે આ જીત ઘણી મહત્વની છે. આ પરિણામને ખાસ કરીને ભારતના હિન્દી બેલ્ટનો મિજાજ કહી શકાય. ઉત્તર અને મધ્ય ભારતના 3 રાજ્યોમાં ભાજપે કોંગ્રેસને જબરજસ્ત પરાજય આપ્યો છે. આ વિધાનસભા ચૂંટણીમાં ભાજપની જીતના ઘણાં કારણો હોઈ શકે છે, પરંતુ દેશની સૌથી જૂની રાજકીય પાર્ટી કોંગ્રેસ તેની હારના મુખ્ય કારણો વિશે ચોક્કસપણે વિચારશે. આપણે ભારતીય જનતા પાર્ટીની જીતના ઘણા કારણો જોયા, સાંભળ્યા અને વાંચ્યા છે. પરંતુ આવો જાણીએ કોંગ્રેસની હારના 5 મોટા કારણો…

આ પણ જુઓ :ચાર રાજ્યોમાંથી ત્રણમાં ભાજપની સરકાર બનવા તરફ, જાણો એક્ઝિટ પોલ કેટલા સાચા પડ્યા

કોંગ્રેસની હાર પાછળના મહત્ત્વના પાંચ કારણો :

• 1. કોંગ્રેસનું નબળું સંગઠન :

પાયાના સ્તરે કોંગ્રેસનું સંગઠન ખૂબ જ નબળું જણાય છે. એક સમય હતો જ્યારે કોંગ્રેસ સેવાદળ, મહિલા કોંગ્રેસ, સર્વોદય, યુથ કોંગ્રેસ જેવી સંસ્થાઓ પાર્ટી માટે ઘણું કામ કરતી હતી. તેમનો લોકો સાથે સીધો સંપર્ક હતો અને સરકારની નીતિઓ અને યોજનાઓને સામાન્ય લોકો સુધી પહોંચાડવાનું સરળ બન્યું હતું. પરંતુ છેલ્લા ઘણા સમયથી આ તમામ સંસ્થાઓ સુસ્ત દેખાઈ રહી છે. રાજ્યમાં સરકાર હોવા છતાં તે મતદારો સુધી પહોંચી શકી નથી તે દર્શાવે છે.

• 2. નેતૃત્વમાં વિશ્વાસનો અભાવ :

એક સૌથી મોટું કારણ એ છે કે કોંગ્રેસનું નેતૃત્વ નબળું દેખાવા લાગ્યું છે. જોકે, ભારત જોડો યાત્રા દ્વારા રાહુલ ગાંધીને જનનેતા તરીકે સ્થાપિત કરવાનો પ્રયાસ કરવામાં આવ્યો હતો. જ્યાંથી યાત્રા પસાર થઈ ત્યાં લોકો જોડાતા જોવા મળ્યા, પરંતુ જ્યાં સુધી ભીડ મતમાં પરિવર્તિત ન થાય ત્યાં સુધી કોઈ પણ નેતા માટે માસ લીડર બનવું મુશ્કેલ છે. કોંગ્રેસના આંતરિક સંગઠનોમાં તેના નેતૃત્વમાં વિશ્વાસનો અભાવ છે, જેનો સીધો ફાયદો ભાજપને થયો છે.

• 3. જૂથવાદ :

આ વખતે મધ્યપ્રદેશ અને રાજસ્થાનમાં કોંગ્રેસની અંદર મુખ્ય જૂથવાદ જોવા મળ્યો હતો. રાજસ્થાનમાં અશોક ગેહલોત અને સચિન પાયલોટના જૂથ વચ્ચે પહેલા દિવસથી જ સંઘર્ષ જોવા મળ્યો હતો. સમગ્ર પાંચ વર્ષ સુધી કોંગ્રેસની ટોચની નેતાગીરી આ ભૂલ સુધારવામાં વ્યસ્ત હતી. મધ્યપ્રદેશમાં જ્યોતિરાદિત્ય સિંધિયા ભાજપમાં જોડાયા પછી ઘણા નાના નેતાઓ પણ ભાજપમાં જોડાયા. ત્યારપછી તે અંતર ભરવામાં આવ્યું નથી.

• 4. કમજોર સંદેશાવ્યવહાર :

કોંગ્રેસના સંગઠનો કેમ નબળા છે? એવું લાગે છે કે નેતૃત્વનો સંદેશ સ્પષ્ટ રીતે સંગઠન સુધી પહોંચી રહ્યો નથી. આ વખતે પ્રિયંકા ગાંધીએ ખૂબ પ્રચાર કર્યો અને ઘણા વચનો આપ્યા. પણ લોકો એ વચનો સમજી શક્યા નહિ. બીજી રીતે કહીએ તો એમ કહી શકાય કે પ્રિયંકા પોતાની વાત લોકોને સમજાવી શક્યા નથી. ઓછાવત્તા અંશે રાહુલ ગાંધીની પણ આવી જ સ્થિતિ રહી છે. તેમણે પ્રચાર કર્યો, પરંતુ લોકો સાથે સીધો જોડાઈ શક્યા નહીં. ઉલટાનું નરેન્દ્ર મોદી સહિત ભાજપના તમામ નેતાઓની વાત લોકો સમજી ગયા. ચૂંટણીના પરિણામો તેની સાક્ષી પૂરે છે.

• 5. નિવેદનો બેકફાયરિંગ :

કોંગ્રેસના નેતાઓએ વડાપ્રધાન નરેન્દ્ર મોદીને નિશાન બનાવવાનો નિષ્ફળ પ્રયાસ કર્યો. દરેક વખતે ભાષાકીય સીમા ઓળંગવામાં આવી અને ભાજપ તેને પોતાની તરફેણમાં ફેરવવામાં સફળ રહ્યો. કોંગ્રેસ નેતા મલ્લિકાર્જુન ખડગેએ વડાપ્રધાન નરેન્દ્ર મોદી પર વિવાદિત નિવેદન આપ્યું હતું. કોંગ્રેસ અધ્યક્ષે કહ્યું, “મોદીજી જૂઠ્ઠાણાના નેતા બની ગયા છે.” દરેક વખતે વડાપ્રધાન મોદીને લઈને આવા નિવેદનોથી ભાજપને ફાયદો થયો છે.