જેલમાં બંધ સંજય સિંહને કોર્ટની ફટકાર, માનહાનિ કેસમાં એક લાખનો ફટકાર્યો દંડ

લખનૌ (ઉત્તર પ્રદેશ), 03 જાન્યુઆરી: લખનૌની અદાલતે પૂર્વ યુપી મંત્રી અને ભાજપના નેતા ડૉ. મહેન્દ્ર સિંહની તરફેણમાં AAP રાજ્યસભા સાંસદ સંજય સિંહ સામેના બદનક્ષીના કેસમાં ચુકાદો આપ્યો હતો. સંજય સિંહને મહેન્દ્ર સિંહને 1 લાખ રૂપિયાનું વળતર ચૂકવવાનો પણ નિર્દેશ આપવામાં આવ્યો હતો. કોર્ટે આદેશ આપ્યો છે કે ભાજપના નેતા ડૉ. મહેન્દ્ર સિંહ વિરુદ્ધની ટિપ્પણીઓને તમામ સોશિયલ મીડિયા એકાઉન્ટમાંથી તાત્કાલિક દૂર કરવામાં આવે. આ ચુકાદો સિવિલ જજ સિનિયર ડિવિઝને સંભળાવ્યો હતો. કોર્ટે આદેશ આપ્યો છે કે જો સંજય સિંહ બે મહિનામાં 1 લાખ રૂપિયાના દંડની ભરપાઈ નહીં કરે તો તેમણે નિર્ણયની તારીખથી 6% વ્યાજ સાથે દંડ ભરવો પડશે.

મહેન્દ્ર સિંહ પર ખોટો આરોપ લગાવ્યો હતો

બે વર્ષ પહેલા ઉત્તર પ્રદેશના તત્કાલિન જળ શક્તિ મંત્રી મહેન્દ્ર સિંહે તેમના પર ખોટા આરોપો લગાવવા બદલ લખનૌ કોર્ટમાં માનહાનિનો કેસ દાખલ કર્યો હતો. પોતાના વિગતવાર આદેશમાં સંજય સિંહ પર ટિપ્પણી કરતા કોર્ટે કહ્યું છે કે પ્રેસ કોન્ફરન્સમાં પાયાવિહોણા આરોપો લગાવવા સંજય સિંહની આદત બની ગઈ છે. તેઓ તેમના આરોપોના સમર્થનમાં કોઈ પુરાવા રજૂ કરી શક્યા નથી, જ્યારે મહેન્દ્ર સિંહ ભાજપના એક જવાબદાર નેતા છે અને એક આદરણીય રાજકારણીની છબિ ધરાવે છે.

સંજય સિંહ તિહાર જેલમાં બંધ છે

સાંસદ સંજય સિંહ હાલમાં મની લોન્ડરિંગ કેસમાં તિહાર જેલમાં છે. કોર્ટના આ નિર્ણયથી પૂર્વ મંત્રી મહેન્દ્ર સિંહને મોટી રાહત મળી છે. સંજય સિંહ તેમની સામેના કોઈપણ આરોપોને સાબિત કરવા માટે કોઈ દસ્તાવેજો રજૂ કરી શક્યા ન હતા. આ સાથે મહેન્દ્ર સિંહને તમામ આરોપોમાંથી ક્લીનચીટ મળી છે.

ભાવુક થઈ પૂર્વ મંત્રી મહેન્દ્ર સિંહે કહ્યું “સત્યમેવ જયતે”

सत्यमेव जयते

आज सिविल जज लखनऊ कोर्ट के आए फैसले का मैं स्वागत करता हूं। सच्चाई की जीत हुई।

मेरे विरुद्ध झूठे आरोप लगाने वाले आप पार्टी के सांसद संजय सिंह पर कोर्ट ने एक लाख का जुर्माना लगाया है। साथ ही मेरे विरुद्ध आप पार्टी एवं संजय सिंह द्वारा किए गए सभी सोशल मीडिया पोस्ट… pic.twitter.com/H00iXKWVYY

— Dr. Mahendra Singh (@bjpdrmahendra) January 3, 2024

આ આદેશ બાદ જ્યારે પત્રકારોએ મહેન્દ્ર સિંહને તેમની ટિપ્પણીઓ માટે પૂછ્યું તો પૂર્વ મંત્રી મહેન્દ્ર સિંહ ભાવુક થઈ ગયા અને કહ્યું કે “સત્યમેવ જયતે”. ન્યાયનો વિજય થયો છે. તેમણે હંમેશા પ્રામાણિકતા અને પારદર્શિતાની રાજનીતિને અનુસરી છે અને તેમને બદનામ કરવાના ઈરાદેથી રચાયેલું ષડયંત્ર આજે કોર્ટના આદેશથી નાકામ થયું છે. મહેન્દ્રસિંહે કહ્યું કે તેઓ જાહેર જીવનમાં પવિત્રતા અને પ્રામાણિકતા અને સેવાની ભાવના હંમેશા જાળવી રાખશે. આજે એ લોકોનો પર્દાફાશ થયો છે જેમણે મને, અમારી સરકાર અને પાર્ટીને બદનામ કરવાનો પ્રયાસ કર્યો હતો.

આ પણ વાંચો: એક્સાઇઝ પોલિસી કેસમાં AAP નેતા સંજય સિંહ 10 જાન્યુઆરી ન્યાયિક કસ્ટડીમાં રહેશે