અમદાવાદમાં દેશનો પ્રથમ ડી બગિંગ સાયબર ક્રાઈમ કેસ સામે આવ્યો

• ક્રિકેટ સટ્ટાને લગતા કેટલાક લોગઇન આઇડી મળી આવ્યા
• ત્રણેય યુવકો દ્વારા સાત કરોડ રૂપિયા સુધીની ઠગાઇ કરાઇ
• ઓનલાઇન પ્રોડક્ટ મફતના ભાવે મંગાવીને બારોબાર વેચાણ કરતા

અમદાવાદમાં દેશનો પ્રથમ ડી બગિંગ સાયબર ક્રાઈમ કેસ સામે આવ્યો છે. શહેરના રિલીફ રોડ પર ક્રિકેટ સટ્ટાની બાતમીને આધારે ક્રાઈમ બ્રાંચે દરોડો પાડ્યા હતા. જેમાં ઝડપાયેલા ત્રણ યુવકોની પૂછપરછ દરમિયાન ઈ-કોમર્સ વેબસાઈટ પર ડી બગિંગ સોફ્‌ટવેરથી ચેડા કરીને ઓનલાઇન પ્રોડક્ટ મફતના ભાવે મંગાવીને બારોબાર વેચાણ કરવાના કૌભાંડનો પર્દાફાશ કર્યો છે.

ત્રણેય યુવકો દ્વારા સાત કરોડ રૂપિયા સુધીની ઠગાઇ કરાઇ

પ્રાથમિક તપાસમાં જાણવા મળ્યું હતું કે આરોપીઓ ગેમિંગ અને ક્રિકેટ સટ્ટાની સાઈટમાં પણ ચોક્કસ મોડ્‌સ ઓપરેન્ડીથી છેતરપિંડી આચરી હતી. છેલ્લાં બે વર્ષ દરમિયાન ત્રણેય યુવકો દ્વારા સાત કરોડ રૂપિયા સુધીની ઠગાઇ કરવામાં આવી હોવાની વિગતો સામે આવી છે.

ક્રિકેટ સટ્ટાને લગતા કેટલાક લોગઇન આઇડી મળી આવ્યા

ક્રાઇમ બ્રાંચના પોલીસ ઈન્સ્પેક્ટર અને તેમના સ્ટાફને બાતમી મળી હતી કે રીલીફ રોડ પર એક ઓફિસમાં ત્રણ યુવકો ઓનલાઇન ક્રિકેટ સટ્ટો રમી રહ્યા છે. અહીં દરોડો પાડીને પોલીસે વિજય વાઘેલા, નિતેશ મડતા અને આદીલ પરમારને ઝડપીને તપાસ કરતા તેમની પાસેથી ક્રિકેટ સટ્ટાને લગતા કેટલાક લોગઇન આઇડી મળી આવ્યા હતા.

ઓનલાઇન પ્રોડક્ટ મફતના ભાવે મંગાવીને બારોબાર વેચાણ કરતા

અમદાવાદના રિલીફ રોડ પર ક્રિકેટ સટ્ટાની બાતમીને આધારે ક્રાઈમ બ્રાંચે દરોડો પાડ્યા હતા. જેમાં ઝડપાયેલા ત્રણ યુવકોની પૂછપરછ દરમિયાન ઈ-કોમર્સ વેબસાઈટ પર ડી બગિંગ સોફ્‌ટવેરથી ચેડા કરીને ઓનલાઇન પ્રોડક્ટ મફતના ભાવે મંગાવીને બારોબાર વેચાણ કરવાના કૌભાંડનો પર્દાફાશ કર્યો છે. પ્રાથમિક તપાસમાં જાણવા મળ્યું હતું કે આરોપીઓ ગેમિંગ અને ક્રિકેટ સટ્ટાની સાઈટમાં પણ ચોક્કસ મોડ્‌સ ઓપરેન્ડીથી છેતરપિંડી આચરી હતી. છેલ્લાં બે વર્ષ દરમિયાન ત્રણેય યુવકો દ્વારા સાત કરોડ રૂપિયા સુધીની ઠગાઇ કરવામાં આવી હોવાની વિગતો સામે આવી છે.