Photosમાં કમલનાથ અને ગાંધી પરિવારની નિકટતા જોઈ શકાય છે.. પરંતુ હવે વિદાય…?

અમદાવાદ, 18 ફેબ્રુઆરી : મધ્યપ્રદેશના પૂર્વ મુખ્યમંત્રી કમલનાથ ટૂંક સમયમાં ભાજપમાં જોડાઈ શકે છે. જો આમ થશે તો 1968માં યુથ કોંગ્રેસથી શરૂ થયેલી તેમની રાજકીય સફર અને કોંગ્રેસના સંબંધોનો અંત આવશે. કમલનાથ(kamalnath) તેમના મિત્ર સંજય ગાંધીના (sanjay gandhi) કહેવા પર 22 વર્ષની ઉંમરે યુથ કોંગ્રેસમાં(join yuth congress) જોડાયા હતા. કમલનાથ માત્ર કોંગ્રેસના નેતા નથી, સંજય ગાંધી અને તેમની મિત્રતા 70ના દાયકામાં ચર્ચાનો વિષય હતી.

ઈન્દિરા ગાંધીના(Indira Gnadhi) નાના પુત્ર સંજય ગાંધી અને કમલનાથની મુલાકાત દેહરાદૂનની દૂન સ્કૂલમાં થઈ હતી. થોડા સમય પછી, કમલનાથ વધુ અભ્યાસ કરવા માટે કોલકાતા ગયા, પરંતુ તેમની મિત્રતા ધીમે ધીમે ગાઢ બની. મારુતિ કાર(maruti car) બનાવવાના સપના સાથે આ મિત્રતા રાજકારણ સુધી પહોંચી.

ગાંધી પરિવાર અને કમલનાથ વચ્ચેના સંબંધો

જ્યારે ઈન્દિરા ગાંધીએ દેશમાં ઈમરજન્સી લાદી ત્યારે 1977માં યોજાયેલી ચૂંટણીમાં કોંગ્રેસને હારનો સામનો કરવો પડ્યો હતો. બાદમાં જનતા પાર્ટીની સરકારે એક કેસમાં સંજય ગાંધીને તિહાર જેલમાં(Tihar Jail) મોકલી દીધા હતા. આ દરમિયાન કમલનાથે જાણીજોઈને જજ સાથે ઘર્ષણ કર્યું હતું. જે બાદ તેમને તિરસ્કારના આરોપમાં તિહાર જેલમાં મોકલવામાં આવ્યા. બંને સાથે જેલમાં રહ્યા. આ ઘટનાની ઈન્દિરા ગાંધીના મનમાં ઘેરી છાપ પડી હતી.

ગાંધી પરિવાર સાથે કમલનાથના સંબંધો કેટલા મજબૂત હતા તેનો અંદાજ એક રાજકીય કહેવત પરથી લગાવી શકાય છે. આ પ્રચલિત કહેવત હતી – ‘ઇન્દિરા ગાંધીના બે હાથ છે, સંજય અને કમલનાથ.‘

1980માં કોંગ્રેસે કમલનાથને છિંદવાડાથી મેદાનમાં ઉતાર્યા હતા. ઈન્દિરા ગાંધી પોતે તેમના માટે પ્રચાર કરવા આવ્યા હતા. આ દરમિયાન તેણીએ પોતાના ભાષણમાં કહ્યું હતું કે હું નથી ઈચ્છતી કે તમે લોકો કોંગ્રેસના નેતાને મત આપો. હું ઈચ્છું છું કે તમે બધા મારા ત્રીજા પુત્ર કમલનાથને મત આપો અને ચૂંટણી જિતાડો.

કોંગ્રેસમાં કમલનાથ કેવી રીતે આગળ વધ્યા?

• 1968માં યુથ કોંગ્રેસમાં જોડાયા.
• 1976માં તેમને ઉત્તર પ્રદેશ યુથ કોંગ્રેસના પ્રભારી બનાવવામાં આવ્યા.
• 1970-81 સુધી અખિલ ભારતીય યુવા કોંગ્રેસની રાષ્ટ્રીય પરિષદના સભ્ય હતા.
• 1980, 1984, 1990, 1991, 1998, 1999, 2004, 2009 અને 2014માં છિંદવાડાથી સાંસદ હતા.
• તેઓ 2000 થી 2018 સુધી અખિલ ભારતીય કોંગ્રેસ સમિતિના મહાસચિવ હતા.
• આ પછી તેમને મધ્ય પ્રદેશ કોંગ્રેસના અધ્યક્ષ બનાવવામાં આવ્યા.
• 2019માં મુખ્યમંત્રી બન્યા બાદ તેઓ પહેલીવાર છિંદવાડાથી ધારાસભ્ય બન્યા હતા.
• 20 માર્ચ 2020 ના રોજ મુખ્યમંત્રી પદ પરથી રાજીનામું આપ્યું.
• કમલનાથના નેતૃત્વમાં 15 વર્ષ બાદ સત્તામાં પરત ફરેલી કોંગ્રેસે 15 મહિના સુધી રાજ્યમાં શાસન કર્યું.
• 2023માં છિંદવાડાથી ધારાસભ્ય તરીકે ચૂંટાયા. વિધાનસભા ચૂંટણીમાં પાર્ટીની હાર બાદ પ્રદેશ અધ્યક્ષ પદ છોડી દીધું.

કમલનાથને પાંચ વખત કેન્દ્રીય મંત્રી બનાવવામાં આવ્યા

• 1991 થી 1994 સુધી કેન્દ્રીય વન અને પર્યાવરણ મંત્રી
• 1995 થી 1996 કેન્દ્રીય કાપડ મંત્રી
• 2004 થી 2008 સુધી કેન્દ્રીય વાણિજ્ય અને ઉદ્યોગ મંત્રી
• 2009 થી 2011 સુધી કેન્દ્રીય માર્ગ અને પરિવહન મંત્રી
• 2012 થી 2014 સુધી શહેરી વિકાસ અને સંસદીય બાબતોના મંત્રી.

Video: શાળાની ફેરવેલ પાર્ટીમાં હેલિકોપ્ટરથી પહોંચ્યો વિદ્યાર્થી, જોઈને વિધાર્થીઓ ચોંકી ગયા

ખેડૂત આંદોલન પાછળ ખાલિસ્તાનનો હાથ, સોશિયલ મીડિયા પર વાયરલ ઓડિયોમાં દાવો, તમે પણ સાંભળો