- અત્યાર સુધી ફ્યૂઅલ સરચાર્જ યુનિટ દીઠ જે રૂ.3.10 વસૂલતી
- ગ્રાહકો ઉપર ફ્યૂઅલ સરચાર્જ રૂ.3.35 થતાં ખૂબ મોટું ભારણ આવશે
- વપરાશ કરતાઓને પ્રત્યેક યુનિટ રૂ. 8.54ના જંગી ભાવે પડશે
ગુજરાતમાં મોંઘવારીના માર વચ્ચે વીજગ્રાહકોના ખિસ્સા પર ભારણ વધ્યું છે. જેમાં વીજગ્રાહકો પાસેથી 25 પૈસા વધુ ફ્યૂઅલ સરચાર્જ ખંખેરાશે. મહિને 200 યુનિટ વાપરતા રહેણાંકના ગ્રાહકોને એક યુનિટ રૂ.8.54માં પડશે ! અત્યાર સુધી ફ્યૂઅલ સરચાર્જ યુનિટ દીઠ જે રૂ.3.10 વસૂલતી હતી. જેમાં પ્રત્યેક યુનિટ રૂ. 8.54ના જંગી ભાવે પડશે.
આ પણ વાંચો: ગુજરાતમાં 7 દિવસ વરસાદની આગાહી, જાણો કયા વિસ્તારમાં થશે જળબંબાકાર
સરકારી વીજગ્રાહકો ઉપર મહિને રૂ.250 કરોડનું જંગી ભારણ આવશે
ગુજરાત વિદ્યુત નિયમન પંચ- ‘જર્ક’ દ્વારા ગુજરાત ઊર્જા વિકાસ નિગમ લિમિટેડ-જીયુવીએનએલને વર્ષ 2023-24ના બીજા ક્વાર્ટર યાને જુલાઈ-ઓગસ્ટ- સપ્ટેમ્બરમાં ફ્યૂઅલ સરચાર્જ યુનિટ દીઠ 25 પૈસા વધારે વસૂલ કરવાની મંજૂરી આપી છે. આને કારણે ચારે અધિકારી વીજ વિતરણ કંપનીઓ તેના 1 કરોડ 65 લાખ જેટલા વીજગ્રાહકો પાસેથી અત્યાર સુધી ફ્યૂઅલ સરચાર્જ યુનિટ દીઠ જે રૂ.3.10 વસૂલતી હતી, તે હવે બીજા ક્વાર્ટરથી રૂ.3.35 વસૂલશે. યુનિટદીઠ 25 પૈસાના વધારાને લીધે સરકારી વીજગ્રાહકો ઉપર મહિને રૂ.250 કરોડનું જંગી ભારણ આવશે, જે આખા વર્ષ દરમિયાન રૂ.3 હજાર કરોડ જેટલું આવશે.
આ પણ વાંચો: ગુજરાતમાં ઓવર સ્પીડિંગને લીધે અકસ્માતમાં મોતનો આંકડો જાણી રહેશો દંગ
અત્યાર સુધી ફ્યૂઅલ સરચાર્જ યુનિટ દીઠ જે રૂ.3.10 વસૂલતી
જર્ક દ્વારા જીયુવીએનએલને આ રીતે પ્રવર્તમાન વર્ષમાં પ્રત્યેક ક્વાર્ટરે ફ્યૂઅલ સરચાર્જમાં યુનિટદીઠ 25 પૈસાનો વધારો મળવાનો છે. ખાનગી વીજકંપનીઓને લહાણી કરવા માટે સરકારી વીજમથકો બંધ રાખવામાં આવે છે અથવા તો ઓછી ક્ષમતાએ ચલાવવામાં આવે છે, જે કારણે વીજગ્રાહકોને ભારણ ભોગવવું પડે છે.
ગ્રાહકો ઉપર ફ્યૂઅલ સરચાર્જ રૂ.3.35 થતાં ખૂબ મોટું ભારણ આવશે
સરકારી કંપનીઓની વીજળી વાપરતા રહેણાંક કેટેગરીના મહિને 200 યુનિટ વાપરતા ગ્રાહકો ઉપર ફ્યૂઅલ સરચાર્જ રૂ.3.35 થતાં ખૂબ મોટું ભારણ આવશે. તેમને ફિકસ્ડ ચાર્જ પેટે રૂ.70, એનર્જી ચાર્જ પેટે રૂ. 745, FPPPA યાને ફ્યૂઅલ સરચાર્જ યુનિટ દીઠ રૂ.3.35 લેખે રૂ. 670/- તથા 15 ટકા ઇલેક્ટ્રિસિટી ડયૂટી લેખે રૂ.223 મળીને કુલ રૂ.1,708 વીજબિલ ચૂકવવું પડશે, એટલે એમને પ્રત્યેક યુનિટ રૂ. 8.54ના જંગી ભાવે પડશે.
