સૈન્યના બહાદુર જવાનો કડકડતી ઠંડી અને હિમવર્ષામાં પણ સરહદ પર તૈનાત
- ભારતીય સેના શિયાળાની કઠોર પરિસ્થિતિનો સામનો કરી સરહદની કરી રહ્યા છે સુરક્ષા
- દેશના નાગરિકો અસહ્ય ઠંડીથી બચવા ઘરોમાં છે ત્યારે સૈનિકો સરહદ પર તૈનાત
નવી દિલ્હી, 25 ડિસેમ્બર : જ્યારે દેશભરના મોટાભાગના નાગરિકો અસહ્ય ઠંડીથી બચવા માટે તેમના ઘરોમાં રહેવાની લક્ઝરી ધરાવે છે, ત્યારે આપણા સૈન્યના જવાનો માટે એવું કહી શકાય નહીં. અસહ્ય ઠંડી અને હિમવર્ષા હોવા છતાં, ભારતીય સેના દેશની સરહદોની સુરક્ષા કરી રહી છે, જે અતૂટ સંકલ્પ સાથે કઠોર મોસમનો સામનો કરે છે. તેઓ દિવસના 24 કલાક, અઠવાડિયાના સાતેય દિવસ સરહદનો એક પણ ઇંચ અસુરક્ષિત ન રહે તે સુનિશ્ચિત કરવા માટે તૈનાત રહે છે.
Winters are here…!!!❄️#MondayMotivation#IndianArmy#OnPathToTransformation pic.twitter.com/FfQD2NJuT9
— ADG PI – INDIAN ARMY (@adgpi) December 25, 2023
સૈનિકો ચોવીસ કલાક રહે છે સતર્ક
ભારતીય સેનાના સૈનિકો કઠોર હવામાન, ડુંગરાળ પ્રદેશ, કડકડતી ઠંડી અને હિમવર્ષા હોવા છતાં પણ જમ્મુ-કાશ્મીર, લદ્દાખ, LOC, POK આંતરરાષ્ટ્રીય સરહદો (IB) પર પોતાના જીવ ચિંતા કર્યા વગર સુરક્ષા કરી રહ્યા છે. લદ્દાખના બર્ફીલા ઊંચાઈવાળા રણમાં, તાપમાન ઘણું નીચું જોવા મળે છે. સૈનિકો ચોવીસ કલાક સરહદોની રક્ષા કરતી વખતે તેમના કાર્યમાં સતર્ક રહે છે.
સૈનિકો નવી ટેક્નોલોજીનો કરે છે ઉપયોગ
સૈનિકો કુદરતી સુર્યપ્રકાશની ગેરહાજરીમાં પણ જોવા માટે સક્ષમ હોવા જોઈએ. જે માટે, સૈનિકો અંધારામાં વધુ જોવા માટે નાઇટ વિઝન ઉપકરણો અને વિશિષ્ટ ગોગલ્સનો ઉપયોગ કરે છે. તદુપરાંત, તેમની પાસે નવી ટેકનોલોજીના નાઇટ થર્મલ ઇમેજર્સ છે જેથી તેઓ કઠોર હવામાનની પરિસ્થિતિઓને કારણે નીચી દૃશ્યતામાં તેમના લક્ષ્યોને શોધી શકે. આ ટેક્નોલોજી ચોક્કસપણે સૈનિકોને ખૂબ મદદ કરે છે, જેથી સૈનિકો આપણી સરહદની સુરક્ષા કરવા વધુ સક્ષમ બને છે.
આ પણ જુઓ :વિજય દિવસઃ 93,000 પાકિસ્તાની સૈનિકોની શરણાગતિના બાવન વર્ષ
