4 મહિનાના જોડિયા ભાઈ-બહેનના મૃતદેહને કબરમાંથી બહાર કાઢવામાં આવ્યા, પોલીસે આપ્યું આ કારણ
રતલામ, 21 નવેમ્બર : બુધવારે, રતલામના માણક ચોક પોલીસ સ્ટેશન વિસ્તારમાં પાણીના ડ્રમમાં ડૂબી જવાને કારણે 4 મહિનાના જોડિયા ભાઈ અને બહેનનું શંકાસ્પદ સંજોગોમાં મૃત્યુ થયું હતું. બાળકોના પરિવારજનોએ પોલીસને જાણ કર્યા વિના જ તેમને દફનાવી દીધા હતા. મામલાની માહિતી મળતાં પોલીસે ગુરુવારે બંને મૃતદેહોને કબરમાંથી બહાર કાઢ્યા અને પોસ્ટમોર્ટમ માટે મોકલી દીધા. આ ઘટના પ્રકાશમાં આવતાં વિસ્તારમાં ચકચાર મચી ગઈ હતી.
આ મામલો મદીના કોલોનીનો છે, જ્યાં ભાડે રહેતા આમિર કુરેશી અને તેની પત્ની પમ્મીને જોડિયા બાળકો હસન અને ફાતિમા હતા. જે પાણીના ડ્રમમાં પડી ગયા હતા. પોલીસના જણાવ્યા અનુસાર બાળકોના પિતાએ જણાવ્યું કે ઘટના સમયે તેની પત્ની બાળકો સાથે ડ્રમ પાસે ઉભી હતી. ત્યારે બંને બાળકો અચાનક ડ્રમમાં પડી ગયા હતા અને પત્ની બેભાન થઈ ગઈ હતી. ભાનમાં આવ્યા બાદ તેણે તેના પતિને જાણ કરી હતી, પરંતુ ત્યાં સુધીમાં બાળકોનું મોત થઈ ગયું હતું.
પરિવારે મૃતદેહને શેરાનીપુરા કબ્રસ્તાનમાં દફનાવ્યો હતો. માહિતી મળતાં જ પોલીસે તહસીલદાર ઋષભ ઠાકુર અને એએસપી રાકેશ ખાખાની હાજરીમાં મૃતદેહોને કબરમાંથી બહાર કાઢ્યા અને પોસ્ટમોર્ટમ માટે મેડિકલ કોલેજ મોકલી દીધા.
પોલીસે કેસ નોંધીને તપાસ શરૂ કરી હતી
આ ઘટના અંગે અધિક પોલીસ અધિક્ષક રાકેશ ખાખાએ જણાવ્યું હતું કે બાળકોનું મોત શંકાસ્પદ છે. આ મામલે બાળકોની માતાની પૂછપરછ ચાલુ છે. પોસ્ટમોર્ટમ રિપોર્ટ આવ્યા બાદ સ્થિતિ સ્પષ્ટ થશે. પોલીસ એ પણ તપાસ કરી રહી છે કે મૃત્યુ અકસ્માતનું પરિણામ છે કે પછી તેની પાછળ કોઈ કાવતરું છે.
આ પણ વાંચો : ભારતનું એ ગામ જ્યાં બાળક જન્મતાની સાથે જ બની જાય છે કરોડપતિ, જાણો કેવી રીતે
ક્રૂરતા..! દીપડાને રાંધીને ખાઈ ગયા, વનવિભાગે હાથ લાગ્યું માત્ર કપાયેલું માથું
EMI વધશે, SBIએ વ્યાજદરમાં કર્યો વધારો: તમામ લોનને અસર થશે
2 રૂપિયાના શેરમાં વિદેશી રોકાણકારોને પડ્યો રસ, ભાવ પહોંચ્યો આસમાને, શું છે તમારી પાસે?
લગ્નસરાની સિઝનમાં સોના અને ચાંદીના ભાવમાં ઘટાડો, જાણો 7 દિવસમાં કેટલો ઘટ્યો ભાવ
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
