થલાપતિ વિજયે શરૂ કરી ચૂંટણીની તૈયારીઓ, આ તારીખે બહાર પાડશે પાર્ટીનો ઝંડો
- તમિલનાડુનું રાજકારણ હવે રસપ્રદ બની રહ્યું છે. દક્ષિણ ભારતીય ફિલ્મોના સુપરસ્ટાર થાલાપતિ વિજયે પણ ચૂંટણીની તૈયારીઓ શરૂ કરી દીધી છે. તેઓ ટૂંક સમયમાં તેમના રાજકીય પક્ષનો ઝંડો બહાર પાડવા જઈ રહ્યા છે
તમિલનાડુ, 21 ઓગસ્ટ: સાઉથની ફિલ્મોના સુપરસ્ટાર કહેવાતા એક્ટર થલાપતિ વિજયે રાજકીય સફર તરફ કદમ માંડ્યા છે. આ વર્ષે ફેબ્રુઆરીમાં વિજયે પોતાની રાજકીય પાર્ટીની શરૂઆત કરી હતી જેનું નામ તમિલગા વેટ્રી કષગમ રાખવામાં આવ્યું હતું. માનવામાં આવે છે કે વિજયની પાર્ટી વર્ષ 2026માં તમિલનાડુ વિધાનસભાની ચૂંટણી લડી શકે છે. આ ક્રમમાં હવે થાલપતિ વિજય ગુરુવારે પોતાના રાજકીય પક્ષનો ઝંડો બહાર પાડવા જઈ રહ્યા છે.
પાર્ટીનું ગીત પણ રજૂ કરશે વિજય
તમિલગા વેટ્રી કષગમના પ્રમુખ અભિનેતા થાલાપથી વિજય તેમના નવા રચાયેલા રાજકીય પક્ષનો ઝંડો બહાર પાડશે. તેઓ પનૈયુરમાં પાર્ટી કાર્યાલય પર પાર્ટીનો ઝંડો ફરકાવશે. આ સાથે તેઓ પાર્ટીનું ગીતને પણ રિલીઝ કરશે. એવું માનવામાં આવે છે કે આ પછી તેમની પાર્ટી પણ મેદાન પર ચૂંટણીની તૈયારી શરૂ કરશે.
2026માં તમિલનાડુ વિધાનસભાની ચૂંટણી લડશે
આ વર્ષે ફેબ્રુઆરીમાં અભિનેતા થાલાપતિ વિજયે રાજકીય પક્ષ શરૂ કરવાની જાહેરાત કરી હતી. આ સાથે વિજયે એમ પણ કહ્યું હતું કે તે વર્ષ 2026માં યોજાનારી તમિલનાડુ વિધાનસભાની ચૂંટણી લડશે. થાલાપતિ વિજયે આ વર્ષે યોજાયેલી લોકસભા ચૂંટણીમાં કોઈપણ ગઠબંધન અથવા પક્ષને સમર્થન આપ્યું ન હતું.
આ પણ વાંચો: Badlapur Sexual Abuse/ ‘શું હવે FIR નોંધાવા વિરોધ કરવો પડશે?’: રાહુલ ગાંધી
