EDને કહો કે મારી ધરપકડ ન કરે: કેજરીવાલે ફરી HCનો દરવાજો ખખડાવ્યો

• મુખ્યમંત્રી અરવિંદ કેજરીવાલે મની લોન્ડરિંગ કેસમાં ધરપકડ સામે રક્ષણની હાઇકોર્ટમાં કરી માંગ 

નવી દિલ્હી, 21 માર્ચ: દિલ્હીના મુખ્યમંત્રી અરવિંદ કેજરીવાલે ફરી એકવાર દિલ્હી હાઈકોર્ટના દરવાજા ખખડાવ્યા છે. કથિત દારૂ કૌભાંડ સાથે સંબંધિત મની લોન્ડરિંગ કેસમાં ધરપકડની આશંકા વચ્ચે, આમ આદમી પાર્ટીના વડાએ કોર્ટ પાસે રક્ષણ માંગ્યું છે. કેજરીવાલે અરજી દાખલ કરીને માંગણી કરી છે કે તેમની સામે કોઈ શિક્ષાત્મક પગલાં લેવામાં ન આવે. જસ્ટિસ સુરેશ કુમાર કૈતની આગેવાની હેઠળની ડિવિઝન બેંચ આજે આ કેસની સુનાવણી કરશે.

Delhi Chief Minister Arvind Kejriwal moves a fresh plea in the Delhi High Court, seeking no coercive action against him.

Division bench led by Justice Suresh Kumar Kait will hear the matter today morning.

ED has issued 9 summons to him in the Excise case till now.

Yesterday… pic.twitter.com/9xSPquvg9s

— ANI (@ANI) March 21, 2024

EDએ CM અરવિંદ કેજરીવાલ સામે 9 સમન્સ જારી કર્યા

EDએ અત્યાર સુધીમાં CM અરવિંદ કેજરીવાલને 9 સમન્સ જારી કર્યા છે. આ પહેલા બુધવારે પણ દિલ્હી હાઈકોર્ટમાં કેજરીવાલની અરજી પર સુનાવણી થઈ હતી જેમાં તેમણે કેન્દ્રીય તપાસ એજન્સી દ્વારા જારી કરાયેલા તમામ સમન્સને પડકાર્યા હતા. જો કે સુનાવણી બાદ કોર્ટે ED પાસેથી જવાબ માંગ્યો હતો અને કેસની આગામી સુનાવણી 22 એપ્રિલ સુધી મુલતવી રાખી હતી. કેજરીવાલ તરફથી હાજર રહેલા એડવોકેટ અભિષેક મનુ સિંઘવીએ કહ્યું હતું કે, તેઓ ED સમક્ષ હાજર થવા તૈયાર છે, જો કે તેમને ધરપકડથી રક્ષણ આપવામાં આવે.

આજે 21 માર્ચે કેજરીવાલને નવમા સમન્સ હેઠળ પૂછપરછ માટે બોલાવવામાં આવ્યા

CM અરવિંદ કેજરીવાલ એવા સમયે હાઈકોર્ટ પહોંચ્યા છે જ્યારે આજે એટલે કે 21 માર્ચે તેમને નવમા સમન્સ હેઠળ પૂછપરછ માટે બોલાવવામાં આવ્યા છે. અત્યારે કેજરીવાલ તપાસ એજન્સી સમક્ષ જશે કે નહીં તે અંગે સસ્પેન્સ છે. આ પહેલા તેમણે એક પછી એક 8 સમન્સની અવગણના કરી હતી. દિલ્હીના મુખ્યમંત્રીએ આ સમન્સને ગેરકાયદેસર અને રાજકીય રીતે પ્રેરિત ગણાવીને હાજર થવાનો ઇનકાર કર્યો હતો. આમ આદમી પાર્ટી અને કેજરીવાલે પોતે આશંકા વ્યક્ત કરી છે કે, ED તેમની ધરપકડ કરી શકે છે. તેમની દલીલ એવી છે કે, તેમને લોકસભા ચૂંટણીમાં પ્રચાર કરતા રોકવા માટે ધરપકડ કરવામાં આવી શકે છે.

જે કેસમાં અરવિંદ કેજરીવાલને સમન્સ મોકલવામાં આવ્યું છે, તેમાં દિલ્હીના પૂર્વ ઉપમુખ્યમંત્રી મનીષ સિસોદિયા અને રાજ્યસભા સાંસદ સંજયસિંહની પણ ધરપકડ કરવામાં આવી છે. બંને લાંબા સમયથી જેલમાં છે. તાજેતરમાં જ EDએ આ જ કેસમાં BRS નેતા કે.કવિતાની પણ ધરપકડ કરી છે.

આ પણ જુઓ: વડાપ્રધાનના નિવાસસ્થાન પાસે એક જ નંબરની બે ગાડી કેમ ઊભી હતી? PMની સલામતી પર જોખમ છે?