ગાંધીનગરઃ ડિપાર્ટમેન્ટ ઓફ ટેલિકોમ્યુનિકેશન્સ (DoT), ગુજરાત LSA ની ટીમે 29.04.2022ના રોજ, વોડાફોન આઈડિયા લિમિટેડ (VIL) અને નોકિયાના ટેકનિકલ નિષ્ણાતો સાથે ગાંધીનગર જિલ્લાના માણસા તાલુકાના ઉનાવા ગામમાં ગ્રામીણ 5G તકનીકી અને કવરેજ પરીક્ષણ હાથ ધર્યું હતું. 8K સ્ટ્રીમિંગ વિડિયો ચલાવવા, વિડિયો કૉલિંગ, મોટી ફાઇલ ડાઉનલોડ વગેરે જેવી એપ્લિકેશનનું પણ પરીક્ષણ કરવામાં આવ્યું હતું.
TECના સમયપત્રક અને પ્રક્રિયા અનુસાર પરીક્ષણ
ટેલિકોમ એન્જિનિયરિંગ સેન્ટર (TEC)ના સમયપત્રક અને પ્રક્રિયા અનુસાર પરીક્ષણ કરવામાં આવી રહ્યું છે. TEC એ DoTની તકનીકી શાખા છે, જે ટેલિકોમ નેટવર્ક સાધનો અને સેવાઓના સંદર્ભમાં સામાન્ય ધોરણોના સ્પષ્ટીકરણને ફ્રેમ કરે છે.
આ પરીક્ષણ શેડ્યૂલ અને પરીક્ષણ પ્રક્રિયાનો હેતુ 5Gમાં ઉપયોગના વિવિધ કેસોનું એકસમાન મૂલ્યાંકન કરવાનો છે, જે DOT હેઠળ ટેલિકોમ સર્વિસ પ્રોવાઈડર્સ (TSPs) દ્વારા અજમાયશ કરવામાં આવે છે, જે કામગીરી અને આંતર કાર્યક્ષમતા સંબંધિત વ્યાપક પરિમાણોના માપન દ્વારા કરવામાં આવે છે.
ગઈકાલે, માનનીય સંચાર મંત્રી અશ્વિની વૈષ્ણવજીએ એક મીડિયા વાર્તાલાપમાં કહ્યું હતું કે સરકાર જૂન 2022ની શરૂઆતમાં 5G સ્પેક્ટ્રમની હરાજી યોજવાની સંભાવના છે અને દેશમાં 5G સેવાઓનો રોલ આઉટ ઓગસ્ટ-સપ્ટેમ્બર 2022 સુધીમાં શરૂ થશે.
ડિપાર્ટમેન્ટ ઓફ ટેલિકોમ્યુનિકેશન્સ (DoT) 27.05.2021ના રોજ, ગુજરાતમાં 5G પરીક્ષણ માટે, નીચે મુજબ લાઇસન્સ અને સ્પેક્ટ્રમ ફાળવવામાં આવ્યા:
1. વોડાફોન આઈડિયા લિમિટેડ ગાંધીનગરમાં (શહેરી માટે), માણસા (અર્ધ શહેરી માટે) અને ઉનાવા, (ગ્રામીણ) નોકિયા સાથે સાધનો સપ્લાયર તરીકે.
2. જામનગરમાં રિલાયન્સ જિયો ઈન્ફોકોમ (અર્ધ શહેરી/ગ્રામીણ) સેમસંગ સાથે સાધનોના સપ્લાયર તરીકે.
સ્પેક્ટ્રમ શરૂઆતમાં છ મહિના માટે ફાળવવામાં આવ્યું હતું જે વધુ છ મહિના માટે લંબાવવામાં આવ્યું હતું.
