વર્લ્ડ કપ સુપર-8 મેચ રમવા બાર્બાડોસ પહોંચેલી ટીમ ઈન્ડિયા બીચ પર મસ્તી કરતી જોવા મળી, જૂઓ વીડિયો

• ICC T20 વર્લ્ડ કપ સુપર-8 મેચ રમવા માટે ટીમ ઈન્ડિયા બાર્બાડોસ પહોંચી ગઈ છે. સુપર-8માં ટીમ ઈન્ડિયાની પ્રથમ મેચ 20 જૂને અફઘાનિસ્તાન સામે થવાની છે. બ્રેક કંઈક આવી રીતે એન્જોય કરી રહી છે ટીમ

બાર્બાડોસ, 17 જૂન: ICC T20 વર્લ્ડ કપ 2024માં માત્ર બે લીગ મેચો બાકી છે, જોકે આ બે લીગ મેચોના પરિણામની સુપર-8ના શેડ્યૂલ પર કોઈ અસર પડશે નહીં. આઠ ટીમ સુપર-8 માટે ક્વોલિફાય થઈ ગઈ છે, જ્યારે બાકીની 12 ટીમો બહાર થઈ ગઈ છે. ભારત પણ સુપર-8માં પહોંચી ગયું છે અને તેણે તેની પ્રથમ સુપર-8 મેચ અફઘાનિસ્તાન સામે 20 જૂને બાર્બાડોસમાં રમવાની છે. ભારતીય ક્રિકેટ ટીમ બાર્બાડોસ પહોંચી ગઈ છે અને સુપર-8 મેચ પહેલા વન-ડે બ્રેકનો ભરપૂર આનંદ માણ્યો છે. વિરાટ કોહલી, હાર્દિક પંડ્યા, શિવમ દુબે, સંજુ સેમસન, યુઝવેન્દ્ર ચહલ સહિત ઘણા ભારતીય ક્રિકેટરોએ બીચ પર વોલીબોલની મજા માણી હતી, જે દરમિયાન વિરાટ કોહલી, હાર્દિક પંડ્યા, યશસ્વી જયસ્વાલ અને રિંકુ સિંહે શર્ટલેસ થઈને પોતાની ફિટનેસ બતાવી હતી.

અહીં જૂઓ વીડિયો:

📍 Barbados

Unwinding at the beach 🌊, the #TeamIndia way! #T20WorldCup pic.twitter.com/4GGHh0tAqg

— BCCI (@BCCI) June 17, 2024

બીચ પર ટીમ કેપ્ટન રોહિત શર્મા ન દેખાયો

જો કે આ વીડિયોમાં ટીમ ઈન્ડિયાનો કેપ્ટન રોહિત શર્મા દેખાઈ રહ્યો નથી. વિરાટ કોહલીએ પ્રથમ ત્રણ મેચમાં રન બનાવ્યા નથી, પરંતુ તે જે પ્રકારનો માઇન્ડ ફ્રેમમાં જોવા મળે છે તે સુપર-8 પહેલા ટીમ ઈન્ડિયા માટે સારો સંકેત છે. ભારતીય ટીમ T20 વર્લ્ડ કપ 2024માં પાકિસ્તાન, યુએસએ, આયર્લેન્ડ અને કેનેડા સાથે ગ્રુપ Aમાં હતી. ભારત અને અમેરિકા ગ્રૂપમાંથી સુપર-8 માટે ક્વોલિફાય થઈ ગયા છે, જ્યારે બાકીની ત્રણ ટીમો બહાર થઈ ગઈ હતી.

સુપર-8માં બંને ગ્રૂપમાંથી ટોપ-2 ટીમ સેમિફાઇનલમાં પ્રવેશ કરશે

ગ્રુપ બીમાંથી ઓસ્ટ્રેલિયા અને ઈંગ્લેન્ડ સુપર-8માં પહોંચ્યા જ્યારે સ્કોટલેન્ડ, નામિબિયા અને ઓમાન બહાર થઈ ગયા છે. ગ્રુપ સીમાંથી અફઘાનિસ્તાન અને વેસ્ટ ઈન્ડિઝ સુપર-8માં સ્થાન મેળવ્યું હતું અને ન્યુઝીલેન્ડ, યુગાન્ડા અને પાપુઆ ન્યુ ગીની બહાર થઈ ગયા હતા. ગ્રુપ-ડીની વાત કરીએ તો દક્ષિણ આફ્રિકા અને બાંગ્લાદેશ સુપર-8માં પહોંચ્યા જ્યારે શ્રીલંકા, નેધરલેન્ડ અને નેપાળ બહાર થઈ ગયા. સુપર-8માં ઈંગ્લેન્ડ, દક્ષિણ આફ્રિકા, વેસ્ટ ઈન્ડિઝ અને અમેરિકા ગ્રુપ-2માં છે જ્યારે ઓસ્ટ્રેલિયા, ભારત, અફઘાનિસ્તાન અને બાંગ્લાદેશ ગ્રુપ-1માં છે. ભારતે 20મી જૂને અફઘાનિસ્તાન સામે, 22મી જૂને બાંગ્લાદેશ સામે અને 24મી જૂને ઓસ્ટ્રેલિયા સામે મેચ રમવાની છે. સુપર-8માં બંને ગ્રૂપમાંથી ટોપ-2 ટીમ સેમિફાઇનલમાં પ્રવેશ કરશે.

આ પણ વાંચો: ભારતીય ટીમનો સેમીફાઈનલ સુધીનો રસ્તો સાફ! જાણો હવેની મેચોનો કેવો રહેશે રેકોર્ડ