IND vs WI: ટીમ ઈન્ડિયા પ્રથમ ટેસ્ટ માટે ડોમિનિકા પહોંચી, એરપોર્ટ પર વિરાટ-ઈશાનનો જોરદાર અંદાજ
ભારત અને વેસ્ટ ઈન્ડિઝ વચ્ચે 2 ટેસ્ટ મેચોની સિરીઝ રમાશે. આ સિરીઝની પ્રથમ મેચ 12મી જુલાઈથી ડોમિનિકામાં રમાશે. જોકે, રોહિત શર્માના નેતૃત્વમાં ભારતીય ટીમ ડોમિનિકા પહોંચી ગઈ છે. રોહિત શર્મા ઉપરાંત વિરાટ કોહલી, શુભમન ગિલ, યશસ્વી જયસ્વાલ અને ઈશાન કિશન સહિત ઘણા ખેલાડીઓ શનિવારે ડોમિનિકા એરપોર્ટ પર જોવા મળ્યા હતા. બીસીસીઆઈએ તેના સત્તાવાર સોશિયલ મીડિયા હેન્ડલ પરથી તસવીરો શેર કરી છે. તસવીરો સોશિયલ મીડિયા પર ઝડપથી વાયરલ થઈ રહી છે. આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે.
રોહિત શર્માની આગેવાનીમાં ટીમ ઈન્ડિયા ડોમિનિકા પહોંચી
આ પહેલા ટીમ ઈન્ડિયાનો કેમ્પ બાર્બાડોસમાં હતો. બાર્બાડોસમાં ટીમ ઈન્ડિયાના ખેલાડીઓએ ઘણો પરસેવો પાડ્યો હતો. આ સાથે ભારતીય ખેલાડીઓએ બાર્બાડોસમાં 2 દિવસીય પ્રેક્ટિસ મેચ રમી હતી. આ મેચમાં યુવા ખેલાડી યશસ્વી જયસ્વાલ શાનદાર લયમાં જોવા મળી હતી. યશસ્વી જયસ્વાલે 76 બોલમાં 54 રનની શાનદાર ઈનિંગ રમી હતી. જોકે, હવે એવું માનવામાં આવી રહ્યું છે કે યશસ્વી જયસ્વાલ વેસ્ટ ઈન્ડિઝ સામેની ડોમિનિકા ટેસ્ટમાં ઓપનિંગ કરતા જોવા મળી શકે છે.
View this post on Instagram
IND vs WI: ટીમ ઈન્ડિયા પ્રથમ ટેસ્ટ માટે ડોમિનિકા પહોંચી, એરપોર્ટ પર વિરાટ-ઈશાનનો જોરદાર અંદાજIND vs WI: ટીમ ઈન્ડિયા પ્રથમ ટેસ્ટ માટે ડોમિનિકા પહોંચી, એરપોર્ટ પર વિરાટ-ઈશાનનો જોરદાર અંદાજ
ડોમિનિકામાં બંને ટીમો આમને-સામને થશે
મહત્વની વાત એ છે કે વેસ્ટ ઈન્ડિઝના પ્રવાસ પર ભારતીય ટીમ 2 ટેસ્ટ મેચો સિવાય વનડે અને ટી20 મેચોની સિરીઝ રમશે. ભારત-વેસ્ટ ઈન્ડિઝ ટેસ્ટ સિરીઝની પ્રથમ મેચ ડોમિનિકામાં રમાશે. બંને ટીમો 12મી જુલાઈથી આમને-સામને થશે. જ્યારે ભારત-વેસ્ટ ઈન્ડિઝ સિરીઝની બીજી ટેસ્ટ મેચ 20 જુલાઈથી ત્રિનિદાદના ક્વીન્સ પાર્ક ઓવલ ખાતે રમાશે. આ પછી બંને ટીમો મર્યાદિત ઓવરના ફોર્મેટમાં આમને-સામને થશે.
