T20 વર્લ્ડ કપમાં ઐતિહાસિક જીતની નજીક ટીમ ઈન્ડિયા, બાંગ્લાદેશને હરાવી વર્લ્ડ રેકોર્ડની કરશે બરાબરી
- T20 વર્લ્ડ કપ 2024 ની 47મી મેચ ભારત અને બાંગ્લાદેશ વચ્ચે રમાશે. ટીમ ઈન્ડિયા માટે આ મેચ ઘણી મહત્વની બની રહી છે. તે આ મેચમાં જીત મેળવીને વર્લ્ડ રેકોર્ડની બરાબરી કરી શકે છે
HD ન્યૂઝ ડેસ્ક, 22 જૂન: T20 વર્લ્ડ કપ 2024ના સુપર-8 રાઉન્ડમાં આજે ભારત અને બાંગ્લાદેશની ટીમો સામસામે ટકરાશે. બંને ટીમો વચ્ચેની આ મેચ એન્ટીગુઆના સર વિવિયન રિચર્ડ્સ સ્ટેડિયમમાં રમાશે. ટીમ ઈન્ડિયા માટે આ મેચ ખૂબ જ ખાસ રહેવાની છે. કેમ કે ટીમ ઈન્ડિયા આ મેચ જીતીને વર્લ્ડ રેકોર્ડની બરાબરી કરી શકે છે. આ મેચ ભારતીય સમય અનુસાર સાંજે 7.30 કલાકે ટોસથી શરૂ થશે. તે જ સમયે મેચનો પ્રથમ બોલ રાત્રે 8:00 વાગ્યે નાખવામાં આવશે.
ઐતિહાસિક જીતની નજીક ટીમ ઈન્ડિયા
T20 વર્લ્ડ કપના ઈતિહાસમાં ટીમ ઈન્ડિયાએ અત્યાર સુધીમાં 48 મેચ રમી છે. આ સમયગાળા દરમિયાન ટીમે 32 મેચોમાં જીત મેળવી છે અને 15 મેચમાં હારનો સામનો કરવો પડ્યો છે. જો ભારતીય ટીમ આજે બાંગ્લાદેશની ટીમને હરાવશે તો તે તેની 33મી જીત હશે. આવી સ્થિતિમાં ટીમ ઈન્ડિયા T20 વર્લ્ડ કપમાં સૌથી વધુ મેચ જીતવાના રેકોર્ડની બરાબરી કરશે. આ રેકોર્ડ હાલમાં શ્રીલંકાના નામે છે. T20 વર્લ્ડ કપમાં શ્રીલંકાએ અત્યાર સુધી 33 મેચ જીતી છે.
T20 વર્લ્ડ કપમાં સૌથી વધુ મેચ જીતનાર ટીમ
- શ્રીલંકા – 33 જીત
- ભારત – 32 જીત
- પાકિસ્તાન – 30 જીત
- ઓસ્ટ્રેલિયા – 30 જીત
- દક્ષિણ આફ્રિકા – 30 જીત
ટીમ ઈન્ડિયાનું પલડું ભારે
સુપર-8 રાઉન્ડમાં બંને ટીમોની આ બીજી મેચ હશે. ટીમ ઈન્ડિયાએ પોતાની પ્રથમ મેચમાં અફઘાનિસ્તાનને હરાવ્યું હતું. આ સાથે જ ઓસ્ટ્રેલિયા સામે રમાયેલી મેચમાં બાંગ્લાદેશને હારનો સામનો કરવો પડ્યો હતો. તે જ સમયે, બંને ટીમો વચ્ચે અત્યાર સુધીમાં 13 T20 મેચો રમાઈ છે. આ દરમિયાન ટીમ ઈન્ડિયાએ 12 મેચ જીતી છે અને બાંગ્લાદેશ માત્ર 1 મેચ જીતવામાં સફળ રહી છે. T20 વર્લ્ડ કપમાં બંને ટીમો વચ્ચે અત્યાર સુધી 4 મેચ રમાઈ છે. આ તમામ મેચમાં ટીમ ઈન્ડિયાએ બાંગ્લાદેશને હરાવ્યું છે.
આ પણ વાંચો: ટીમ ઈન્ડિયાના કોચ બનવા અંગે ગૌતમ ગંભીરે મૌન તોડ્યું, જાણો શું કહ્યું
