તારા સિંહ અને સકીના ફરી એકબીજાના પ્રેમમાં ડૂબ્યા, ગદર 2 નું ગીત ‘ઉડ જા કાલે કાવા’ થયું રિલીઝ

તારા અને સકીનાની સૌથી પ્રતિકાત્મક લવ સ્ટોરી ફરી એકવાર ‘ગદર 2’ માં જોવા મળશે. ચાહકો આ ફિલ્મને લઈને ખૂબ જ ઉત્સાહિત છે અને તેની રિલીઝની આતુરતાથી રાહ જોઈ રહ્યા છે. ફિલ્મ ‘ગદર એક પ્રેમ કથા’નો પહેલો ભાગ આજે પણ લોકોના દિલમાં વસે છે.

22 વર્ષ પછી, નિર્માતાઓએ ‘ગદર 2’ ના ‘ઉડ જા કાલે કાવા’નું નવું વર્ઝન રિલીઝ કર્યું છે.’ઉડ જા કાલે કાવા’ના નવા વર્ઝનમાં સની દેઓલ અને અમીષા પટેલ ફરી એકવાર તારા સિંહ અને સકીનાના રૂપમાં એકબીજાના પ્રેમમાં જોવા મળે છે. તેમની કેમેસ્ટ્રી જોઈને તમે ચોક્કસપણે તેમના પર તમારું દિલ ગુમાવી બેસો. આ સાથે ‘ઉડ જા કાલે કાવા’એ ફરી એકવાર 22 વર્ષ પહેલા આવેલી ‘ગદર એક પ્રેમ કથા’ની યાદ અપાવી છે. સની દેઓલ અને અમીષા પટેલની રોમેન્ટિક સ્ટાઈલ ફરી એકવાર પસંદ કરવામાં આવી રહી છે.

‘ઉડ જા કાલે કાવા’નું નવું વર્ઝન રિલીઝ થતાં જ તે સોશિયલ મીડિયા પર લોકપ્રિય થઈ ગયું છે. યુઝર્સ આ ગીતને ખૂબ પસંદ કરી રહ્યા છે આ ગીતને રિલીઝ થયાના બે કલાકમાં જ 12 લાખથી વધુ વ્યૂઝ મળ્યા છે. તારા અને સકીનાની જાદુઈ કેમેસ્ટ્રી જોઈને લોકો ખૂબ જ ખુશ છે.ફેન્સ ‘ગદર 2’ને લઈને ખૂબ જ ઉત્સાહિત છે. ગદર એક પ્રેમ કથાએ 22 વર્ષ પહેલા 100 કરોડથી વધુની કમાણી કરીને ઈતિહાસ રચ્યો હતો. મેકર્સને ‘ગદર 2’ પાસેથી પણ આવી જ અપેક્ષાઓ છે.

આ પણ વાંચો : કંગના રનૌત કપાળ પર લાલ તિલક અને લાલ રંગના દુપટ્ટા સાથે ‘કામાખ્યા’ મંદિરે દર્શન કરવા પહોંચી