તમન્ના ભાટિયાનો બોયફ્રેન્ડ વિજય વર્મા પડ્યો કરીના કપૂરના પ્રેમમાં

મુંબઈ, 13 માર્ચ : બોલિવૂડ એક્ટર વિજય વર્મા પોતાની પર્સનલ અને પ્રોફેશનલ લાઈફને કારણે ચર્ચામાં રહે છે. લોકો તેમના અંગત જીવન વિશે ઘણું જાણવા માંગે છે. વિજય અને તમન્ના ભાટિયા રિલેશનશિપમાં છે. ચાહકો એ જાણવાની રાહ જોઈ રહ્યા છે કે આ કપલ ક્યારે લગ્ન કરશે. આ દરમિયાન વિજયે એક એવો ખુલાસો કર્યો છે જેનાથી તમન્નાના ચાહકો જરૂરથી ચોંકી જશે. વિજયે એક ઈન્ટરવ્યુમાં ખુલાસો કર્યો છે કે તે કરીના કપૂરને એકતરફી પ્રેમ કરવા લાગ્યો છે.

વિજય વર્માએ કરીના કપૂર સાથે ફિલ્મ જાને જાનમાં કામ કર્યું છે. લોકોને આ ફિલ્મ ઘણી પસંદ આવી. ફિલ્મમાં પણ તે કરીના સાથે એકતરફી પ્રેમમાં પડે છે. હવે તેણે રિયલ લાઈફમાં પણ કરીના પ્રત્યેનો પ્રેમ વ્યક્ત કર્યો છે. આ દિવસોમાં વિજય તેની આગામી ફિલ્મ મર્ડર મુબારકનું પ્રમોશન કરી રહ્યો છે. આ દરમિયાન વિજયે એક ઈન્ટરવ્યુમાં આ વાતનો ખુલાસો કર્યો છે.

સિદ્ધાર્થ કાનનને આપેલા ઈન્ટરવ્યુમાં વિજયે કહ્યું – ‘જાને જાન ફિલ્મમાં તેણે કરીના માટે જે સ્નેહ દર્શાવ્યો તે અભિનેત્રી માટે એકતરફી પ્રેમ છે. આ તે પ્રકારનો પ્રેમ છે જેમાં લોકો તે વ્યક્તિની દૂરથી એડમાયર કરે છે.

કરિશ્મા સાથે કર્યું કામ 

વિજયે કરિશ્મા કપૂર સાથે મર્ડર મુબારકમાં કામ કર્યું છે. કરિશ્મા વિશે તેણે કહ્યું- તે કરિશ્મા સાથે હેંગઆઉટ કરતો હતો અને તેમની વચ્ચે ખૂબ જ સારી મિત્રતા છે. હું તેનો પણ ફેન છું.

વિજયના મર્ડર મુબારકની વાત કરીએ તો આ ફિલ્મ 15 માર્ચના રોજ નેટફ્લિક્સ પર રિલીઝ થશે. આ ફિલ્મમાં સારા અલી ખાન, પંકજ ત્રિપાઠી સહિત ઘણા સ્ટાર્સ લીડ રોલમાં જોવા મળશે. આ ફિલ્મનું નિર્દેશન હોમી અદાનિયાએ કર્યું છે.

આ પણ વાંચો : જાણો ભારત-EFTA ડીલ શું છે? તેનાથી કયા કયા ફાયદા થશે