શરીરના અનિચ્છનીય વાળને દૂર કરવા માટે અપનાવો આ ઘરેલું ઉપાય…

શરીરના અનિચ્છનીય વાળને દૂર કરવા માટે લોકો ઘણીવાર વેક્સિંગ અથવા રેઝરનો ઉપયોગ કરવાનું પસંદ કરે છે, પરંતુ આ બધી વસ્તુઓના ગેરફાયદા પણ છે. આવી સ્થિતિમાં તમે કેટલાક ઘરેલું ઉપાય અપનાવી શકો છો. શરીરના અનિચ્છનીય વાળથી કાયમ માટે છુટકારો મેળવવો થોડો મુશ્કેલ છે. જો કે, તમે આ વાળની ​​વૃદ્ધિને લાંબા સમય સુધી રોકી શકો છો અથવા વાળનો વિકાસ ધીમો પાડી શકો છે. જ્યારે બજારમાં ઘણી એવી પ્રોડક્ટ્સ ઉપલબ્ધ છે જે અનિચ્છનીય વાળને દૂર કરવામાં આપને મદદ કરી શકે છે, પરંતુ અમે અહીં કેટલીક ઘરેલું વસ્તુઓ વિશે આપને જણાવી રહ્યા છીએ.

ખાંડ સાથે પેક બનાવો
ઘણી સ્ત્રીઓ વેક્સિંગ દરમિયાન અસ્વસ્થતા અને પીડા અનુભવે છે. જો તમારી સાથે પણ આવું થાય છે, તો તમે ખાંડમાંથી બનેલી પેસ્ટનો ઉપયોગ કરી શકો છો. તે ત્વચા પર ખેંચ્યા વિના શરીરના વાળને તેના મૂળમાંથી દૂર કરવામાં મદદ કરે છે. આ માટે ખાંડ, લીંબુ અને પાણીને એકસાથે ગરમ કરો. તમે ઈચ્છો તો મધ પણ ઉમેરી શકો છો. હવે આની મદદથી તમારા ચહેરા અથવા હાથ-પગ પરના અનિચ્છનીય વાળ દૂર કરી શકો છો.

ઈંડા અને કોર્ન સ્ટાર્ચ
પોષણથી ભરપૂર ઇંડા અનિચ્છનીય વાળને દૂર કરવામાં ઘણી મદદ કરે છે. તે શરીરના અનિચ્છનીય વાળને કુદરતી રીતે દૂર કરવામાં મદદ કરે છે. ઈંડા અને મકાઈના સ્ટાર્ચમાંથી બનેલી પેસ્ટ થોડી ચીકણી હોય છે. જે શરીરના વાળ દૂર કરવામાં સફળ રહી શકે છે. બંનેને મિક્સ કરીને જાડી પેસ્ટ બનાવો અને અનિચ્છનીય વાળ દૂર કરવા માટે ચહેરા અથવા હાથ-પગ પર લગાવો. 20 થી 25 મિનિટ પછી જ્યારે તે સુકાઈ જાય ત્યારે તેને સ્ક્રબ કરી લો.

ઓટ્સ અને કેંળા
શરીરના અનિચ્છનીય વાળને સાફ કરવા માટે ઓટ્સ અને કેળાનો ઉપયોગ કરો. ઓટ્સ એક્સ્ફોલિયેટર તરીકે કામ કરે છે જે મૃત ત્વચાના કોષો તેમજ શરીરમાંથી વાળ દૂર કરવામાં મદદ કરે છે. બીજી તરફ, કેળા વાળને નરમ બનાવે છે અને ત્વચાને પોષણ પણ આપે છે. બંનેને મિક્સ કરીને પેસ્ટ બનાવો અને પછી લગભગ 10 મિનિટ સુધી ત્વચા પર મસાજ કરો. તેને થોડીવાર સુકાવા દો અને પછી તેને સ્ક્રબની જેમ રગડો.

કાચા પપૈયા
કાચા પપૈયામાં રહેલા ઉત્સેચકો વાળના ફોલિકલ્સને નષ્ટ કરવામાં મદદ કરે છે જે વાળના વિકાસમાં વિલંબ કરે છે. આ માટે ફળની છાલ કાઢીને મેશ કરી લો. જો તમે ઈચ્છો તો તેમાં થોડી હળદર ઉમેરી શકો છો. હવે આ પેસ્ટને લગાવો અને ધોતા પહેલા 10 મિનિટ સુધી મસાજ કરો. તમે આ અઠવાડિયામાં બે વાર આમ કરી શકો છો.