પરિવાર સાથે કરો નાથદ્વારા અને ઉદયપુરની ટૂર, એ પણ સાવ સામાન્ય બજેટમાં

• તમે ખૂબ જ ઓછા બજેટમાં નાથદ્વારા અને ઉદયપુરની ટૂરનું આયોજન કરી શકો છો. નાથદ્વારામાં ભગવાન શ્રીનાથજીના દર્શન કરવાની સાથે ઉદયપુરમાં સિટી પેલેસ સહિત અન્ય સ્થળો પણ જોઈ શકાય છે

નાથદ્વારા અને ઉદયપુર રાજસ્થાનમાં બે ખૂબ જ લોકપ્રિય સ્થળો છે. ઉદયપુર તેના ઐતિહાસિક વારસા માટે પ્રખ્યાત છે, તો નાથદ્વારા ધાર્મિક સ્થળ તરીકે પ્રખ્યાત છે. તમે ખૂબ જ ઓછા બજેટમાં નાથદ્વારા અને ઉદયપુરની ટૂરનું આયોજન કરી શકો છો. નાથદ્વારામાં ભગવાન શ્રીનાથજીના દર્શન કરવાની સાથે ઉદયપુરમાં સિટી પેલેસ સહિત અન્ય સ્થળો પણ જોઈ શકાય છે. નાથદ્વારા નજીકનો કુંભલગઢ કિલ્લો અને હલ્દી ઘાટી પણ જોવા જેવા છે. તમે માત્ર 10,000 રૂપિયાના બજેટમાં આ સ્થળોની મુલાકાત લઈ શકો છો. ચાલો જાણીએ નાથદ્વારા અને ઉદયપુરની આસપાસ ફરવા માટેના 5 લોકપ્રિય સ્થળો વિશે.

નાથદ્વારા, ઉદયપુરમાં જોવાલાયક સ્થળો

શ્રીનાથજી મંદિર, નાથદ્વારા

શ્રીનાથજી મંદિર, જેને મૂળ દ્વારકાધીશ મંદિર કહેવામાં આવે છે, તે રાજસ્થાનના રાજસમંદ જિલ્લાના નાથદ્વારા શહેરમાં સ્થિત એક પ્રખ્યાત હિન્દુ મંદિર છે. તે ભગવાન કૃષ્ણને સમર્પિત છે, જે પુષ્ટિમાર્ગ સંપ્રદાયના શ્રીનાથજીના રૂપમાં પૂજનીય છે. આ મંદિર વૈષ્ણવ સંપ્રદાય માટે એક મહત્ત્વપૂર્ણ તીર્થસ્થાન છે અને દર વર્ષે લાખો ભક્તો અહીં દર્શન માટે આવે છે.

કુંભલગઢ કિલ્લો

કુંભલગઢ કિલ્લો મેવાડ પ્રદેશના સૌથી મહત્ત્વના કિલ્લાઓમાંનો એક છે. યુનેસ્કોની વર્લ્ડ હેરિટેજ સાઈટમાં પણ તેનો સમાવેશ કરવામાં આવ્યો છે. તે અરવલીની ટેકરીઓની ટોચ પર આવેલો છે અને 36 કિલોમીટર લાંબી દિવાલથી ઘેરાયેલો છે. આ દિવાલ ચીનની મહાન દિવાલ પછી વિશ્વની બીજી સૌથી લાંબી દિવાલ છે. કુંભલગઢ કિલ્લો શૌર્ય, કળા અને સ્થાપત્યનું પ્રતીક છે. તે રાજસ્થાનના ઈતિહાસ અને સંસ્કૃતિના સમૃદ્ધ વારસાને દર્શાવે છે.

હલ્દી ઘાટી

હલ્દી ઘાટી ભારતીય ઈતિહાસના એક પ્રખ્યાત યુદ્ધભૂમિ છે. 1576 માં, મેવાડના રાણા પ્રતાપે અહીં મુઘલ સમ્રાટ અકબરની સેના સાથે વીરતાપૂર્ણ યુદ્ધ કર્યું હતું. હલ્દી ઘાટી નામ આ વિસ્તારમાં જોવા મળતી હળદર રંગની માટી પરથી પડ્યું છે. હલ્દી ઘાટી પ્રવાસીઓ માટે લોકપ્રિય સ્થળ છે. અહીં તમે યુદ્ધ સ્થળ, સ્મારક, મ્યુઝિયમ અને ચેતક સ્મારક જોઈ શકો છો.

આ પણ વાંચોઃ શ્રીનગરની મુલાકાત એટલે ધરતી પરનું સ્વર્ગ, ખાસ જજો આ છ જગ્યાએ

સિટી પેલેસ, ઉદયપુર

સિટી પેલેસ એક સમયે મેવાડના રાજાઓનું નિવાસસ્થાન હતું અને તે રાજસ્થાની સ્થાપત્યનું ઉત્તમ ઉદાહરણ છે. આ મહેલ 16મી સદીમાં રાણા ઉદય સિંહ દ્વારા બનાવવામાં આવ્યો હતો અને 19મી સદી સુધી અનેક રાજાઓ દ્વારા તેનો વિસ્તાર કરવામાં આવ્યો હતો. મહેલ સંકુલમાં અનેક મહેલો, ઈમારતો, આંગણાઓ, બગીચાઓ અને તળાવો છે. સિટી પેલેસ ઉદયપુરના પ્રવાસીઓ માટે લોકપ્રિય આકર્ષણ છે. તે રાજસ્થાનની સમૃદ્ધ સંસ્કૃતિ અને ઈતિહાસને દર્શાવે છે.

સજ્જનગઢ કિલ્લો, ઉદયપુર

સજ્જનગઢ કિલ્લો, જેને મોનસૂન પેલેસ તરીકે પણ ઓળખવામાં આવે છે, એ રાજસ્થાનના ઉદયપુર શહેરમાં અરવલ્લી પહાડીઓની ટોચ પર આવેલો એક ભવ્ય કિલ્લો છે. આ કિલ્લો 1884 માં રાણા સજ્જન સિંહ દ્વારા બનાવવામાં આવ્યો હતો. મોનસુનમાં તળાવો શહેરને વધુ મનોરમ્ય બનાવે છે. કિલ્લાની વિશેષતા રાજપૂત અને મુગલ સ્થાપત્યનું મિશ્રણ છે. તેમાં સફેદ માર્બલનું નકસીકામ કરવામાં આવ્યું છે.

આ પણ વાંચોઃ શિમલા-મનાલી જવું હોય તો જાણી લો IRCTCનું સસ્તું પેકેજ, પડી જશે મોજ