હીરો સુપર સ્પ્લેન્ડરનું નવું વેરિઅન્ટ લોન્ચ, જાણો કિંમત અને માઇલેજ

દેશની સૌથી મોટી ટુ-વ્હીલર ઉત્પાદક Hero MotoCorp એ તેની લોકપ્રિય 125cc કોમ્યુટર બાઇક સુપર સ્પ્લેન્ડરનું નવું વેરિઅન્ટ લોન્ચ કર્યું છે. કંપનીએ નવી 2022 Hero Super Splendor Canvas Black Edition રૂ. 77,430ની પ્રારંભિક એક્સ-શોરૂમ કિંમતે લોન્ચ કરી છે. કંપની દાવો કરે છે કે આ બાઇક 60 થી 68 kmpl ની શ્રેષ્ઠ-ઇન-સેગમેન્ટ માઇલેજ આપે છે.

બાઈકની વિશેષતા : ડિઝાઇનના સંદર્ભમાં, આ મોટરસાઇકલ તેના અન્ય વેરિયન્ટ્સ જેવી જ છે. જો કે, તેને ખાસ કેનવાસ બ્લેક પેઇન્ટ સ્કીમમાં રજૂ કરવામાં આવ્યું છે. આ સાથે તેમાં સુપર સ્પ્લેન્ડર અને H-લોગોનું 3D બ્રાન્ડિંગ આપવામાં આવ્યું છે. સુવિધાઓની દ્રષ્ટિએ, નવી સુપર સ્પ્લેન્ડર કેનવાસ બ્લેક એડિશનને ડિજિટલ-એનાલોગ ઇન્સ્ટ્રુમેન્ટ ક્લસ્ટર અને એક સંકલિત યુએસબી ચાર્જર મળે છે.

એન્જિન પાવર અને માઇલેજ : સુપર સ્પ્લેન્ડર કેનવાસ બ્લેક 125cc, સિંગલ-સિલિન્ડર, એર-કૂલ્ડ, FI એન્જિન દ્વારા સંચાલિત છે જે નિયમિત વેરિઅન્ટ પર પણ ઉપલબ્ધ છે. આ એન્જિન 7,500 rpm પર 10.7 bhp અને 6,000 rpm પર 10.6 Nm ટોર્ક જનરેટ કરે છે. તે 5-સ્પીડ ગિયરબોક્સ સાથે જોડાયેલું છે. કંપની દાવો કરે છે કે તેની ઇંધણ કાર્યક્ષમતામાં 13 ટકાનો વધારો થયો છે અને તે 60-68 kmpl ની શ્રેષ્ઠ-ઇન-સેગમેન્ટ માઇલેજ આપે છે.