રામ ગોપાલ વર્માને સાત વર્ષ જૂના કેસમાં ત્રણ મહિનાની સજા, શું છે મામલો?
- મુંબઈની અંધેરી મેજિસ્ટ્રેટ કોર્ટે ફિલ્મ નિર્દેશક અને નિર્માતા રામ ગોપાલ વર્માને 3 મહિનાની જેલની સજા ફટકારી છે
23 જાન્યુઆરી, મુંબઈઃ ફિલ્મ નિર્માતા અને નિર્દેશક રામ ગોપાલ વર્માને સાત વર્ષ જૂના કેસમાં દોષિત ઠેરવવામાં આવ્યા છે અને તેમને 3 મહિનાની જેલની સજા ફટકારવામાં આવી છે. મુંબઈની અંધેરી મેજિસ્ટ્રેટ કોર્ટે ફિલ્મ નિર્દેશક અને નિર્માતા રામ ગોપાલ વર્માને 3 મહિનાની જેલની સજા ફટકારી છે. સુનાવણી દરમિયાન હાજર ન રહેવાને કારણે ચેક બાઉન્સ કેસમાં કોર્ટે રામ ગોપાલ વર્મા વિરુદ્ધ નોન-વોરંટ જારી કર્યું છે. કોર્ટનો આ નિર્ણય તેમના નવા પ્રોજેક્ટ ‘સિન્ડિકેટ’ની જાહેરાત પહેલા આવ્યો છે.
સાત વર્ષ જૂના કેસમાં થઈ સજા
લગભગ સાત વર્ષ જૂના કેસની સુનાવણી દરમિયાન મંગળવારે રામ ગોપાલ વર્મા કોર્ટમાં હાજર ન હતા. કોર્ટે રામ ગોપાલ વર્માને કલમ 138 હેઠળ આરોપી માન્યા અને આ કેસમાં રામ ગોપાલ વતી ફરિયાદીને 3.72 લાખ રૂપિયાનું વળતર ચૂકવવાનો પણ આદેશ આપ્યો છે.
શું છે સમગ્ર મામલો?
2018માં ફિલ્મ નિર્માતા રામ ગોપાલ વર્માની કંપની સામે કેસ દાખલ કરવામાં આવ્યો હતો. રામ ગોપાલ વર્મા કેટલાક વર્ષોથી આર્થિક સંકટનો સામનો કરી રહ્યા છે, કારણ કે તેમની ફિલ્મો પણ સારું પ્રદર્શન કરી રહી ન હતી. આ ઉપરાંત, તેમણે કોવિડ-19 મહામારી દરમિયાન તેમની ઓફિસ પણ વેચવી પડી હતી. આ કિસ્સામાં ફિલ્મ નિર્માતાને વ્યક્તિગત ઓળખ બોન્ડ ભરીને અને 5,000 રૂપિયાની રોકડ જામીનની રકમ ચૂકવ્યા પછી જૂન 2022માં જામીન પર મુક્ત કરવામાં આવ્યો હતો. રામ ગોપાલ વર્મા સત્યા, રંગીલા, સરકાર અને કંપની જેવી સફળ ફિલ્મો માટે જાણીતા છે.
મંગળવારે રામ ગોપાલ વર્માને સજા સંભળાવતી વખતે મેજિસ્ટ્રેટ વાય.પી. પૂજારીએ કહ્યું હતું કે, કોડ ઓફ ક્રિમિનલ પ્રોસિજર, 1973ની કલમ 428 હેઠળ સેટ-ઓફ કરવાનો કોઈ પ્રશ્ન જ નથી કારણ કે આરોપીએ ટ્રાયલ દરમિયાન કસ્ટડીમાં કોઈ સમય વિતાવ્યો નથી.
આ પણ વાંચોઃ Chhaavaનું ટ્રેલર જોઈ કેટરિનાને પતિ વિક્કી કૌશલ પર ગર્વ થયો, જાણો શું કહ્યું
