ગુજરાતના 4 મોટા શહેરોમાં લાગુ થયો પોલીસનો ‘SHASTRA’ પ્રોજેક્ટ

• ‘Evening Policing’ પર વિશેષ ભાર મૂકવામાં આવ્યો છે.
• 45 ટકા ગુના સાંજે 6 વાગ્યાથી રાત્રે 12 વાગ્યાની વચ્ચે થાય છે
• 33 પ્રભાવિત પોલીસ સ્ટેશનની ઓળખ કરવામાં આવી છે

ગુજરાત પોલીસે ડેટા સંચાલિત પુલિસિંગ પર ભાર મૂકતાં ઈ-ગુજકૉપના ડેટાનું અધ્યયન કરી ફિઝિકલ ક્રાઇમના હૉટ સ્પૉટનું એનાલિસિસ કર્યું છે. જેમાં 4 પ્રમુખ કમિશનરેટ અમદાવાદ, વડોદરા, સુરત અને રાજકોટના 33 પ્રભાવિત પોલીસ સ્ટેશનની ઓળખ કરવામાં આવી છે.

સાંજે 6 વાગ્યાથી રાત્રે 12 વાગ્યાની વચ્ચે વધારે શારીરિક ગુના થાય છે

જેમાં જાણ થઈ કે, સાંજે 6 વાગ્યાથી રાત્રે 12 વાગ્યાની વચ્ચે વધારે શારીરિક ગુના થાય છે. જેને લઈને રાજ્યના ડીજીપી વિકાસ સહાયે વિશેષ યોજના હેઠળ ‘SHASTRA'(Sharir Sambandhi Tras Rokva Abhiyan) પ્રોજેક્ટ લાગુ કર્યો છે. ગુજરાત પોલીસ દ્વારા ગત એક વર્ષમાં ગુજરાતમાં થયેલા ફિઝિકલ ક્રાઇમનું એનાલિસિસ કરવામાં આવ્યું છે. જેનાથી જાણ થાય છે કે, આખાય ગુજરાતમાં કુલ ફિઝિકલ ક્રાઇમમાંથી લગભગ 25 ટકા ક્રાઇમ ચાર મહાનગરોમાં થાય છે. એવું પણ જોવા મળ્યું છે કે, તેમાંથી 45 ટકા ગુના સાંજે 6 વાગ્યાથી રાત્રે 12 વાગ્યાની વચ્ચે થયા છે.

‘Evening Policing’ પર વિશેષ ભાર મૂકવામાં આવ્યો છે.

પોલીસ રિસર્ચમાં સામે આવ્યું કે, અમદાવાદના 50 પોલીસ સ્ટેશનમાંથી 12 પોલીસ સ્ટેશનના વિસ્તારોમાં 50 ટકાથી વધારે ફિઝિકલ ગુના થાય છે. આ સિવાય સુરતના 33 પોલીસ સ્ટેશનમાંથી 9, વડોદરાના કુલ 27 પોલીસ સ્ટેશનમાંથી 7 અને રાજકોટમાં કુલ 15 પોલીસ સ્ટેશનમાંથી 5માં 50 ટકાથી વધુ ગુના થઈ રહ્યા છે. ગુજરાત પોલીસ દ્વારા કરવામાં આવેલા એનાલિસિસ બાદ ડીજીપી વિકાસ સહાયના ફિઝિકલ ગુનાઓને નિયંત્રિત કરવા માટે ચાર મહાનગરોના 33 પોલીસ સ્ટેશનમાં ‘SHASTRA’ (Sharir Sambandhi Tras Rokva Abhiyan) પ્રોજેક્ટ લાગુ કર્યો છે. તેમાં ‘Evening Policing’ પર વિશેષ ભાર મૂકવામાં આવ્યો છે.

જાણો શું છે ‘SHASTRA’ પ્રોજેક્ટ

આ યોજના હેઠળ શહેરોના સંવેદનશીલ વિસ્તારમાં સુરક્ષા વધુ મજબૂત કરવા માટે સાંજે 6 વાગ્યાથી રાત્રે 12 વાગ્યાની વચ્ચે વિશેષ પોલીસ ટીમ તૈનાત કરવામાં આવશે. અમદાવાદ, સુરત, વડોદરા અને રાજકોટના 33 પોલીસ સ્ટેશન પર વિશેષ સુરક્ષા વ્યવસ્થા કરવામાં આવશે, જ્યાં ફિઝિકલ ગુનાનો દર ઊંચો છે. પ્રત્યેક પોલીસ સ્ટેશનને SHASTRA ટીમ સોંપવામાં આવશે.