ચોરવાડ ખાતે રિલાયન્સ દ્વારા નવીનીકરણ પામેલી શાળાનું લોકાર્પણ

• રિલાયન્સના ધનરાજ નથવાણીના માર્ગદર્શન હેઠળ શાળાનું નિર્માણ
• વિદ્યાર્થીનીઓ માટે રૂ.2.75 કરોડના ખર્ચે બનાવાઈ આધુનિક શાળા
• નવી શાળાને એચ. જી. અંબાણી ગર્લ્સ હાઈસ્કૂલ નામ અપાયું
• નવી બિલ્ડીંગને શાળા વ્યવસ્થાપન સમિતીને સુપ્રત કરવામાં આવી

જુનાગઢ જિલ્લાના ચોરવાડ ખાતેની શ્રી. એચ.જી. અંબાણી ગર્લ્સ હાઈસ્કૂલનું રિલાયન્સ ઈંડસ્ટ્રીઝ દ્વારા રૂ.2.75 કરોડના ખર્ચે નવીનીકરણ કરીને શાળા વ્યવસ્થાપન સમિતીને સુપ્રત કરવામાં આવી હતી. રિલાયન્સના ધનરાજ નથવાણીના માર્ગદર્શનમાં આ શાળાના જૂના મકાનનું નવીનીકરણ કરીને અદ્યતન સંશાધનોથી તથા ફર્નિચરથી સજ્જ બનાવવામાં આવી છે અને કન્યાકેળવણીની દિશામાં નોંધપાત્ર યોગદાન આપવામાં આવ્યું છે.

11000 ફૂટ જગ્યામાં 10 કલાસરૂમ

આશરે 32000 ચો.ફૂટ જેટલા પ્લોટ પર 11000 ચો.ફૂટ કરતાં વધુ બાંધકામ કરીને 10 ક્લાસરૂમ, પ્રિન્સીપાલ ઓફીસ, સ્ટાફરૂમ, ક્પ્મ્પ્યુટર લેબ., સાયન્સ લેબ, એક્ટીવીટી રૂમ સહિતની સુવિધાઓ ઉભી કરવામાં આવી છે. સહ શૈક્ષણિક પ્રવૃત્તિઓ માટે સંગીતનાં સાધનો તથા સ્પોર્ટ્સનાં સાધનો ઉપલબ્ધ કરાવાયાં છે. ઉપરાંત આંતરમાળખાંકીય સુવિધાઓના ભાગ રુપે અંડર ગ્રાઉંડ પાણીની ટાંકી, પીવાના પાણીની સુવિધા, સી.સી. ટીવી. કેમેરા, પબ્લીક એડ્રેસ સીસ્ટમ, ફાયર નેટવર્કિંગ સીસ્ટમ , શાળાનું પ્રવેશ દ્વાર, કંપાઉંડ વોલ વગેરેથી આ શાળાનાં મકાનને સજ્જ કરાયું છે.