તબ્બુની હોલિવૂડમાં એન્ટ્રીઃ અમેરિકન સિરીઝ ડ્યૂનઃ પ્રોફેસી સાઈન કરી

• પહેલા તબ્બુ હોલીવુડના બે પ્રોજેક્ટમાં કરી ચૂકી છે કામ

મુંબઈ, 14 મે: તબ્બુ ફરીથી હોલિવૂડ પ્રોજેક્ટ કરવા જઈ રહી છે. ઓસ્કાર વિજેતા ફિલ્મ ફ્રેન્ચાઇઝી ‘ડ્યૂન’ની પ્રીક્વલ બનવા જઇ રહી છે. જેમાં તબ્બુને કાસ્ટ કરવામાં આવી છે.  આ પહેલા તબ્બુ હોલીવુડના બે પ્રોજેક્ટ ‘ધ નેમસેક’ અને ‘લાઇફ ઓફ પાઇ’માં કામ કરી ચૂકી છે.

તબ્બુએ પોતાના દમદાર અભિનયથી અનેક ચાહકોના દિલ જીત્યા છે. તે ભારતીય સિનેમા ચાહકોની પ્રિય અભિનેત્રીઓમાંની એક છે. ઘણા યાદગાર પાત્રો ભજવનાર તબ્બુએ લોકડાઉન બાદથી ઘણી હિટ ફિલ્મો પણ આપી છે. હવે તબ્બુના ફેન્સ માટે એક મોટા સમાચાર છે. તબ્બુ ફરીથી હોલિવૂડ પ્રોજેક્ટ કરવા જઈ રહી છે. ઓસ્કાર વિજેતા ફિલ્મ ફ્રેન્ચાઇઝી ‘ડ્યૂન’ એક પ્રિકવલ બનાવા જઈ રહી છે, જેની વાર્તા ફિલ્મમાં બતાવવામાં આવેલી ઘટનાઓ પહેલાની હશે. આ વાર્તા એક વેબ સિરીઝમાં બતાવવામાં આવશે, જેમાં તબ્બુને કાસ્ટ કરવામાં આવી છે. આ પહેલા તબ્બુ હોલીવુડના બે પ્રોજેક્ટ ‘ધ નેમસેક’ અને ‘લાઇફ ઓફ પાઇ’માં કામ કરી ચૂકી છે.

ડ્યૂનઃ પ્રોફેસીની કહાની અને તબ્બુનો રોલ

ડ્યૂન: પ્રોફેસી સિરીઝ વર્ષ 2019માં શરૂ થઈ હતી. પહેલા તેનું નામ ‘Dune: The Sisterhood’ હતું. તે બ્રાયન હર્બર્ટ અને કેવિન જે. એન્ડરસન દ્વારા લખાયેલ પુસ્તક ‘સિસ્ટરહુડ ઓફ ડ્યૂન’ પર આધારિત છે. તબ્બુને સ્ટ્રીમિંગ પ્લેટફોર્મ મેક્સ માટે બનાવવામાં આવી રહેલી પ્રિક્વલ શ્રેણી ‘ડ્યુનઃ પ્રોફેસી’ મા સિસ્ટર ફ્રાન્સેસ્કાની ભૂમિકા ભજવવા જઈ રહી છે તેના પાત્ર એ રીતે છે – ‘જે લોકો શક્તિશાળી, બુદ્ધિશાળી અને આકર્ષક સિસ્ટર ફ્રાન્સેસ્કાને જુએ છે તે ક્યારેય તેની છાપને ભૂલી શકતા નથી. ફ્રાન્સેસ્કાનું પુનરાગમન, જે એક સમયે સમ્રાટનો પ્રેમ હતો, તે કેપિટોલમાં સત્તાનું સંતુલન બગાડશે. તબ્બુ ‘ડ્યૂનઃ પ્રોફેસી’માં સાઇન થતાં જ ચાહકો સોશિયલ મીડિયા પર ખુશી વ્યક્ત કરી રહ્યા છે અલગ અલગ પ્રતિક્રિયાઓ આપી રહ્યા છે.

આ પણ વાંચો..સલમાન ખાન ફાયરિંગ કેસમાં આખરે છઠ્ઠા આરોપીની થઈ ધરપકડ