તારક મહેતાના આ એક્ટરે પણ 16 વર્ષ પછી છોડ્યો શો? છેલ્લા કેટલાક એપિસોડ્સથી ગાયબ
મુંબઈ – 22 ઑગસ્ટ : તારક મહેતા કા ઉલ્ટા ચશ્મા એક પારિવારિક શો છે જે લગભગ દરેકને પસંદ આવે છે. છેલ્લા 16 વર્ષથી દર્શકોને હસાવતો આ શો ઘણી વખત વિવાદોમાં આવ્યો છે, પરંતુ શો માટે ચાહકોનો પ્રેમ બદલાયો નથી. જો કે, કેટલાક જૂના કલાકારોએ ચોક્કસપણે શોમાંથી વિદાય લીધી છે. હવે સમાચાર આવી રહ્યા છે કે અન્ય એક અભિનેતાએ શોને અલવિદા કહી દીધું છે. શો છોડનાર અભિનેતા તરીકે શરદ સાંકલાનું નામ સામે આવી રહ્યું છે.
શરદ સાંકલાએ શોને અલવિદા કહ્યું?
ઓટીટી પ્લેના રિપોર્ટ અનુસાર, શરદ સાંકલાએ મે 2024માં કેટલાક કારણોસર શો છોડી દીધો હતો. શોના તાજેતરના એપિસોડ્સમાંથી શરદ સાંકલાની ગેરહાજરીને કારણે, અભિનેતાએ શો છોડી દીધો હોવાની અફવાઓએ જોર પકડ્યું છે. જો કે, શરદ કે શોના મેકર્સ દ્વારા આ સમાચારની પુષ્ટિ કરવામાં આવી નથી.
શરદ તારક મહેતામાં અબ્દુલની ભૂમિકા ભજવે છે
શરદ સાંકલા શોમાં અબ્દુલનું પાત્ર ભજવે છે. શોના પહેલા એપિસોડથી જ અબ્દુલ દર્શકો સાથે જોડાયેલો છે. શોમાં અબ્દુલ ગોકુલધામ સોસાયટીની બહાર કરિયાણાની દુકાન ચલાવે છે. આ ઉપરાંત તે સોસાયટીના નાના-મોટા કામમાં હેલ્પ કરે છે.
શોમાં અત્યારે શું ચાલી રહ્યું છે?
જોકે, અબ્દુલ એટલે કે શરદ સાંકલા છેલ્લા ચાર એપિસોડથી શોમાંથી ગાયબ છે. એક એપિસોડમાં માધવીએ જણાવ્યું કે અબ્દુલનો ફોન લાગતો નથી અને તેણે શનિવાર સાંજથી તેની દુકાન ખોલી નથી. આ સમયે ગોકુલધામ સોસાયટીમાં બધાને અબ્દુલની ચિંતા છે. ગોકુલધામના સભ્યોનું માનવું છે કે અબ્દુલ પર 50 હજારનું દેવું છે, તેથી જ તે સોસાયટી છોડીને ગાયબ થઈ ગયો છે.
આ પણ વાંચો : કોહલી-બુમરાહ કે હાર્દિક નહીં, પરંતુ રોહિત શર્માએ આ ત્રણ દિગ્ગજોને T20 વર્લ્ડ કપ જીતનો શ્રેય આપ્યો
