T20 વર્લ્ડ કપ 2007 ફાઇનલના હીરો જોગીન્દર શર્મા 12 વર્ષ બાદ MS ધોનીને મળ્યા, શેર કરી પોસ્ટ
- જોગીન્દર શર્માએ પોતાના સોશિયલ મીડિયા એકાઉન્ટ પર આ મીટિંગની કેટલીક ઝલક શેર કરી
નવી દિલ્હી, 03 ઓગસ્ટ: T20 વર્લ્ડ કપ 2007 ફાઇનલના હીરો જોગીન્દર શર્મા તાજેતરમાં ભૂતપૂર્વ કેપ્ટન MS ધોનીને મળ્યા હતા. જોગીન્દર 12 વર્ષ બાદ માહીને મળ્યા હતા અને આ દરમિયાન તે ખૂબ જ ખુશ દેખાઈ રહ્યા હતા. જોગીન્દર શર્માએ પોતાના સોશિયલ મીડિયા એકાઉન્ટ પર આ મીટિંગની કેટલીક ઝલક શેર કરી છે. તેમણે ધોની સાથેની તેમની મુલાકાતની ઝલક શેર કરી. જોગીન્દર શર્માએ ‘એ યાર સુન યારી તેરી’ નામનું જૂનું હિન્દી ગીત વાપર્યું અને પોસ્ટને કેપ્શન આપ્યું છે કે, “ઘણા લાંબા સમય બાદ ધોનીને મળીને આનંદ થયો. લગભગ 12 વર્ષ પછી આજે તમને મળીને એક અલગ જ અનુભૂતિ થઈ.”
View this post on Instagram
માહીએ જોગીન્દરને છેલ્લી ઓવર આપવી એ નિર્ણાયક સાબિત થયું
જોગીન્દર શર્માએ 2007 T20 વર્લ્ડ કપમાં ભારતને ચેમ્પિયન બનાવવામાં મહત્ત્વની ભૂમિકા ભજવી હતી. ધોનીએ ફાઈનલની છેલ્લી ઓવર જોગીન્દર શર્માને આપીને એક દાવ ખેલ્યો હતો અને જોગીન્દર તેની અપેક્ષાઓ પર ખરો ઉતર્યો હતો. માહીએ જોગીન્દરને છેલ્લી ઓવર આપવી એ નિર્ણાયક સાબિત થયું, જોગીન્દર શર્માએ મિસ્બાહ ઉલ હકની વિકેટ લીધી અને ભારતને પ્રથમ T20 વર્લ્ડ કપનો ખિતાબ અપાવ્યો.
View this post on Instagram
T20 વર્લ્ડ કપની ફાઈનલ મેચની વાત કરવામાં આવે તો પાકિસ્તાનને છેલ્લી ઓવરમાં જીતવા માટે 12 રનની જરૂર હતી અને મિસ્બાહ ઉલ હક ક્રિઝ પર હાજર હતો જે શાનદાર ફોર્મમાં દેખાઈ રહ્યો હતો. અનુભવી બોલરને પસંદ કરવાને બદલે ધોનીએ પ્રમાણમાં ઓછો અનુભવ ધરાવતા બોલર જોગીન્દર શર્માને જવાબદારી સોંપી. આ નિર્ણયથી લોકો આશ્ચર્યમાં પડી ગયા, પરંતુ ધોનીની પોતાની વ્યૂહરચના પરનો વિશ્વાસ ક્યારેય ઓછો થયો નહીં.
જોગીન્દરે વાઈડથી ઓવરની શરૂઆત કરી, જેનાથી તણાવ વધ્યો. પછીનો બોલ ડોટ નાખ્યો, ત્યારબાદ મિસ્બાહે સિક્સર ફટકારી, પાકિસ્તાનને જીતની ખૂબ નજીક લઈ ગયા, હવે તેને ચાર બોલમાં માત્ર છ રનની જરૂર હતી અને દબાણ ઘણું હતું, પરંતુ ધોની શાંત રહ્યો અને જોગીન્દરને ધ્યાન કેન્દ્રિત કરવા અને યોજનાને અમલમાં મૂકવા માટે પ્રોત્સાહિત કર્યો. ચોથા બોલ પર, મિસ્બાહે ફાઇન લેગ પર જોખમી સ્કૂપ શોટ રમવાનો પ્રયાસ કર્યો. બોલ હવામાં ગયો અને શોર્ટ ફાઈન લેગ પર ઉભેલા શ્રીસંતે ધીરજ જાળવી રાખી અને કેચ પકડી લીધો. મિસ્બાહ આઉટ થયો અને ભારતે પહેલો T20 વર્લ્ડ કપ પાંચ રનથી જીત્યો.
આ પણ જૂઓ: ‘મને શું જોઈ રહ્યો છે’ ફરી એકવાર કેપ્ટન રોહિત શર્મા મેદાન પર અનોખા અંદાજમાં, જુઓ વીડિયો
