T20 WC FINAL : ઈંગ્લેન્ડને 138 રનનો ટાર્ગેટ : પાકિસ્તાનનો મિડલ ઓર્ડર ઘૂંટણીએ
T20 વર્લ્ડ કપ 2022ની ફાઈનલ મેચ પાકિસ્તાન અને ઈંગ્લેન્ડ વચ્ચે મેલબોર્નમાં રમાઈ રહી છે. પાકિસ્તાને 20 ઓવરમાં 7 વિકેટ ગુમાવીને 137 રન બનાવ્યા છે. દર વખતની જેમ આ વખતે પણ પાકિસ્તાની બેટિંગનો ટોપ ઓર્ડર આઉટ થતાં, તેનો મિડલ ઓર્ડર વિખેરાય ચૂક્યો છે. પાકિસ્તાન તરફથી શાન મસૂદે સૌથી વધુ 38 રનની ઇનિંગ રમી હતી. તે જ સમયે, બાબર આઝમના બેટમાંથી 28 બોલમાં 32 રન આવ્યા હતા. આ સિવાય મોહમ્મદ રિઝવાન અને શાદાબ ખાને અનુક્રમે માત્ર 15 અને 20 રનની ઈનિંગ્સ રમી છે. આ ખેલાડીઓ સિવાય અન્ય કોઈ પણ ખેલાડી ડબલ ડીજીટમાં રન બનાવી શક્યો નથી. બીજી તરફ ઈંગ્લેન્ડ તરફથી સેમ કરને સૌથી વધુ 3 વિકેટ લીધી હતી. આ સાથે જ આદિલ રાશિદને પણ 2 સફળતા મળી છે.
આ પણ વાંચો : કાલે T20 વર્લ્ડકપનો ફાઈનલ, જાણો ટાઈટલ જીતનાર ટીમને મળશે કેટલું ઈનામ ?
Brilliant spells by Sam Curran and Adil Rashid help England restrict Pakistan to 137/8 in their 20 overs.
Can Babar Azam's team defend this modest total? ????#T20WorldCupFinal | #PAKvENG | ???? https://t.co/HdpneOrcyQ pic.twitter.com/aEOft0JblC
— ICC (@ICC) November 13, 2022
બંને ટીમોની પ્લેઈંગ ઈલેવન
પાકિસ્તાન– બાબર આઝમ, મોહમ્મદ રિઝવાન, મોહમ્મદ હરિસ, શાન મસૂદ, ઇફ્તિખાર અહેમદ, શાદાબ ખાન, મોહમ્મદ નવાઝ, મોહમ્મદ વસીમ જુનિયર, શાહીન શાહ આફ્રિદી, નસીમ શાહ, હરિસ રઉફ.
ઈંગ્લેન્ડ – જોસ બટલર, એલેક્સ હેલ્સ, ફિલ સોલ્ટ, બેન સ્ટોક્સ, હેરી બ્રુક, લિયામ લિવિંગસ્ટોન, મોઈન અલી, ક્રિસ વોક્સ, સેમ કુરાન, ક્રિસ જોર્ડન, આદિલ રાશિદ.
જે પણ ટીમ જીતશે, આ તેનું બીજું ટાઈટલ હશે
જો કે, અમે તમને જણાવી દઈએ કે આ ટાઈટલ મેચમાં જે પણ ટીમ જીતશે, આ તેનું બીજું T20 વર્લ્ડ કપ ટાઈટલ હશે. આ પહેલા પાકિસ્તાને 2009માં T20 વર્લ્ડ કપનો ખિતાબ જીત્યો હતો અને તેના તરત જ 2010માં. આ વખતે ઈંગ્લેન્ડને ફેવરિટ માનવામાં આવી રહ્યું છે પરંતુ પાકિસ્તાન પણ નબળી ટીમ નથી. સેમીફાઈનલમાં ઈંગ્લેન્ડે ટીમ ઈન્ડિયાને હરાવ્યું હતું. જ્યારે પાકિસ્તાને ન્યુઝીલેન્ડને હરાવ્યું હતું.
