T20 WC 2024 : ઈંગ્લેન્ડએ ટોસ જીત્યો, ભારત પહેલા બેટીંગ કરશે
ગયાના, 27 જૂન : T20 વર્લ્ડ કપ 2024માં ભારતીય ટીમ અને ઈંગ્લેન્ડ વચ્ચે બીજી સેમીફાઈનલ મેચ રમાઈ રહી છે. આ મેચ ગયાનાના જ્યોર્જટાઉન શહેરના પ્રોવિડન્સ સ્ટેડિયમમાં રમાઈ રહી છે, જેમાં ઈંગ્લિશ કેપ્ટન જોસ બટલરે ટોસ જીતીને પહેલા બોલિંગ કરવાનો નિર્ણય લીધો છે.
જો વરસાદને કારણે મેચ રદ્દ થાય તો?
ઉલ્લેખનીય છે કે ICCએ બીજી સેમીફાઈનલ માટે રિઝર્વ ડે નથી રાખ્યો. તેના બદલે 4 કલાક 10 મિનિટનો વધારાનો સમય આપવામાં આવ્યો છે. જો વરસાદને કારણે મેચ વધારાના સમયમાં પણ રમી શકાતી નથી અને તેને રદ કરવાની જરૂર છે, તો તેના ગ્રુપ સ્ટેજમાં ટોચની ટીમને ફાયદો થશે અને તે સીધો ફાઇનલમાં પ્રવેશ કરશે. એટલે કે તેનો ફાયદો માત્ર ભારતને જ મળશે. ભારતીય ટીમે સુપર-8ના તેના ગ્રુપ-1માં ટોચ પર રહીને સેમિફાઇનલમાં પ્રવેશ કર્યો છે. આવી સ્થિતિમાં જો મેચ રદ્દ થશે તો ભારતીય ટીમનું ફાઇનલમાં પ્રવેશ નિશ્ચિત બની જશે. જ્યારે ઈંગ્લેન્ડની ટીમ બહાર થઈ જશે. જોસ બટલરની કપ્તાનીવાળી ઈંગ્લેન્ડની ટીમ સુપર-8ના તેના ગ્રુપ-2માં બીજા સ્થાને હતી.
ગયા વર્લ્ડ કપનો બદલો લેવાની તક
છેલ્લી T20 વર્લ્ડ કપ 2022 સીઝનની સેમીફાઈનલમાં ઈંગ્લેન્ડે ભારતને હરાવીને બહાર કરી દીધું હતું. આવી સ્થિતિમાં રોહિત પાસે ડિફેન્ડિંગ ચેમ્પિયન ઈંગ્લેન્ડ પાસેથી બદલો લેવાની સુવર્ણ તક છે. ઉપરાંત, રોહિત બ્રિગેડ પાસે એક દાયકા કરતાં વધુ સમયથી નોકઆઉટ તબક્કામાં ચાલી રહેલ હારનો સિલસિલો તોડવાની તક છે.
આ મેચમાં ભારત-ઈંગ્લેન્ડની પ્લેઈંગ-11
ભારતીય ટીમઃ રોહિત શર્મા (કેપ્ટન), વિરાટ કોહલી, ઋષભ પંત (વિકેટકીપર), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, અર્શદીપ સિંહ અને જસપ્રિત બુમરાહ.
ઈંગ્લેન્ડની ટીમ: ફિલ સોલ્ટ, જોસ બટલર (વિકેટકીપર/કેપ્ટન), જોની બેરસ્ટો, હેરી બ્રુક, મોઈન અલી, લિયામ લિવિંગસ્ટોન, સેમ કુરાન, ક્રિસ જોર્ડન, જોફ્રા આર્ચર, આદિલ રશીદ અને રીસ ટોપલી.
