દેશમાં સંરક્ષણ ક્ષેત્રે સૌપ્રથમ વખત 100 ટકા વિદેશી મૂડીરોકાણને મંજૂરી?

• સ્વીડનની કંપની સાબએ ભારતના સંરક્ષણ પ્રોજેક્ટમાં 100% FDI મેળવનાર પ્રથમ વિદેશી કંપની બની 
• હરિયાણામાં એક એવી નવી સુવિધા સ્થાપશે જે ખભાથી ઑપરેટ કરી શકાય એવા રોકેટનું કરશે ઉત્પાદન

નવી દિલ્હીઃ સ્વીડનની કંપની સાબ ભારતના સંરક્ષણ પ્રોજેક્ટ્સમાં 100% વિદેશી પ્રત્યક્ષ રોકાણ (FDI) સુરક્ષિત કરનાર પ્રથમ વિદેશી કંપની બની છે, જે કંપની ભારતના હરિયાણામાં એક એવી નવી સુવિધા સ્થાપશે જે ખભાથી ઑપરેટ કરી શકાય એવા રોકેટનું ઉત્પાદન કરશે. અહેવાલ અનુસાર, સાબની રૂપિયા 500 કરોડથી ઓછી કિંમતની દરખાસ્તને ઓક્ટોબર મહિનામાં મંજૂર કરવામાં આવી હોવાનું બિનસત્તાવાર રીતે જાણવા મળે છે.

સાબ કંપની શું કરશે?

અહેવાલ મુજબ, સ્વીડનની સાબ કંપની ખભાથી ઑપરેટ કરી શકાય તેવા રોકેટની Cal-Gustaf M4 સિસ્ટમ બનાવવા માટે સાબ એફએફવી ઇન્ડિયા નામની નવી પેઢી બનાવશે. આ પ્રથમ વખત હશે જ્યારે સાબ સ્વીડનની બહાર કાર્લ-ગુસ્તાફ M4નું ઉત્પાદન કરશે. સાબની ફેક્ટરી હરિયાણામાં આવે તેવી શક્યતા છે. ભારતીય સશસ્ત્ર દળો દ્વારા ખભાથી ઑપરેટ કરી શકાય તેવા રોકેટનો વ્યાપકપણે ઉપયોગ કરવામાં આવે છે, અને યુ.એસ. જેવા દેશો અને યુરોપીયન રાષ્ટ્રો પણ તેનો ઉપયોગ કરે છે.

હાલમાં, ભારત ઓટોમેટિક રૂટ હેઠળ સંરક્ષણ ક્ષેત્રમાં માત્ર 74% FDIને જ મંજૂરી આપે છે. તે ઉપરાંત, “કેસ-બાય-કેસ” પદ્ધતિના આધારે ક્લિયરન્સ મેળવી શકાય છે. જો કે, 2015માં ક્લિયરન્સના નિયમો હળવા કરવામાં આવ્યા હતા. તેમ છતાં, કોઈપણ વિદેશી કંપની સંરક્ષણ ક્ષેત્રમાં 100% FDI માટે પરવાનગી મેળવી શકી ન હતી. સરકાર દ્વારા ઉદારીકરણ કરવામાં આવતાં ઓટોમેટિક રૂટ હેઠળ 74% સુધી અને સરકારી રૂટ દ્વારા 100% સુધી FDIને મંજૂરી આપવામાં આવી છે જ્યાં તે આધુનિક ટેક્નોલોજીના માર્ગમાં પરિણમે છે.

ભારતે નાણાકીય વર્ષ 2023માં એપ્રિલ-સપ્ટેમ્બરના સમયગાળા દરમિયાન સંરક્ષણ ઉદ્યોગોમાં $3.21 મિલિયનનું વિદેશી પ્રત્યક્ષ રોકાણ (FDI) મેળવ્યું હતું. આ ક્ષેત્રે 2021-22માં $2.36 મિલિયન, 2020-21માં $0.63 મિલિયન, 2019-20માં $2.20 મિલિયનનું વિદેશી રોકાણ આકર્ષિત કર્યું હતું. કેન્દ્રના ડેટા અનુસાર, 2018-19માં $2.18 મિલિયન અને 2017-18માં $0.01 મિલિયન રોકાણ થયું હતું.

આ પણ જુઓ :સ્વીડનમાં કુરાન સળગાવવાનો મામલે UNમાં પાકિસ્તાનના પ્રસ્તાવનું ભારતે સમર્થન કર્યું