ભારત પરત ફર્યો શૂટર સ્વપ્નિલ કુસાલે, ઓલિમ્પિક વિનરનું પૂણેમાં ભવ્ય સ્વાગત; જુઓ VIDEO
નવી દિલ્હી – 8 ઓગસ્ટ : પેરિસ ઓલિમ્પિક 2024માં ભારતને ત્રીજો મેડલ અપાવનાર શૂટર સ્વપ્નિલ કુસાલે ભારત પરત ફર્યો છે.સ્વપ્નીલે પેરિસ ઓલિમ્પિક 2024માં 50 મીટર રાઈફલ 3 પોઝિશનમાં બ્રોન્ઝ મેડલ જીત્યો હતો. આ ઈવેન્ટમાં મેડલ જીતનાર તે પ્રથમ ભારતીય ખેલાડી બન્યો હતો. તેણે ફાઇનલમાં 451.4 પોઇન્ટ સાથે બ્રોન્ઝ મેડલ જીત્યો હતો.
#WATCH | Maharashtra: Olympic medalist Swapnil Kusale receives a grand welcome as he arrives at Pune airport
He won Bronze medal in Men’s 50m Rifle in the #ParisOlympics2024. pic.twitter.com/q4D25t4JtY
— ANI (@ANI) August 8, 2024
પેરિસમાં બ્રોન્ઝ મેડલ જીત્યા બાદ સ્વપ્નિલ ભારત પહોંચ્યો ત્યારે તેનું જોરદાર સ્વાગત કરવામાં આવ્યું હતું. પુણે એરપોર્ટનો વીડિયો ન્યૂઝ એજન્સી ANI દ્વારા શેર કરવામાં આવ્યો છે, જ્યાં ઢોલ વગાડીને તેનું સ્વાગત કરવામાં આવ્યું હતું. ANIએ પોતાના X હેન્ડલ પર એક વીડિયો શેર કર્યો છે, જેમાં પેરિસ ઓલિમ્પિક 2024માં ભારત માટે બ્રોન્ઝ મેડલ જીતનાર સ્વપ્નિલ કુસાલે ભારત પરત ફર્યો છે. પૂણે એરપોર્ટ પર સ્વપ્નિલ કુસલેનું ઉષ્માભર્યું સ્વાગત કરવામાં આવી રહ્યું છે, જેમાં તેના ગળામાં ફૂલોની માળા પહેરાવીને મેડલ જીતવા બદલ તેને અભિનંદન આપવામાં આવી રહ્યાં છે.
પેરિસ ઓલિમ્પિક્સ 2024માં પુરુષોની 50 મીટર રાઈફલ 3 પોઝિશન ઈવેન્ટની ફાઇનલમાં સ્વપ્નિલ કુસલે ખાસ શરૂઆત કરી શક્યો ન હતો. તેણે ઘૂંટણિયે શૂટ કરીને 153.3 સ્કોર કર્યો (પહેલો શોટ – 50.8, બીજો શોટ – 50.9, ત્રીજો શોટ – 51.6). આ સમયગાળા દરમિયાન તે છઠ્ઠા સ્થાને રહ્યો. આ પછી, તેણે પ્રોનમાં શાનદાર કમબેક કર્યું અને 156.8 (પહેલો શોટ- 52.7, બીજો શોટ- 52.2, ત્રીજો શોટ- 51.9) સ્કોર કર્યો.અહીંથી સ્વપ્નિલે મેચમાં જોરદાર કમબેક કર્યું હતું. સ્ટેન્ડિંગમાં તેણે પોતાનો સ્કોર 422.1 પર પહોંચાડ્યો. આ પછી તે ત્રીજા સ્થાને પહોંચીને બ્રોન્ઝ મેડલ જીત્યો.
આ પણ વાંચો : જન્મદિવસે જ મીરાબાઈ ચાનુને મળી નિરાશા, માત્ર એક કિલો વજન ઓછું ઉંચકાયું અને…
