પ્રેમ, લગ્ન અને દહેજ ઉત્પીડન…, પિયર આવીને IAS ઓફિસરની દીકરીએ કરી આત્મહત્યાસ બાથરૂમમાંથી મળ્યો મૃતદેહ
આંધ્ર પ્રદેશ: 2 ડિસેમ્બર, 2025: આંધ્ર પ્રદેશમાંથી IAS અધિકારીની દીકરીના મૃત્યુનો ચોંકાવનારો મામલો સામે આવ્યો છે, જેના પરિવારે તેના પતિ અને સાસરિયા પર દહેજ ઉત્પીડનનો આરોપ લગાવ્યો છે. મૃત્યુ પહેલા યુવતીએ પોતાના પરિવારને ફોન કરીને દહેજ માટે સતામણી થઈ રહી હોવાનું જણાવ્યું હતું.
દહેજ ઉત્પીડનની ફરિયાદ
થોડા સમય પહેલા માધુરીએ પોતાના પરિવારને ફોન કરીને આરોપ લગાવ્યો હતો કે, તેને દહેજ માટે હેરાન કરવામાં આવી રહી છે. આ ફરિયાદ બાદ સપ્ટેમ્બરના પહેલા અઠવાડિયામાં તેના માતા-પિતા તેને લઈને પોતાના ઘરે તડેપલ્લી આવી ગયા હતા. પરિવારે જણાવ્યું કે, તેમની દીકરી તેના પતિના ઘરે પાછી જવા માટે ખૂબ જ ખચકાતી હતી. તે સતત તણાવમાં રહેતી હતી અને પરિવાર સાથે જ રહેવા માંગતી હતી.
પોલીસના જણાવ્યા અનુસાર, પરિવારજનોએ કોઈક રીતે તેનું મનોબળ વધારવાનો પ્રયાસ કર્યો, પરંતુ તે સતત ભાવનાત્મક દબાણ અનુભવતી હતી. આ મામલાને ગંભીરતાથી લેતા BNS (ભારતીય ન્યાય સંહિતા)ની કલમ 80 હેઠળ કેસ દાખલ કર્યો છે, જે દહેજ મૃત્યુ સાથે જોડાયેલા મામલાઓમાં લાગુ થાય છે. અધિકારીઓએ જણાવ્યું કે તમામ સંજોગોની ઊંડાણપૂર્વક તપાસ કરવામાં આવી રહી છે, જેમાં ફોન રેકોર્ડ, પારિવારિક નિવેદનો અને મેડિકલ રિપોર્ટ સામેલ છે. તપાસ પછી જ સ્પષ્ટ થશે કે ઉત્પીડનનું સ્વરૂપ કેટલું ગંભીર હતું અને તેમાં કયા-કયા લોકોની ભૂમિકા હોઈ શકે છે.
