Surat : ‘ધ કેરલા સ્ટોરી’ની ટિકિટ બતાવો અને મફતમાં ચા પીવો, ચા વાળાની અનોખી ઓફર
ગયા અઠવાડિયે શુક્રવારે રિલીઝ થયેલી ફિલ્મ ધ કેરળ સ્ટોરી અંગે દેશના વિવિધ ભાગોમાંથી પ્રતિક્રિયાઓ આવી રહી છે. ત્યારે સુરતના એક ચા વિક્રેતાએ આ ફિલ્મ જોવા પર ઓફર આપી છે, જે મુજબ તેને ફિલ્મની ટિકિટ બતાવવા પર ફ્રી ચા-કોફી આપવામાં આવશે. ચા વિક્રેતાએ તેની દુકાનની બહાર એક પોસ્ટર લગાવ્યું છે કે જો તેની દુકાન પર આવતા ગ્રાહકો ફિલ્મની ટિકિટ બતાવશે તો તેમને મફતમાં ચા અને કોફી મળશે. તેમણે કહ્યું કે, આ ઓફર 15 મે, 2023 સુધી માન્ય રહેશે.
આ પણ વાંચો : Gandhinagar : પ્રવક્તા મંત્રી ઋષિકેશ પટેલે ફિલ્મ ‘ધ કેરલા સ્ટોરી’ જોવા અપીલ કરી
ધ કેરળ સ્ટોરીને લઈને દેશભરમાં વિવાદ ચાલુ છે. એક તરફ જ્યાં કેટલાક લોકો આ ફિલ્મ પર પ્રતિબંધ લગાવવાની વાત કરી રહ્યા છે તો બીજી તરફ આ ફિલ્મને ટેક્સ ફ્રી જાહેર કરવાની કવાયત પણ ચાલી રહી છે. તાજેતરમાં, પશ્ચિમ બંગાળના સીએમએ રાજ્યમાં આ ફિલ્મ પર પ્રતિબંધ મૂક્યો હતો. મમતાએ એક પ્રેસ કોન્ફરન્સમાં કહ્યું કે, આ ફિલ્મ સમાજમાં દુરાચાર અને દુશ્મનાવટ ફેલાવવાનું કામ કરે છે. એટલા માટે અમે રાજ્યમાં આ ફિલ્મ પર પ્રતિબંધ લગાવી રહ્યા છીએ.
આ પણ વાંચો : વડાપ્રધાન મોદી રાજસ્થાન પહોંચ્યા, 5500 કરોડના પ્રોજેક્ટનું કરશે ઉદ્ઘાટન
આવા કેટલાક પ્રતિબંધ તમિલનાડુમાં પણ લાદવામાં આવ્યા છે. જો કે, ફિલ્મના નિર્દેશક સુદીપ્તો સેન આ પ્રતિબંધ વિરુદ્ધ સુપ્રીમ કોર્ટમાં પહોંચ્યા હતા અને સ્ટાલિન-મમતા સરકાર દ્વારા તેમની ફિલ્મ પર લગાવવામાં આવેલા પ્રતિબંધને ગેરબંધારણીય ગણાવ્યો હતો. તેમણે સુપ્રીમ કોર્ટમાં કહ્યું હતું કે, એકવાર ફિલ્મ બની ગયા બાદ અમે ફિલ્મને સેન્ટ્રલ બોર્ડ ઑફ ફિલ્મ સર્ટિફિકેશનની સામે મૂકી હતી, જેણે ફિલ્મમાં જ્યાં જરૂરી લાગ્યું ત્યાં કટ કર્યા હતા અને પછી તેની રિલીઝ માટે સર્ટિફિકેટ આપ્યું હતું. આવી સ્થિતિમાં, રાજ્યમાં કાયદો અને વ્યવસ્થાની સ્થિતિને ટાંકીને આ ફિલ્મ પર પ્રતિબંધ મૂકવો ગેરકાયદેસર છે. આ મામલાની નોંધ લેતા કોર્ટે 12 મેના રોજ સુનાવણી કરવાની ખાતરી આપી છે.
