પ્રવાસી મજૂરોને લઇ સુપ્રીમ કોર્ટનો ચુકાદો, તમામ રાજ્યોને આટલા સમયમા રેશન કાર્ડ આપવા આદેશ
- પરપ્રાંતિય મજૂરોને લઇ સુપ્રીમ કોર્ટનો મહત્વનો ચુકાદો
- તમામ રાજ્યોને 3 જ મહિનામાં રેશન કાર્ડ આપવા આદેશ
- પ્રવાસી મજૂરોને રેશન કાર્ડ આપવા માટે વ્યાપક પ્રચાર કરવા સુચન
સુપ્રીમ કોર્ટે ગુરુવારે તમામ રાજ્યો અને કેન્દ્રશાસિત પ્રદેશોને સરકારની ” કલ્યાણકારી યોજનાઓ” ના લાભો મેળવવા માટે ઇ-શ્રમ પોર્ટલ પર નોંધાયેલા સ્થળાંતરિત મજૂરોને રેશન કાર્ડ પ્રદાન કરવા માટે વધુ ત્રણ મહિનાનો સમય આપ્યો છે.
મજૂરોને રેશન કાર્ડ આપવા માટે વ્યાપક પ્રચાર કરવો
સુપ્રીમ કોર્ટે સ્થળાંતરિત મજૂરોને રેશન કાર્ડ પ્રદાન કરવા માટે વધુ ત્રણ મહિનાનો સમય આપ્યો છે.આ અંગે જસ્ટિસ એમઆર શાહ અને અહસાનુદ્દીન અમાનુલ્લાહની ખંડપીઠે જણાવ્યું હતું કે કેન્દ્રીય શ્રમ અને રોજગાર મંત્રાલયના પોર્ટલ પર નોંધાયેલા સ્થળાંતરિત મજૂરોને રેશન કાર્ડ આપવા માટે વ્યાપક પ્રચાર કરવામાં આવે જેથી તેઓ રાષ્ટ્રીય ખાદ્ય સુરક્ષા અધિનિયમ (NFSA) હેઠળ લાભ મેળવી શકે.
જાણો કોણે કરી હતી અરજી
અરજદાર અંજલિ ભારદ્વાજ, હર્ષ મંડેર અને જગદીપ છોકર દ્વારા દાખલ કરાયેલી અરજી પર સર્વોચ્ચ અદાલતનો આદેશ આવ્યો છે. જેમણે NFSA હેઠળ રાશનના ક્વોટાને ધ્યાનમાં લીધા વિના સ્થળાંતર મજૂરોને રાશન આપવામાં આવે તેવી માંગ કરી હતી.
કલ્યાણકારી યોજના લોકો સુધી પહોંચે તે સરકારની ફરજ
સર્વોચ્ચ અદાલતે 17 એપ્રિલે કહ્યું હતું કે કેન્દ્ર અને રાજ્ય સરકારો ફક્ત આ આધાર પર સ્થળાંતરિત કામદારોને રેશન કાર્ડ નકારી શકે નહીં કે NFSA હેઠળ વસ્તીનો ગુણોત્તર યોગ્ય રીતે જાળવવામાં આવ્યો નથી.દરેક નાગરિકને કલ્યાણકારી યોજનાઓનો લાભ મળવો જોઈએ તેવું અવલોકન કરતાં, સર્વોચ્ચ અદાલતે કહ્યું હતું કે કલ્યાણકારી યોજના રાજ્યના લોકો સુધી પહોંચવું એ સરકારની ફરજ છે.“ કેન્દ્ર અને રાજ્ય સરકારોએ તે જોવું જોઈએ કે તેઓને રેશન કાર્ડ મળે, સરકારનું કામ છે કે તે જરૂરિયાતમંદો સુધી પહોંચે “
SC gives States, UTs three months for providing ration cards to migrant labourers
Read @ANI Story | https://t.co/FD1W8m5S4v#SupremeCourt #RationCard #MigrantLabours pic.twitter.com/oXeSwu4IVt
— ANI Digital (@ani_digital) April 20, 2023
ઈ- શ્રમ પોર્ટલ પર આટલા કામદારોએ કરાવી નોંધણી
કેન્દ્રએ સબમિટ કર્યું છે કે બાંધકામ કામદારો, સ્થળાંતર મજૂરો, શેરી વિક્રેતાઓ અને ઘરેલું સહાયકો જેવા અસંગઠિત ક્ષેત્રના કામદારો માટેના ઈ- શ્રમ પોર્ટલ પર 28.86 કરોડ કામદારોએ નોંધણી કરાવી છે.તેમાં કહેવામાં આવ્યું છે કે, “આ ડેટા 24 રાજ્યો અને તેમના શ્રમ વિભાગો વચ્ચે શેર કરવામાં આવી રહ્યો છે. પ્રારંભિક ડેટા મેપિંગ કરવામાં આવ્યું છે. લગભગ 20 કરોડ લોકો રાષ્ટ્રીય ખાદ્ય સુરક્ષા કાયદાના લાભાર્થી છે, જેઓ પોર્ટલ પર નોંધાયેલા છે.
આ પણ વાંચો : SC આજે ગોધરાકાંડના 31 દોષિતોની જામીન અરજી પર સુનાવણી કરશે
