સુપ્રીમ કોર્ટે સેતલવાડની જામીન અરજી પર 19 જુલાઈએ કરશે સુનાવણી; ગુજરાત હાઈકોર્ટના આદેશ પર સ્ટે લંબાવ્યો
નવી દિલ્હી: સુપ્રીમ કોર્ટે બુધવારે સામાજિક કાર્યકર્તા એક્ટિવિસ્ટ તીસ્તા સેતલવાડની જમાનત અરજી પર 19 જૂલાઇ બપોરે બે વાગે સુનાવણી નક્કી કરી છે. તેમની અરજી પર નોટિસ જારી કરતાં SCએ ગુજરાત હાઇકોર્ટના તે આદેશ પર વચગાળાનો સ્ટે પણ લંબાઇ દીધો, જેના હેઠળ ગુજરાત હાઇકોર્ટે તેમને નિયમિત જામીન આપવાથી ઇનકાર કરી દીધો હતો.
જસ્ટિસ બીઆર ગવઇ, જસ્ટિસ એએસ બોપન્ના અને જસ્ટિસ દીપાંકર દત્તાની પીઠ સેતલવાડની અરજી પર ગુજરાત હાઇકોર્ટના તે આદેશ વિરૂદ્ધ સુનાવણી કરી રહી હતી, જેમાં ગુજરાત પોલીસ દ્વારા ઉચ્ચ સરકારી અધિકારીને ફસાવવાના કથિત રૂપથી નકલી દસ્તાવેજ તૈયાર કરવાના મામલામાં તીસ્તા વિરૂદ્ધ નોંધેલી એફઆઈઆરના સંબંધમાં તેમને નિયમિત જમાનત આપવાથી ઇન્કાર કરી દીધો હતો.
સુપ્રીમ કોર્ટે શનિવારે ગુજરાત હાઇકોર્ટના તે આદેશ પર એક સપ્તાહ માટે રોક લગાવી દેતા તીસ્તાને તરત જ આત્મસમર્પણ કરવાનો નિર્દેશ આપ્યો હતો. સુપ્રીમ કોર્ટે શનિવાર, 1 જૂલાઇ રાત્રે 9 વાગે વિશેષ સુનાવણી કરતાં હાઇકોર્ટના આદેશ પર એક સપ્તાહના સમયગાળા માટે પ્રતિબંધ લગાવી દીધો હતો.
સીનિયર એડવોકેટ કપિલ સિબ્બલ સેતલવાડ તરફથી રજૂ થયેલા અને એડિશનલ સોલિસિટર જનરલ એસવી રાજૂ ગુજરાત રાજ્ય તરફથી હાજર થયા હતા.
આ પણ વાંચો-આદિવાસી યુવક પર પેશાબ કરવાનો મામલો: રાહુલ ગાંધી બોલ્યા- અત્યાચાર વધતા જ જઇ રહ્યાં છે…
